Wb/nia/Yesaya/61
I. I'ombakha'ö Mesia andrö ndröfi wangorifi banua Lowalangi andrö, situgu ahatö sa'ae[edit | edit source]
1 No ahono khögu Geheha Zo'aya andrö, Eheha Yehowa, me no ibayoini ndra'o Yehowa, ba wama'ema turia somuso dödö ba zebua famakao; no ifatenge ndra'odo, ba wodalu-daluni si no arasa tödö, ba ba wangombakha fangefa ba nikuru, ba famolala tödö ba nifobilagu;[1] 2 ba wanuriagö döfi wa'omasi khö Yehowa ba baŵa wolau balö khö Lowalangida, ba wondrara tödö zabu tödö fefu.[2] 3 Ba wama'ema ba zabu tödö andrö, banua Ziona, aya salahi nawu ba fanikha fa'owua-wua dödö, salahi wa'abu dödö, ba baru ba walöŵa, salahi wa'ata'u dödö bakha; ba labe'e dania töira "Döla geu wa'atulö", "Sinanö Yehowa", lakhöminia. 4 Ba lafuli la'otomosi gadudula, si no ara sibai, lafuli la'a'azökhi zadudu banua ndra tua, bohou labe'e mbanua niröi föna, adudula ba götö föna sa'ae.[3] 5 So niha bö'ö, ba wokubaloi urifömi; niha bö'ö göi zonowi khömi ba sohalöŵö ba kabu nagu khömi. 6 Ba töimi, ba "Ere Yehowa;" "Enoni Lowalangida" labe'e töimi. Ömi dania mbalazo niha baero ba mikhamö gana'ara.[4] 7 Dua winaeta dania zalahi wango'aya andrö mege, ba ma'iki dania ira, ndrohu-ndrohu, salahi wa'aila mege. Andrö wa dua winaeta dania khöra ba danöra: fa'omuso dödö si lö aetu lasöndra.[5] 8 Me no somasi satulö ndra'odo, ya'o Yehowa, ba sogoro nirabu manö, ba wa lö atulö; ube'e mböli gölöra, lö falimodo, ba utehe khöra wawu'usa li, si lö tebulö. 9 Ba anehe dania niha baero ma'uwura, ba la'ila madoura soi bö'ö: dozi sangila ya'ira, ba aboto ba dödö, wa no mado nifahowu'ö Yehowa ira.
II. Fa'omuso dödö ba gamabu'ula li Lowalangi andrö[edit | edit source]
10 Ba omuso dödögu ba khö Yehowa, owua-wua dödögu ba khö Lowalangigu, me no ifonukha ndra'odo nukha fangorifi, me no i'olohuni ndra'o baru sebua fa'atulö andrö, si mane sangowalu, sangehao aya ba högö, ba si mane ono nihalö si onukha nukha ni'owalu.[6] 11 Si mane tanö sa'ae, sauri sinanö, ba si mane kabu, ba zolöndru tanömö zinanö, si manö wa'amolöndru wa'atulö ba fa'ebua döi, ibe'e So'aya, Yehowa, ba zanehe niha baero fefu.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö