Wb/nia/Yesaya/11
I. Salaŵa satulö andrö, ma'uwu Dawido, ba amatöröŵania, si lö hadia ia zabu dödö[edit | edit source]
1 Tumbu dania lewiö ba duhe iza'i andrö ba mowua nono, si oroi ŵa'ania.[1] 2 Ba ahono khönia Geheha Yehowa; Eheha sama'ema fa'atua-tua ba fa'aboto ba dödö ba famolala tödö ba fa'abölö ba fangila watahögö ba fangata'ufi Yehowa.[2] 3 Samohua khönia wangata'ufi Yehowa andrö; tenga ni'ila hörönia dali wanguhukunia, ba tenga dali wangetu'ö huku nirongo dögi dalingania; 4 Satulö sa'ae dali khönia wame'e huku ba zi numana, ba i'adölö'ö wangetu'ö huku ba zebua famakao ba danö. Famözi niha guli danö khönia zi'o mbawania andrö [taroma linia] ba famunu zebua horö khönia hanu-hanu andrö ba mbewenia.[3] 5 Fa'atulö mböbö löwi-löwinia ba fa'aduhu mböbö talu khönia. 6 Ba orudu dania ba nono mbiri-biri nasu gatua ba si manö harimo ba nono mbiri-biri si matua. Ono zaŵi ba ono zingo ba saŵi nibula, ba orudu, fa tola kubalo ndraono.[4] 7 Saŵi si alawe ba berua si alawe, ba sorudu ba mbenua, ba ha sambua naha wemörö ba nonora; ba du'u dania gö zingo, du'u ö zaŵi. 8 Famaimai ba mbawa dögi gulö zi lö aefa na ba mbagi zusu, ba itufa tangania hörö daritö si bohou aefa.[5] 9 Lö samakao awönia ba lö samakiko ba hili ni'amoni'ö andrö khögu ma'asambua; anönö sa'ae danö wa'aboto ba dödö niha Yehowa, si mane fa'anönö doyo nasi andrö asi. 10 Ba na luo da'ö, ba lazofu-zofu niha baero lewiö andrö, si tumbu ba ŵa'a duhe Iza'i andrö, nibe'e tandra soi niha, ba si so lakhömi nahiania.
II. Fangowuloi banua Lowalangi moroi ba danö misa, ma'afefu[edit | edit source]
11 Ba na luo da'ö, ba ifuli i'oro'ö dangania So'aya, samuza tö, ba wangöhöli si tosai banuania andrö, si lö ahori no ba Ndrawa Asiria ba ba Miserayi ba ba Watero ba ba Gaitiofia ba ba Gelama ba ba Zineara ba ba Hamata ba ba hulo andrö ba nasi.[6] 12 Ba itaru'ö dandra ba niha baero, ba i'owuloi zizaewe, Iraono Gizeraeli ba sizaewe Iraono Yuda, ba ifuli i'orudui, moroi ba mbalö danö andrö si öfa. 13 Ba döhö wa'afökhö dödö Ndraono Geferayi ba nihori nudu Ndraono Yuda andrö. Lö'ö sa'ae afökhö dödö Ndraono Geferayi ba Ndraono Yuda, ba lö'ö sa'ae lafakao Ndraono Geferayi Iraono Yuda. 14 Lalau sa'ae ira ba zanaere andrö ba Ndrawa Wilisiti tanö ba gaekhula ba la'orudugö ira wanuwö banua tanö ba gatumbukha. Latuturu Ndraono Gedomo ba Iraono Moabi, ba si möi barö mbawara Ndraono Gamoni. 15 Ba i'ogo'öisi Yehowa zadöni asi andrö ba danö Miserayi ba i'oro'ö dangania ba nidanö sebua andrö [Oifarati], ifatörö nangi sabölö ba ifabali, fitu mbombo ibe'e, fa alakha lö muheta mbadagahe side-ide, na tatörö. 16 Ba tobali molala zi tosai banuania andrö, si lö ahori ba Ndrawa Asiria, si mane lala Ndraono Gizeraeli no, me la'otarai danö Miserayi.[7]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö