Jump to content

Wb/nia/Yesaya/59

Add links
From Wikimedia Incubator
< Wb | nia | Yesaya
Wb > nia > Yesaya > 59

I. Horö Ndraono Gizeraeli wamabali ya'ira khö Lowalangira

[edit | edit source]

1 Hiza, tenga sambö danga Lowalangi, ba wangorifi, ba tenga safiso ia, fa lö ifondrondrongo.[1] 2 Ha olalöŵami zamabali ya'ami khö Lowalangimi, ba horömi andrö mbörö, wa ibini'ö mbawania khömi, ba wa lö mamondrongo.[2] 3 Me no oi do dangami ba me no falemba ba durumi lalö; no faya wehede mbewemi, ba lelami andrö, ba no ilau zi lö sökhi.[3] 4 Lö satulö fangombakha hadia ia, ba lö sanörö lala, wangetu'ö huku: — ba zi lö boto abe'e dödöra, ba lalau waya; abeto ira famakao, ba la'adonogö wamakiko![4] 5 Lafaukhu gadulo gulö ba lasoso gu'ö galaŵa; si manga gadulo andrö khöra, ba mate, ba na laboto, ba alua nono gulö.[5] 6 Tenga baru dania mbeweŵö andrö khöra, tebai tahalö balu-baluda nilaura; folaura andrö, ba no folau famakiko, famalangögö halö-halöŵö dangara.[6] 7 Ba zi lö sökhi isaŵa ahera ba alio ira, ba wame'e aduwa ndro zi lö horö; era-era ba wamakiko gera-erara; fanudugö ba famufu ba lalara.[7] 8 Lala wa'atulö, ba lö la'ila; lö satulö ba döröŵara andrö; no labila'ö khöra lalara andrö, ba ba zanörö ya'ia, ba samösa lö sangila fa'atulö.

II. Andrö göna fotu ira

[edit | edit source]

9 Andrö wa no aröu khöda zadölö lala, ba lö ikhamö ita fa'atulö. Tadöna-döna haga, ba hiza zogömi-gömi; tadöna-döna wa'amoluo — ba tadörö-dörö zi bongi.[8] 10 Tabaya-bayaisi, hulö niha sau'a, ba zinga göli, hulö zi lö hörö, wa tabaya-bayaisi misa; ba zi laluo manendre ita, hulö na ogömi-gömi na; hulö zi mate ita bakha ba hunö zi lö fökhöfökhö.[9] 11 Ba mundröndröndröndrö ita, hulö mberua, ba fakore hulö marafadi, lö mamalö-malö. Tadöna-döna zadölö lala, ba lö'ö; tadöna-döna wangorifi, ba no aröu khöda.[10] 12 Noa sa fahöna golalöŵama khöu, ba i'ombakha'ö ndra'aga horöma: aboto sa'ae ba dödöma lalöma andrö, ba no ma'ila zalama.[11] 13 No ta'erogö Yehowa, no falimo ita khönia; no tabato wolo'ö khö Lowalangida; famalangögö ba fa'erosa huhuoda; no abeto dödöda fehede faya, ba tafalua moroi bakha. 14 Tetimba mifuri zadölö lala, ba ba zaröu so wa'atulö; fa'aduhu andrö, ba manendre ba kade; ba fa'adölö, ba tebai isöndra mbawa lala. 15 Ba tobali lö falukha zi duhu, ba si lö mombambaya si lö sökhi, ba no aekhula zorabu. Me i'ila da'ö Yehowa, ba fatuwu khönia, wa lö satulö sa'ae.

III. Ba ba gafuriata, ba ihakhösi tödö ira Lowalangi

[edit | edit source]

16 Ba i'ila wa samösa lö niha, ba ahöli-höli dödönia, me lö sombelegö ya'ia mena'ö, awena ilau manö tangania, ba fa'atulönia zanolo ya'ia.[12] 17 Ba i'angöröba wa'atulö ba i'okofia detenaulu fangorifi andrö; i'obaru mbaru ba wolau balö ba i'olohuni ia fönu baru sebua khönia.[13] 18 Isulöni nilau andrö: fönu ba nudunia ba sulö ba nemalinia; isulöni ba hulo andrö nilaura. 19 Ba la'ata'ufi dania döi Yehowa tanö ba gaekhula luo, ba lakhöminia tanö ba gatumbukha; itörö sa dania, hulö nidanö sise-ise ungo, nibözi nangi andrö khö Yehowa. 20 Ba ba mbanua Ziona, ba möi ia sangorifi ba ba ma'uwu Yakobo andrö, samalalini era-erara, sondröi lalöra andrö, iŵa'ö Yehowa.[14] 21 Ba ba khögu andre, ba da'ö wawu'usa li andrö khögu khöra: Ehehagu andrö, si no ahono khöu, ba taroma ligu, nibe'egu ba mbeweu, ba lö aefa dania ba mbawau, ba he ba mbawa nga'ötömö ba he ba mbawa ma'uwura zui, iŵa'ö Yehowa, i'otarai da'e, irugi zi lö aetu.

Famotokhi ba gahe

[edit | edit source]
  1. ↑ Sin 94:9; Faigi 50:2
  2. ↑ Yoh 9:31
  3. ↑ Faigi 1:15
  4. ↑ Yob 15:35; Sin 7:15
  5. ↑ Yob 8:14
  6. ↑ Yud a. 23
  7. ↑ Amaed 1:16; Rom 3:15–17
  8. ↑ Faigi 5:30
  9. ↑ Yob 10:21
  10. ↑ Faigi 38:14
  11. ↑ Yer 14:7
  12. ↑ Faigi 63:5
  13. ↑ Efes 6:17; TesI 5:8
  14. ↑ Rom 11:26

Fabaliŵa lala

[edit source]

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Yesaya/59&oldid=6462940"