Wb/nia/Sura Ni'amoni'ö
Angolifa nösi
[edit | edit source]Amabu'ulali Sibohou: Mataio • Mareko • Luka • Yohane • Halöŵö Zinenge • Roma • Korindro I • Korindro II • Galatia • Efeso • Filifi • Kolose • Tesalonika I • Tesalonika II • Timoteo I • Timoteo II • Tito • Filemo • Heberaio • Yakobo • Fetero I • Fetero II • Yohane I • Yohane II • Yohane III • Yuda • Fama'ele'ö
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Fehede famasao
[edit | edit source]Da'a Sura Ni'amoni'ö nifa'anö H. Sundermann. Hadia mbörö wa te'irö'ö ia ba da'e? Ena'ö monönö lala wombaso ngawua li Niha, mendrua manö ba wondrou'ö li Niha ba götö digital andre.
Töra moroi ba da'ö tatötöna wa ngawalö wehede si so ba da'e tobali börö wahuhuosa sanandrösa ba ngawalö wehede sambö te'oguna'ö ma'ökhö.
Baero da'ö sökhi göi na börö zura andre, tebörötaigö wahuhuosa sanandrösa ba wamo'eluaha Sura Ni'amoni'ö ba li khöda ma'ökhö. Itaria fakuyu gera-erada wombaso Sura Ni'amoni'ö andre:
- Börö me töi-töi mbanua awö döi niha si lö ta'ila sa'ae (lö göi ta'ila ta'alui ia ba Google. Tandraigö atö alui hezo mbanua Nodi ma zui Mehuya'eli ba Google!). Eluahania ngawalö döi-töi andrö no tobali taha-taha wangi'ila ba niha khöda!
- Börö me lala wama'oli fehede awö ngawua wehede ni'oguna'önia. Börö da'ö itaria areu ita wombaso sura ni'amoni'ö ba li khöda. Tandraigö atö wombaso ya'ia ba li Indonesia ma Inggris, ba i'anema'ö ö'ila wa alio aboto-ba-dödöda ia.
Andrö moguna sibai wa lafuli lafo'eluaha Zura Ni'amoni'ö ba li khöda ma'ökhö!
Nitöngöni: No mufaudugö fefu dandra wanura molo'ö EYD nifomaha ndraono ba zekola ba zi sagörö Indonesia, fao ba da'ö dandra wamabali li nifomendrua: bua-bua, era-era, fao-fao, ide-ide, btn. Me ifa'anö Zura Ni'amoni'ö ba li Niha H. Sundermann, i'o'ö goi-goi wanura ni'oguna'ö ba ginötö andrö (Ejaan van Ophuijsen ba ejaan Belanda). Iŵa'ö samösa da'a H. Sundermann bakha ba mbuku goi-goi li Niha Niassische Sprachlehre faoma kamus Niassisch-Deutsches Wörterbuch nifa'anönia. Na mena ifa'anö Zura Ni'amoni'ö ma'ökhö, silötolalö'ö ifaudugö ia ba goi-goi ni'oguna'ö ba Indonesia iada'a (EYD).
Fabaliŵa lala
[edit | edit source]