Wb/nia/Yesaya/8

I. Fotu Ndraono Gizeraeli nifatörö Ndrawa Asiria ba fa lö fozu da'ö göi ba gafuriata

1 Ba imane na Yehowa khögu: Halö khöu gara wanura sebolo ba sura yaŵa fanura soroma, ba wombaso: "Alio so gahulua, aösö worabu." 2 Ba fa'aso khögu zi so ba mbörö, si faduhu dödöda, Uria andrö, ere, ba Sakharia ono Yerebekhia. 3 Ba möido khö wo'omo zama'ele'ö ba manabina ia ba tumbu khönia nono matua. Ba imane khögu Yehowa: Be'e töinia: "Alio so gahulua, aösö worabu." 4 Lö'ö sa fakhamö fa'ama nono andrö ba lö fakhamö fa'ina, ba te'ohe khö razo Asiria gana'a Ndramaseko andrö, awö nirabu ba Zamaria. 5 Ba itohugö Yehowa, imane khögu: 6 Me no lö ba dödö mbanua andre nidanö andrö ba Ziloa, si lö abölö lawulawu ba me omasi ira Resino andrö ba ono Remalia, 7 ba hiza, ba ifatörö khöra So'aya nidanö sebua, si no abölö, Oifarati andrö, Razo Asiria, awö wa'abölönia fefu. Inönöi dania ndraso molö mbewenia ibe'e. 8 Ba itörö danö mado Yuda, inönöi, irege falaŵa bagi, ibalugö afinia nibologö danö, ha wa'ebolo ia, ya'ugö Emanueli! 9 Ya aboto ba dödömi, ya'ami soi niha ba mifondrondrongo, ya'ami ba danö saröu. Mifa'anö ami, ba mi'anizi-nizi! [Uŵa'ö khömi]: Mifa'anö ami ba mi'anizi-nizi. 10 Mi'amagölö, ba si lö fozu dania! Mifakhoi, ba si lö fakhai; noa sa awöda Lowalangi!

II. Tefangelama Ndraono Gizeraeli, fa böi la'erogö Yehowa

11 Noa sa imane khögu Yehowa, no ira'udo tangania; no itenaŵa ndra'odo, fa böi utörö lala mbanua andre [no imane]: 12 Böi ahori ni'amoni'ö khömi niŵa'ö mbanua andre ni'amoni'ö; ba sata'u ira, ba böi mi'ata'ufi ba böi tokea ami khönia! 13 Yehowa ngahönö andrö mi'amoni'ö; ena'ö na ya'ia zata'u ami, ba si tokea ami. 14 Ba ya'ia gamonita ba kara nitendre ba gowe salau ita, ba mbanua Ndraono Gizeraeli andrö si dombua, tandraŵa ba fesu ba mbanua Yeruzalema andrö. 15 Ba ato khöra zanendre ba salau ba sarasa ba si te'ala ba wesu, salau. 16 Irö'ö nifa'ele'ö andrö, fotandro goroisa, ba nifahaögu andrö! 17 Ba ubazebaze'ö khö Yehowa; si no mamini'ö bawania ba ma'uwu Yakobo, ba udöna-döna khönia. 18 Hiza, ya'odo ba iraono andrö, nibe'e Yehowa khögu, ba no tandra ba no sahöli-höli dödö ba Ndraono Gizeraeli ndra'aga, khö Yehowa ngahönö andrö si so nahia ba hili Ziona. 19 Ba na lamane khömi: Misofu ba mbekhu ba ba zi faeta, si fangöngö-ngöngö, si lö alua baeha li — hadia, tenga khö Lowalanginia isofu lala soi niha? Hadia, ba zi no mate manofu ita, na börö zauri? 20 "Oroisa ba famaduhu'ö." Na tenga lamanö, ba zi lö fa'amoluo, 21 ba latöröi danö, no aöndrö hulu ba si mate olofo ira, ba abu dödöra, na olofo ira, ba la'elifi razora ba Lowalangira, lafaöga höröra miyaŵa, 22 ba lafaigi tou danö; ba ha sambalö fa'ata'u, ba fa'ogömi-gömi, sogömi-gömi sata'u ita; ba zi bongi tefatörö ira.

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö