Wb/nia/Yesaya/66
I. Na ha ni'ila hörö niha wamosumange Lowalangi, ba lö omasi ia
[edit | edit source]1 Da'ö niŵa'ö Yehowa: Dadaomagu mbanua si yaŵa ba dane-dane gahegu danö. Ba heza so ena'ö nomo andrö, nilaumi khögu, ba hezo naha solombase ndra'o?[1] 2 No tangagu sa atö zamazökhi da'ö fefu, wa so da'ö fefu, iŵa'ö Yehowa. Ba da'ö unehegö: sebua famakao ba si no arasa tödö ba sanizi-nizi ba daroma ligu andrö.[2] 3 Sanaba öröbao ba samunu niha göi; same'e sumange biri-biri ba samao famunu asu; same'e sumange ni'a ba samao do mbawi; sanunu kumöyö ba samao fanömba adu —: si mane ya'ira, me no nilau dödöra wanörö lalara andrö, ba me omasi ira zogoro ita andrö khöra,[3] 4 si manö göi ndra'o wa omasido mamakao ya'ira ba ufatörö khöra zihokha mbura, me no lö sanema li, me mu'ao ndra'o, ba me lö samondrongo, me humede ndra'odo; ba si fatuwu ba hörögu, da'ö lalau, ba si lö omasi ndra'o, ba omasi ira.[4]
II. Fa'omuso dödö zi ndruhu mbanua Lowalangi
[edit | edit source]5 Mifondrondrongo li "Yehowa, ya'ami sanizi-nizi ba daroma linia andrö! No lamane talifusömi andrö, si fatiu tödö khömi, sanibo ya'ami, börö döigu andrö: "Yamu'oroma'ö lakhöminia Yehowa, ena'ö anehe ndra'aga wa'omuso dödömi andrö". 6 Ba saila ira dania. Hiza ruru ba gamaudu mbanua; moroi ba gosali tarongo li Yehowa, sanulöni ba zi fa'udu khönia nilaura andrö. 7 Lö fakhamö afökhö hulu, ba no madono ia; lö fakhamö afökhö hulu, ba no i'adonogö nono matua. 8 Ha niha zirai mamondrongo si manö? ha niha zirai mangila? Hadia, böla zi sambua tanö, ha ma'öma'ökhö? Hadia, ha samuza wa'atumbu zi sambua soi? — wa no afökhö hulu Ziona, ba no fadoro i'adonogö nononia? 9 Hadia, irege hatö fa'aböla u'ohe maö [dabina], ba lö ube'e tumbu? iŵa'ö Yehowa. Ba ma same'e tumbu ba sanaha zui dania ndra'odo? iŵa'ö Lowalangiu. 10 Ya omuso dödömi, awö Yeruzalema ba mi'a'iki-iki ba khöra andrö, ya'ami fefu, somasi ya'ia! ya owua-wua dödömi awöra, ya'ami fefu, sabu tödö ba khöra. 11 Ena'ö abuso ami, wamadu ösi zusu fondrara tödö andrö khöra, ena'ö misowo ba ena'ö möi fangokafu dödömi wa'afahöna lakhömira andrö. 12 Imane sa Yehowa: Hiza, ufatörö khöra wa'ohahau dödö, hulö mboto nidanö, awö lakhömi niha baero andrö, hulö mbombo, si nönöi daso, ena'ö misisiö ba ena'ö nilu'i ba lembe ami ba ena'ö nihagi ba gaheta.[5] 13 Si mane na irara dödö nononia ina wondraragu tödömi, ba bakha ba Yeruzalema andrö dania terara dödömi. 14 Ba na mi'ila dania, ba owua-wua bakha dödömi, ba auri dania dölami, si mane du'u sawuyu-wuyu. Ba oroma danga Yehowa ba genoninia, ba mofönu ia ba zi fa'udu khönia.
III. Fama'ele'ö fanguhuku ba gafuriata andrö
[edit | edit source]15 Hiza sa, itörö dania Yehowa, fasui galitö, ba amaedola nangi sabölö guretania, ba wolau sulö fönunia andrö so'alitö ba fanegunia sihola-hola.[6] 16 Alitö sa ilau Yehowa, wame'e huku, ba si'ölinia andrö, ba niha fefu, ba ato dania ni'ö'ötö Yehowa andrö. 17 Ya'ira andrö, si amoni'ö ya'ira, sangehao ya'ira, ba we'amöi ba kabu andrö, wolo'ö khö zi so ba dalu andrö khöra, ba si manga mbawi ba hadia ia zogoro ita, ba te'u: ya'ira andrö, ba nihori fefu, iŵa'ö Yehowa. 18 Ba ya'odo, ba u'ila wolaura andrö, fabaya era-erara, no oroma: tobali u'owuloi fefu soi, ba hadia lira, ena'ö la'ondrasi, ba wamaigi lakhömigu. 19 Ba ulau dandra, ba zi so ira, ba ufatenge ösa ira, sauri, ba niha baero: ba Darisi ba ba Wuti ba ba Ludi, ba zamadölö sinali wana, ba ba Ndrawa Dubalo ba ba Ndrawa Yawano, ba ba hulo misa ba zaröu, ba zi lö irai larongo döigu ba ba zi lö irai la'ila lakhömigu; ba sangombakha lakhömigu andrö ira, ba niha baero. 20 Ena'ö la'ohe mangawuli dalifusömi fefu, sizaewe ba niha baero fefu; ena'ö la'ohe sumange Yehowa, si fakudo ba si fakureta ba nifabea ba si fakudo ba kudo kalide ba ba gondra, miyaŵa ba hili ni'amoni'ö andrö khögu, ba Yeruzalema, iŵa'ö Yehowa, amaedola na la'ohe ba gosali Yehowa zumange andrö Iraono Gizeraeli, bakha ba nahia ni'amoni'ö. 21 Ba uhalö göi ösa da'ö ere ba ono Lewi, iŵa'ö Yehowa.[7] 22 Si mane banua si yaŵa si bohou andrö sa'ae ba si mane tanö si bohou, niwöwöigu, wa si lö tebulö dania fönagu — iŵa'ö Yehowa —, si manö göi dania nga'ötömi andrö, fabaya töimi, wa si lö tebulö.[8] 23 Ba ero na tesa'a ba ero na luo sabato, ba oi so niha, ba wangalulu khögu, iŵa'ö Yehowa. 24 Ba möi ira baero dania, mamaigi boto zi mate andrö, boto niha si no mangerogö ya'odo; lö'ö sa mate dania gukuö andrö khöra ba lö alele galitö khöra, ba sogoro niha fefu ira.[9]
Famotokhi ba gahe
[edit | edit source]Fabaliŵa lala
[edit source]Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö