Wb/nia/Yesaya/56

From Wikimedia Incubator
< Wb‎ | nia‎ | Yesaya
Wb > nia > Yesaya > 56

I. Niha baero, solo'ö oroisa, ba tefolala göi ba nomo Yehowa andrö[edit | edit source]

1 Da'ö niŵa'ö Yehowa: Mitörö lala ba milau zatulö. Lö ara tö, ba so wangorifi andrö khögu ba tefa'ele'ö wa'atulö andrö khögu.[1] 2 Ya ahowu niha solo'ö da'e ba ono niha, si lö mamöhöli: samaigi fa böi telau zalakha ba luo sabato, ba sanaha tangania, fa böi ibabaya si lö sökhi![2] 3 Ba niha bö'ö andrö, si olembai Yehowa, ba böi yamuŵa'ö tödönia: Lö zi lö itibo'ö ndra'o banuania Yehowa! ba nikhai andrö, ba böi yamuŵa'ö: Hiza, töla geu si no mate ndra'odo! 4 Da'ö sa'ae niŵa'ö Yehowa: Nikhai andrö, si amoni'ö luo sabato andrö khögu ba sangalui somasi ndra'o ba si lö mamöhöi fawu'usa li andrö khögu,[3] 5 ba ufoharefa ba gosali khögu ba yomo ba mbanuagu, ba ufotöi, si sökhi moroi ba nono matua ba moroi ba nono alawe: töi si lö tebulö ba si tebai mate ube'e ba zamösana. 6 Ba niha bö'ö andrö, si olembai Yehowa, ba wangai halöŵönia ba ba wangomasi'ö töi Yehowa, ba we'amöi enoninia: dozi si lö mame'e tekiko luo sabato ba si lö mamöhöi fawu'usa li andrö khögu,[4] 7 ba u'ohe mangawuli ba hili ni'amoni'ö andrö khögu, ba omuso dödöra ba nomo wangandrö andrö khögu ube'e: somasido dania zumange nitunu ba sumange nitaba, khöra, ba naha wame'e sumange andrö khögu; omo wangandrö ba niha fefu sa döi nomogu andrö dania.[5]

II. Fanegu sanaro Iraono Gizeraeli andrö, si no au'a[edit | edit source]

8 Da'ö niŵa'ö Zo'aya, Yehowa, sangozaragö sizaewe Iraono Gizeraeli: Utohugö na wangozaragö, ni'orudugö ba ni'ozaragö andrö.[6] 9 Mi'owuloi ami, ya'ami saliŵa-liŵa ba mbenua, mi'aine, ba wemanga, ya'ami utu ndru'u barö gatua![7] 10 Sanaro andrö khöra, ba no au'a, dozi ira, ba lö fa'aboto ba dödö: no fadoro asu si lö lili, si tebai mukau; no lafadölö ira tou, mangifingifi, alau-lau hörö. 11 Ba asu andrö, ba sanani, tebai abuso, — ba ya'ira andrö, kubalo andrö, ba tebai labe'e mbörö dalingara. Itörö lalania zamösana, dozi lafaigi heza lasöndra harera, no fagölö-gölö.[8] 12 [Lamane]: "Mitabu, da'uhalö nagu ba tabadu zi mabu ita. Ba si mane ma'ökho göi mahemolu, niforege!"

Famotokhi ba gahe[edit | edit source]

  1. Sin 82:3; Mat 3:2
  2. MozII 20:8; Yer 17:21
  3. Fam 1:5
  4. Efes 2:11–22
  5. Mat 21:13
  6. Faigi 11:12; Yoh 10:16
  7. Faigi 43:20
  8. Yer 6:13; 8:10

Fabaliŵa lala[edit source]

Olayama Yesaya: 123456789101112131415161718192021222324252627282930313233343536373839404142434445464748495051525354555657585960616263646566

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö