Wb/nia/Yesaya/31
Tohu-tohu: Tenga ba niha, ha ba Lowalangi tesöndra wangorifi
[edit | edit source]1 Alai zi no möi misi tou ba danö Miserayi, ba wangalui fanolo ba ba wame'e we'e-we'e dödöra kudo ba wanuwö; sanötöna ba gureta, me no oya, ba ba zi fakudo, me no ato, ba si lö manöngöni Ni'amoni'ö Ndraono Gizeraeli andrö ba si lö manofu li Yehowa.[1] 2 Ba ya'ia, ba no satua-tua göi, ba no ifatörö wa'ate'ala. Lö iwu'ai daroma linia ba maoso sa'ae ia, ba wolau ba mbanua zamazökhi si lö sökhi andrö ba ba wanimba fanolo zolalö andrö. 3 Niha sa Ndrawa Miserayi andrö, ba tenga Lowalangi: Ösi kudo kudora andrö ba tenga bekhu. Andrö tetaru mbagi zanolo andrö, na i'oro'ö dangania Yehowa, ba salau nitolo andrö, ba faoma tekiko ira, dozi ira.[2] 4 Noa sa imane khögu Yehowa: Si mane singo, ono zingo, sindröndröndröndrö ba nira'unia — no ato gubalo, nifatenge ba wamunu ya'ia, ba lö tokea ia ba we'aora, ba lö ba dödönia wa'ebu'a lira — si manö göi Yehowa ngahönö andrö, we'amöi mitou ba wanuwö ba hili Ziona andrö, ba hili-hili andrö khönia. 5 Ifoba'a-ba'a dania Yeruzalema Yehowa ngahönö andrö, hulö wofo, sanahanahae [yaŵa gazuninia] ifoba'a-ba'a ba i'orifi; alimagö khönia ba i'efa'ö.[3] 6 Mifuli ami ba zi no fabali sibai ami, ya'ami Iraono Gizeraeli! 7 Na luo da'ö, ba dozi latibo'ö sa'ae nadu firö, awö nadu ana'a khöra, nifazökhimi tangami, wamazökhi horö.[4] 8 Ba tenga si'öli niha wamakiko Ndrawa Asiria andrö, tenga si'öli niha zi manga ya'ira; ba soloi ira, ba zi'öli andrö, ba tobali sawuyu zabölöra andrö. 9 Ba sariri gowera andrö, ba wa'ata'u, ba si tokea zalaŵara ba mandrera, iŵa'ö Yehowa, si so alitö ba hili Ziona ba si so farikhi ba Yeruzalema.[5]
Famotokhi ba gahe
[edit | edit source]Fabaliŵa lala
[edit source]Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö