Wb/nia/Yesaya/13
I. So moroi sa zanuwö, niha bö'ö[edit | edit source]
1 Nitandrösaigö ba Mbabeli da'e, ni'ila Yesaya andrö, ono Gamosi.
2 Ba hili si lö eu'eu mitaru'ö mandrera; mi'abölögö mi'ao khöra; mikhawi ira tangami, ena'ö latörö mbaŵa göli ba zalaŵa andrö! 3 No ube'e goroisa ba ni'amoni'ö andrö khögu, ba sabölö andrö khögu, ba no u'oroi'ö, ba wönugu andrö, sowua-wua tödö andrö khögu, sabe'e tödö. 4 Terongo wagua-guasa, sato niha, ba hili, si mane na no ato zanuwö; rumuru soi baero andrö, si no orudu; ifaigi Yehowa ngahönö andrö he wisa zanuwö. 5 La'otarai danö saröu, mbalö danö, Yehowa ba fakakenia andrö ba wönunia, ba wamakiko uli danö ma'asagörö. 6 Mi'ege-ege! noa sa ahatö mbaŵa andrö khö Yehowa; irugi dania, amaedola wanudugö khö Wondrege Zalaŵa. 7 Andrö adada danga, fefu; mangulu bakha dödö niha, fefu. 8 Modokea ira, ihawui ira sihulu ba fa'afökhö hulu; mangiwöngiwö ira, si mane sadono; itöngö nawönia zamösana; no timba hola-hola galitö mbawara.
II. Baŵa wanguhuku Babeli andrö, nilau Ndrawa Media[edit | edit source]
9 Hiza, irugi baŵa andrö khö Yehowa, sata'u ita, abölö wa'abao dödö ba sihola wönu, ba wamali'ö tanö si mate tanö, ba ba wangohori ba danö sebua horö. 10 Lö'ö sa'ae humaga dania ndröfi ba mbanua, hadia ia ndröfi andrö; ba luo, ba aitö, na tumbu, ba lö'ö sa'ae humaga mbaŵa.[1] 11 Ba ube'e wotu [iŵa'ö So'aya] ba niha guli danö, ba walösökhira andrö ba ba zebua horö, ba golalöŵara. Ubözini hokha zafaito andrö ba fayaŵasa zamakao awöra, ba uhöndrögö. 12 Ebua dania mböli niha moroi ba mbalaki, ube'e, ba ebua mböli nono niha, moroi ba mbalaki Gofiri. 13 Andrö ufahisi mbanua si yaŵa ba siheu danö ba sawu'a ba nahania, ba wa'abao dödö Yehowa ngahönö andrö, na luo humola wönunia. 14 Ba dozi ira, ba hulo nago nigohi ba hulö mbiri-biri si lö kubalo, isaŵa niwara zamösana, ifuli ia khöra, moloi. 15 Dozi nisöndra, ba nitaru'ö toho, ba dozi nira'u, ba ni'ö'ötö föda. 16 Onora, ba nirasa ba zanehe höröra, ösi nomora, ba nirabu ba ira alawera, ba nihoröni.[2] 17 Hiza, ufarou Ndrawa Media andrö emalira, si lö ba dödö firö, ba si lö omasi ana'a. 18 Fanara, ba famakiko nono matua, ba lö ahakhö dödöra dabina ba dalu, ba lö afökhö khöra ndraono. 19 Ba lala Zodoma ba lala Gomora, nidudugö Lowalangi, irege doyo gehomo tou, dania lala Mbabeli andrö, fondrege zi sökhi banua, lala lakhömi Ndrawa Galedaia andrö, si no ebua hokha.[3] 20 Lö'ö sa'ae niha khönia, sagötö tanö, tenga banua, götö-götö wa'ara; lö labe'e ba da'ö nosera Dawa Ara, ba lö molombase gubalo ba da'ö. 21 Utu ndru'u zi morö ba da'ö, ba omora, ba sanönö lamuhu. Fofo ondra zonahia ba da'ö ba bekhu zolaya.[4] 22 Mukao nasu gatua ba gödo ba asu ana'a zikao ba nomo zalaŵa omasiö. Itugu ahatö mbaŵa andrö khöra, ba lö tefazaŵa mbongi.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö