Wb/nia/Yesaya/10
I. Fango'ozui fameta'u Iraono Gizeraeli ba walösökhira andrö[edit | edit source]
1 Alai zamakhoi si lö atulö, awö durutuli andrö, sanuranura famakao! 2 Fomba'a lala huku, ba zi numana, ba fa lö lala huhuo ba zebua famakao, ba mbanuagu andrö, ena'ö öra zi no mate ira matua ba ena'ö la'ila larabu zi so khö zi lö ama, si lö ina. 3 He miwisa sa na baŵa wotu ba na itörö ami angi sabölö moroi ba zaröu? Ha khö misaŵa, ba wangalui fangorifi ba heza mibe'e lakhömimi? 4 Na lö iköwö ia zamösana ba gotalua niha nirabu, ba te'ö'ötö ia tou, awö nibubunu andrö. Ba ba da'ö fefu, ba lö tebulö wönu Zoaya; fadoro na, i'oro'ö dangania.
II. Fama'ele'ö fotu Ndrawa Asiria si fayaŵa andrö[edit | edit source]
5 Alai Ndrawa Asiria andrö, bago gama andrö khögu, ba wönugu, ba bözi-bözi khögu ba wa'abao dödögu andrö![1] 6 Ufatenge ia fangotu'ö soi andrö, sanao horö; u'oroi'ö ia fotu mado andrö, sofönu ndra'odo. Ena'ö la'oloi'ö gama-gamara, ena'ö la'osindra'ui, ba ena'ö lahundragö ira, nifanguhundra tambu ba golayama. 7 Ba tenga si manö gera-erania, tenga da'ö dödönia; si so ba dödönia, ba ena'ö oya ifakiko soi niha, ena'ö oya ihori. 8 Imane sa'ae: "Hadia, tenga no amaedola razo gumandru andrö khögu fefu?[2] 9 Hadia, tenga lala Garikemi mege lala Galino? ba tenga lala Garafada lala Hamata? ba tenga lala Ndramaseko andrö lala Zamaria?[3] 10 Si mane me ubaya mege nöri niha baero andrö, soya adu, moroi ba Yeruzalema ba moroi ba Zamaria —, 11 Hadia lö u'ila ulau ba Yeruzalema ba ba nadura andrö nilaugu ba Zamaria ba ba ba nadura?"[4] 12 Ba na no awai fefu halöŵö Zo'aya ba hili Ziona andrö ba ba Yeruzalema, ba möido mufaigi [iŵa'ö So'aya] mbua-bua hokha razo Asiria andrö, awö watandrosa hörönia andrö, sebua fayaŵasa. 13 Me imane: "Fa'abe'e dangagu ba fa'atua-tuagu, wa ulau da'ö, u'ila sa'ae watahögö. No uwu'ai nola soi niha ba no urabu nihönara andrö, no utimba ira ba dadaomara, si mane sabölö. 14 No ira'u tangagu gana'a soi niha, timba wondra'u azuni wofo; si mane na lahalö gadulo niröi wofo, si manö wangaigu tanö ma'afefu; lö'ö na'i samaliŵa afinia, lö samokai bawa ba lö si faki!" 15 Hadia, isuno ia maö fato khö zi oleŵa'ö ya'ia? Hadia, fayaŵa garagazi, ilaŵa zamatörö ya'ia? Amaedola na ifangaha zanuyu ya'ia bözi-bözi, ba amaedola na ifazaŵa ue zi tenga eu.[5] 16 Andrö dania ifatörö So'aya, Yehowa ngahönö andrö, wa'ariri ba zesolo andrö khönia, ba ba lakhöminia andrö, ba ebua galitö, timba zino wa'u.[6] 17 Ba haga andrö ba Ndraono Gizeraeli, ba tobali alitö, ba ni'amoni'ö andrö khöra, ba tobali hola-hola, ba humola ba i'a za'a-sa'a mao andrö ba sasai'ö andrö khöra, ha ma'öma'ökhö.[7] 18 Ba ahori gatua sabölö andrö, awö geu sowua ba kabu ibe'e, hunö fabaya ösi, timba na ariri zofökhö baosi. 19 Ba si tosai töla geu ba gatua khöra, ba lö oya-oya, irege i'ila itanö ba zura iraono.
III. Ni'orifi zi tosai Iraono Gizeraeli[edit | edit source]
20 Ba na luo da'ö, ba lö'ö sa'ae labe'e we'e-we'e dödöra zi no mamakao ya'ira si tosai Iraono Gizeraeli ba si no moloi ma'uwu Yakobo, Yehowa andrö, ni'amoni'ö Ndraono Gizeraeli sa'ae lahalö we'e-we'e dödöra, soroi ba dödö. 21 Si tosai andrö, ba lafuli ira ba zi sökhi; si tosai ma'uwu Yakobo, ba lafuli ira khö Lowalangi sabölö.[8] 22 He sa fa'oya ngawua nene ba mbewe nasi niha khömi, ya'ami Iraono Gizeraeli, ba ha si tosai andrö zamuli ya'ira ba zi sökhi. Noa sa muhonogöi wangohori, sanörö, satulö lala.[9] 23 Ifalua sa dania Yehowa ngahönö andrö wangohori andrö, nihonogöinia, ba dalu danö.[10] 24 Andrö wa imanö Yehowa ngahönö andrö: Ya'ami banuagu, banua Ziona, böi mi'ata'ufi Ndrawa Asiria, sangahare'ö ue khömi ba samangaha bözi-bözi khömi, si mane ba danö Miserayi föna.[11] 25 Lö'ö sa ara tö, ba alö wa'abao dödö [gu], ba ifaudugö ira fönugu, ba wangohori ya'ira. 26 Ba ibaha dania khöra mbözi-bözi Yehowa ngahönö andrö, si mane me ibago Ndraono Midiano ba gara Orebi. I'oro'ö dania zi'onia yaŵa nasi, si mane me i'oro'ö ba Ndrawa Miserayi.[12] 27 Ba na luo da'ö, ba abu'a ba galisiu noro andrö khöra, ba kalo mbagi andrö khöra, ba abu'a ba mbagiu.
IV. Na so moroi sa Ndrawa Asiria, ba wanudugö Siona, ba tefakiko, lö mudöna-döna[edit | edit source]
28 Larugi Nayata, latörö Migerono; ba Mikhima laröi gama-gamara. 29 Latörö mbawa danö andrö, ba Geba mörö ira. Tokea Rama; moloi Gibea Zaulo.[13] 30 Mi'ebua'ö li we'ao, ya'ami banua Galimi! Mifondrondrongo, ya'ami La'isa! Mitema li, ya'ami Anatoti! 31 Moloi Madamena, ba banua Gebimi, ba soloi göi.[14] 32 Ba sara wongi ira ba Nobi; ba i'oro'ö dangania ba hili mbanua Ziona, ba hili mbanua Yeruzalema andrö.[15] 33 Ba hiza, ba ilöwa tou Yehowa ngahönö andrö ndraha andrö sata'u ita. Ena'ö te'obö tou zi no alaŵa hogu andrö ba ena'ö te'ide-ide'ö zi no töra fa'ebua. 34 Sasai'ö ba gatua, ba te'eŵa si'öli, ba sabölö zangohori eu ba hili Libano.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö