Wb/nia/Sura Ni'amoni'ö

Nga'örö högö Zura Ni'amoni'ö ni'ali H. Sundermann faoma Salaŵa Fali'era (Ama Mandranga) moroi Dahana.

Hana wa tefa'asogö zura andre

Da'a Sura Ni'amoni'ö nifa'anö H. Sundermann. Hadia mbörö wa te'irö'ö ia ba da'e? Ena'ö monönö lala wombaso ngawua li Niha, töra-töra ba wondrou'ö li Niha ba götö digital andre. Duma-dumania lö la'oguna'ö sa'ae Ono Niha wehede tanö'a, ba hiza börö wombaso Sura Ni'amoni'ö andre ta'ila wa eluahania bumi. Famazökhi tanö'a no fangali wehede Li Indonesia penciptaan bumi.

Börö tanö bö'ö

Töra moroi ba da'ö utötöna wa ngawalö wehede si so ba da'e tobali börö wahuhuosa (li Indonesia diskusi), duma-dumania sanandrösa ba ngawalö wehede sambö te'oguna'ö ma'ökhö.

Baero da'ö omuso göi dödögu na börö zura andre tumbu wahuhuosa sanandrösa ba wamo'eluaha zura ni'amoni'ö ba li khöda. Itaria fakuyu gera-erada wombaso sura ni'amoni'ö ba li khöda andre, tenga ha börö me döi-töi mbanua awö töi niha si lö ta'ila sa'ae (lö göi ta'ila ta'alui ia ba [google.com Google]. Tandraigö alui hezo mbanua Nodi ma zui Mehuya'eli ba Google!). Eluahania ngawalö döi-töi andrö no tobali taha-taha wangi'ila ba niha khöda!

Asese göi fakuyu dödöda wombaso börö lala wama'oli fehede (li Indonesia konstruksi kalimat) awö ngawua wehede (pilihan kata) ni'oguna'önia. Börö da'ö itaria areu ita wombaso sura ni'amoni'ö ba li khöda. Tandraigö atö wombaso ya'ia ba li Indonesia ma Inggris, ba i'anema'ö ö'ila wa alio aboto ba dödöda ia, ba börö da'ö moguna lafuli lafo'eluaha Zura Ni'amoni'ö ba li khöda ma'ökhö!

Lala wanura

Sura Ni'amoni'ö si so ba da'e no mufaomagö ba lala wanura ba ginötö iada'a. Me ifa'anö Zura Ni'amoni'ö awö kamus Li Niha me töra 100 fakhe si lalö Sundermann, no ifaedogö ia ba li Belanda, ni'oguna'ö ba ginötö andrö (no iŵa'ö samösa da'a Sundermann bakha ba mbuku goi-goi li Niha Niassische Sprachlehre faoma kamus Niassisch-Deutsches Wörterbuch nifa'anönia).

Ma'ökhö no so ita ba negara Indonesia, lö atulö wa tatohugö lala wanura moroi ba zi 100 fakhe si lalö. Si lö tola lö'ö tafaomagö wanura li Niha ba goi-goi li Indonesia nifaha'ö ba zekola ma'ökhö (eluahania molo'ö EYD).

Eluahania:

1. Fefu hurufo oe, ch ba j tobali u, kh ba y
2. Mu'oguna'ö dandra wamabali ba wehede nifauli (li Indonesia kata ulang) molo'ö EYD, duma-dumania ali-ali, ide-ide, manö-manö, btn.
3. Heŵa'ae no mu'eregesi tödö wanga'azökhi zi fasala wanura (si so moroi ba proses nifotöi scan ba optical character recognition) sosò manö nasa zaefa ba hörö. U'andrö tolo ena'ö mi'atulö'ö sambua zi fasala na misöndra.
4. Fanuturu bö'ö so ba golayama ero zura.

Fabaliŵa lala

Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö