Wb/nia/Yesaya/27
I. I'otu'ö niha baero Yehowa ba irorogö kabu nagu andrö khönia[edit | edit source]
1 Na luo da'ö, ba ilau zi'ölinia Yehowa ba Lewiata andrö, ulö andrö salio foloi, si'ölinia si no abe'e ba si no ebua ba si no abölö, ba ba Lewiata ulö si no mogöŵai ya'ia, ba ibunu mbuaya andrö ba Nilo. 2 Ba na luo da'ö, ba mi'anunö, nitandrösaigö ba kabu nagu omasiö andrö [mado Gizeraeli], mimane:[1] 3 "Ya'odo, Yehowa, zamaigi-maigi ya'ia; lö aedu'aedu ufatörö khönia nidanö! Bongi ma'ökhö udarodarogö, fa böi ifaitoisi niha. 4 Lö'ö sa'ae mofönu ndra'o. Ena'ö na falukhado za'a-sa'a mao ba sai'ö, ba fasöndrado khönia, ahori utunu ena'ö. 5 Atö na ladöna-döna khögu wanolo, na edöna atulö ira khögu; lö tola lö atulö ira khögu." 6 Ba dania, ba moŵa'a ma'uwu Yakobo, molehe Ndraono Gizeraeli ba mobowo; anönö guli danö buara labe'e: 7 Hadia, no ifakao ira si mane famakaonia samakao ya'ira? Ba hadia, no mubunu ira si mane nibunu da'ö? 8 No öndrohugö wangotu'ö ya'ira fanibo. No i'oloi'ö ira angi sabölö andrö khönia, me luo angi timu. 9 Andrö wa tesulöni ba da'ö lalö ma'uwu Yakobo andrö, ba da'ö gorudua lua-lua, wameta horöra andrö: labali'ö tuturu gara niboboto fefu gara naha wame'e sumange andrö, ba lö'ö sa'ae maoso Gasera andrö ba adu luo andrö.[2] 10 Aömö'aömö sa'ae mbanua saro andrö, banua si lö niha, si no muröi, amaedola danö si mate. Mangalui gö ba da'ö nono zaŵi, mörö-mörö ba da'ö ba la'aga'aga lehelehe.[3] 11 Na no oköli duturunia, ba tefafatö; so ndra alawe, ba lahalö eu galitö. Soi si lö fa'aboto ba dödö sa ira. Andrö lö ihakhösi tödö somböi ya'ia, ba lö ibologö dödö khönia samazökhi ya'ia.
II. Te'orudugö mbanua Lowalangi andrö moroi ba danö niha baero misa[edit | edit source]
12 Na luo da'ö, ba iböbörö ngalai Yehowa, i'otarai Oifarati, numalö ba nidanö Miserayi andrö. Ba ya'ami Iraono Gizeraeli, ba nitutuyu, ni'ozaragö. 13 Na luo da'ö, ba telau dorofe sebua andrö, ba dozi si no elungu ba danö Asiria ba si no muzaewe ba danö Miserayi, ba mangawuli ba la'angaröfi li Yehowa ba hili ni'amoni'ö andrö ba Yeruzalema.[4]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö