Wb/nia/Yesaya/55
I. Famarou tödö, ba wangai fa'ebua dödö Lowalangi andrö[edit | edit source]
1 He ya'ami, sowökhi tödö, fefu, mi'ondrasi nidanö! Ba ya'ami si lö balazo, mi'aine mi'öli mböra ba mi'a! Mi'aine, mi'öli mböra, ba agu ba susu, saoha gölö![1] 2 Hana wa edöna mitulo gana'a, böli zi tenga ö, ba ölömi, ba zi tebai abuso ami? Ba mifondrondrongo khögu, ba misöndra ömi zi sökhi ba möi fangokafu dödömi zatabö. 3 Mibe'e mbörö dalingami ba mi'ondrasi ndra'odo! Mifondrondrongo, ena'ö tedou nosomi! Ba ulau fawu'u li khömi, si lö tebulö: — fa'ebua dödögu andrö khö duami Dawido, si tebai awu'a! 4 Hiza, no ube'e samaduhu'ö ia, ba niha baero salaŵa ba samatörö soi niha.[2] 5 Hiza, ökaoni dania soi si lö örai mila, ba la'ondrasi ndra'ugö niha si lö irai fa'ila li khöu. Börö Yehowa, Lowalangiu andrö, Ni'amoni'ö ndraono Gizeraeli andrö, me no ifolakhömi ndra'ugö.[3] 6 Mi'alui Yehowa, fatua i'oro'ö ia, mi'angaröfi li ia, fatua ahatö ia.[4] 7 Sebua horö, ba yamuröi lalania andrö, ba si lö atulö ba yamuböhöli nikhoi dödönia, yamufuli ia khö Yehowa, ba ihakhösi tödö; ba khö Lowalangida, sangöhöna dania fame'e aefa horönia.[5]
II. Mofozu nikhoi dödö Lowalangi ba wangorifi niha[edit | edit source]
8 Me no imane Yehowa: Bö'ö gera-eragu ba bö'ö gera-erami, bö'ö lalami ba bö'ö lalagu.[6] 9 Fa'alaŵa mbanua si yaŵa yaŵa danö wa'alaŵa lalagu moroi ba lalami, ba si manö wa'alaŵa gera-eragu, moroi ba gera-erami. 10 Hulö deu andrö, si otarai mbanua si yaŵa ba si lö mangawuli ba da'ö, — na lö nibasöinia tanö, fangatabö zinanö, na lö nibe'enia auri zinanö wangasogö tanömö ba wanaru ba balazo, ni'a — 11 si manö daroma ligu andrö, si otarai mbawagu: lö mangawuli khögu lö boto, atö na no mofozu zomasido ibe'e ba na no ifalua ba nifa'ohe'ögu ya'ia! 12 Fa'omuso dödö sa khömi ba wofanö ba tefasao ami, lö hadia ia. Ma'iki hili ba hili-hili fönami, ebua li, ba molau tatawo fefu hogu geu ba mbenua.[7] 13 Auri sa'ae ndruria salahi manaze, ba salahi lato, ba malimbi. Ba tobali fangebua döi Yehowa, tandra si lö tebulö, si tebai mate.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö