Wb/nia/Yesaya/24
I. Fama'ele'ö fa'atekiko danö ma'afefu[edit | edit source]
1 Hiza, ihori nösi guli danö Yehowa ba ise'e zi so yaŵa, tobali dete danö ibe'e, ifazawili zowanua yaŵa. 2 Si mane ba gere göi ba zato, ba he ba zokhö ba he ba zawuyu, he ba zokhö ira alawe ba he ba zawuyu ono alawe, he ba zamawa hadia ia ba he ba zowöli, he ba zamalali ana'a ba he ba zame'e nifalali, he ba zo'ömö ba he ba zosugilö.[1] 3 Salösu lö ösi guli danö dania, ahori terabu, noa sa'ae Yehowa zanguma'ö. 4 Abu dania dödö guli danö, saleu ia, timba zotufo ilo tou danö, oköli; ba salaŵa niha ba guli danö, ba mate olofo. 5 Noa sa teta'unöi danö barö gahe zowanua yaŵa; me lö ni'o'öra oroisa ba me no lasawö gamakhoita, ba me no faröi ira ba wawu'usa li andrö, si no götö-götö wa'ara. 6 Andrö i'a danö fangelifi ba lalu'i horö sowanua yaŵa; ariri niha ba guli danö ba lö atoto zi tosai niha. 7 Amaedola zabu tödö nösi mbua nagu ba si mate döla; ba dozi somuso tödö mege, ba mangarö-ngarö. 8 Döhö wamözi aramba andrö, sowua-wua dödö niha, tebato wagua-guasa zomuso tödö, ba döhö li mbiola, si no omasiö niha mege.[2] 9 Lö'ö sa'ae labadu nagu ba wanunö ba afeto duo ba zamadu. 10 No adudu mbanua faya andrö; dozi omo, ba no mukusi mbawandruhö, lö lafa'amöi yomo niha. 11 Mangarö-ngarö niha ba newali, ba nagu andrö; fa'omuso dödö, ba lö'ö sa'ae; fa'asökhi dödö ba guli danö, ba no ahori taya.[3] 12 Ba mbanua, ba hatö fa'adudu; bawa göli, ba no murasa. 13 Da'ö sa zi göna uli danö, itörö niha andrö, si mane na lateteu mbua falo, amaedola wangozaragö wo'uwo'u, na no awai wangai bua nagu.[4]
II. Fanguhuku ösi guli danö ba fangorifi banua Lowalangi[edit | edit source]
14 Ba ya'ira andrö, ba la'ebua'ö lira wa'iki, lasuno wa'asalaŵa Yehowa tanö ba gaekhula luo [lamane]:[5] 15 Andrö mifosumange Yehowa, ya'ami si so ba danö tanö ba gatumbukha; ya'ami si hene asi, mifosumange döi Yehowa, Lowalangi Ndraono Gizeraeli! 16 Moroi ba wondrege danö tarongo wanunö, [lamane]: "Lakhömi ba zatulö tödö!" Ba umane: Itörö ndra'o fökhö! Itörö ndra'o fökhö! Alai ndra'o! Falimo zi falimo andrö, ha sambalö falimosa ba zi falimo andrö! 17 Ihawui ndra'ugö fa'ata'u, alau'ö ba lösu-lösu ba ba gu'ö, ya'ugö sowanua ba guli danö! 18 Soloi ba duria gameta'uö andrö, ba alau ba lösu-lösu; ba si falukha fe'amöi yaŵa moroi ba lösu-lösu, ba alau ba gu'ö. Teboka sa zandrela andrö ba mbanua yaŵa ba humeu dayadaya danö andrö.[6] 19 Asila danö, ofetu, abölö-bölö; aboto danö, fabali; mangiwa danö, humeu. 20 Managanagaele danö, si mane si mabu, humeu, hulö mbue; abua noronia olalöŵania andrö: alau tou ia, ba wa lö maoso sa'ae. 21 Ba na luo da'ö, ba ifatörö wotu Yehowa ba zabölö andrö si yaŵa ba mbanua yaŵa ba ba zalaŵa tou ba guli danö.[7] 22 Tekuru ira ba gohokoho, nifokuru nibe'e ba gurunga, ba tekusi; ba na no ara dania, ba tefaigi zui ira.[8] 23 Ba aila mbaŵa ba afusi mbawa luo wa'aila. Yehowa ngahönö andrö sa'ae dania zalaŵa ba hili Ziona ba ba Yeruzalema, ba lakhömi föna nawönia satua.[9]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö