Wb/nia/Yesaya/17
I. Fama'ele'ö huku si göna Ndramaseko ba Samaria
[edit | edit source]1 Nitandrösaigö ba Ndramaseko da'e: Hiza, nihori dania Ndramaseko andrö, fa tenga banua sa'ae, ba tobali adudula.[1] 2 Si lö niha dania mbanua Garoeri andrö, tobali nahia göröbao; mörö-mörö ba da'ö, ba lö sanaboi. 3 Si lö'ö sa'ae banua saro Ndraono Geferayi (Samaria), ba lö'ö sa'ae fa'asalaŵa ba Ndramaseko. Ba lala zi tosai ba Garamo, ba si mane lala wa'abölö Ndraono Gizeraeli, iŵa'ö Yehowa ngahönö andrö.
II. Fa'anumana Ndraono Gizeraeli awö wotu nifatörö khöra
[edit | edit source]4 Ba na luo da'ö, ba ide-ide lakhömi ma'uwu Yakobo ba ariri wa'esolo nösira andrö. 5 Tobali hulö na ifarahugö döla wakhe samasi ba na itaba ngalai tangania; tobali si mane na la'ozaragö lai wakhe ba ndraso Refa'i. 6 Wo'uwo'u zi tosai, si mane na lateteu mbua falo, na so zi tosai irege mato tölu ngawua ba lailai, ba irege mato lima ngawua ba ndraha döla, iŵa'ö Yehowa, Lowalangi Ndraono Gizeraeli andrö.[2] 7 Awena dania lafuli lafaöga mbagira niha ba zomböi ya'ira, ba la'alui höröra Ni'amoni'ö ba Ndraono Gizeraeli andrö. 8 Ba lö'ö sa'ae lafaigi-faigi naha wame'e sumange andrö, nifazökhi dangara ba he Asera andrö ba adu luo, niwöwöira tuturura. 9 Ba na luo da'ö, ba lala mbanua andrö ba gatua ba ba hili, niröi mege föna Ndraono Gizeraeli, lala mbanua saro andrö khöra: adudula gamozua. 10 Me no olifu'ö Lowalangi, fangorifiu andrö, ba me no lö ba dödöu gowe andrö, ba'a-ba'a andrö khöu: andrö wa öfazökhi kabu omasiö ba ötanö zinanö nihalö ba niha bö'ö. 11 Na luo ötanö ia, ba ökölini, ba ahulö mobowo zinanöu, öbe'e, ba si lö boto wangai bua, na luo wökhö ba fa'afökhö si lö famadöhö.
III. I'ozumagö tekiko zabölö Ndrawa Asiria andrö
[edit | edit source]12 Alai ndra'o! Hiza we'ugu-ugu zato sibai niha — fe'ugu-ugu nasi we'ugu-ugura andrö; ba fegoso-goso soi niha andrö — fegoso-goso molö sebua wegoso-gosora. 13 Mugoso-goso soi niha, si mane fegoso-goso molö sebua! Ba na itegu ira Yehowa, ba moloi ira, lasaŵa zaröu, nifehombo, si mane adaya ba hili ba nangi sabölö ba si mane gawu-gawu si tefuyu ba dawuyu nangi.[3] 14 Hiza, na tanö owi, ba fa'otobali dödö, ba lö fakhamö moluo, ba lö ya'ira. Da'ö lala zi farabu ba khöda, urakha zangosindra'ui gama-gamada.[4]
Famotokhi ba gahe
[edit | edit source]Fabaliŵa lala
[edit source]Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö