Wb/nia/Yesaya/47

I. Fama'ele'ö fa'adudu Mbabeli andrö

1 Ae tou ba dadao ba gawu-gawu ba danö, ya'ugö ono alawe banua Mbabeli! Dadao tou ba danö, lö dadaoma zalaŵa, ya'ugö ono Ndrawa Galedaia alawe! Lö'ö sa'ae labe'e töimö "Zerizerize" ba "Nihaogö-haogö fondrorogö". 2 Halö gisa ba kisa wakhe! Heta mbalu-balu mbawa, furui lembe! Fahoi gu'i ba waha, törö nidanö! 3 Si lö balu-balu dania ndra'ugö, oroma zaila'ö! Ulau sa'ae mbalögu khöu ba samösa lö uhakhösi tödö, [iŵa'ö]. 4 Sangorifi ya'ita, Yehowa ngahönö döinia, Ni'amoni'ö Ndraono Gezeraeli. 5 Dadao, böi hede-hede, ba ae ba zogömi-gömi, ya'ugö ono Ndrawa Galedaia alawe! Lö'ö sa'ae labe'e töimö "Tuhe nöri misa".

II. Tetegu wa lö fa'ahakhö dödö khöra ba fa'afaitora andrö

6 No mofönu ndra'o ba mbanuagu andrö, no u'o'aya dana khögu andrö ba no ululu ba dangau: lö nihakhösiu tödö ya'ira, he si no tohare huwa, ba no öfonoro kalo mbagi sabua andrö khöu. 7 Noa sa ömane: Lö tebulö samatörö ndra'odo, tobali lö öbe'e ba dödöu da'ö no mege, lö öfatou-tou tödöu lua-lua. 8 Ba iada'e, ba fondrondrongo da'e, ya'ugö nihaogö-haogö mege hadia ia, sidadao lö mangiwa, sanguma'ö tödönia: Ya'odo ba tenga bö'ö! Lö taŵa'ö, lakha mbanua dania ndra'odo ba lö u'ila wa lö ono! 9 Ba göna dania ndra'ugö si dua balö andre, lö mudöna-döna, ha ma'öma'ökhö: fa'lö'ono ba fa lakha mbanua ndra'ugö; i'ozumagö ihawui ndra'ugö, lö lai wa no fahöna gelemu khöu, lö lai wa no fahöna wanaka. 10 Fangabe'e dödöu ba walösökhi andrö khöu, fa ömane: Lö sangila ya'odo. Fa'atua-tuau ba fa'aboto ba dödöu andrö zamowöhö ya'ugö, tobali ömane dödöu: Ya'odo, ba tenga bö'ö. 11 Andrö itörö ndra'ugö famakao, si tebai ötaka elemumö andrö; ihawui ndra'ugö famunu si tebai ötimba, ba i'ogomuzaö göna ndra'ugö famakiko, si lö mudöna-döna.

III. Lö'ö göi i'orifi ira elemura andrö

12 Oroma'ö dakamö andrö, awö gelemu andrö khöu, si no fahöna, serege dödöu, i'otarai iraono ndra'ugö: ma atö ö'ila ölau hadia ia, ma ata'u öbe'e! 13 No ö'eregesi dödöu wangalungalui lala: ndramufa'aso ira, ndramu'orifi ndra'ugö si no to'ölö wamaigi banua si yaŵa, samaigi-maigi döfi, sangombakha si göna ndra'ugö, ero na tesa'a mbaŵa. 14 No tobali hulö döla wakhe, ni'a galitö, ira: tebai la'efa'ö nosora ba wa'abölö galitö andrö — tenga sa bo, ba woleu, tenga alitö bawu, si dadao ita ba ngai. 15 Si manö khöu ba zerege dödöu, i'otarai iraono ndra'ugö — saniaga khöu, ba no laröi, no elungu, itörö lalania zamösana; lö sangorifi ya'ugö.

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö