Wb/nia/Yesaya/25
I. Fanuno Lowalangi ba wa'atekiko zi fa'udu andrö[edit | edit source]
1 He Yehowa, Lowalangigu ndra'ugö! Da'u'abölögö wanuno ya'ugö, usuno döimö andrö! Noa sa ölau zahöli-höli dödö; nihonogöi föna sa'ae ba tenga faya, no si ndruhu.[1] 2 No öbali'ö baho gara mbanua, banua saro, ba no öbali'ö adudula; gödo niha bö'ö andrö, ba tenga banua sa'ae öbe'e; lö'ö sa'ae lafuli lataru'ö. 3 Andrö lafosumange dania ndra'ugö soi sabölö; la'ata'ufi ndra'ugö banua soi si höndrögö awöra. 4 Hati sa ndra'ugö ba zi lö töi, hati ba zi numana, na tosasa ira; saŵatö na so deu laöhö, lumö na aukhu zino. Me no amaedola deu laöhö, sangewe ba mbagolö, sa'ae wönu zamalangögö awöra. 5 Si mane famunu wa'aukhu zino, na no ara lö teu, si manö wamunumö fagua-guasa niha bö'ö andrö; si mane fa'aukhu zino, na haömö, na so lawuo, si manö wa'adöhö wolaya zamalangögö awöra andrö.[2]
II. Fangombakha fangorifi niha fefu, ba hili Ziona. Fanguhuku Iraono Moabi[edit | edit source]
6 Ba ilau gowuloa Yehowa ngahönö andrö, ba hili andrö, fefu soi ikaoni; ihalö öra zatabö, agu si no ara ibe'e nibadu, sotawö gö, nilau uto döla, ba agu si no arara, nihaogö.[3] 7 Iheta ba hili andrö mba'a-ba'a andrö, ba'a-ba'a soi andrö, fefu, balu-balu andrö, fombalu niha baero, fefu. 8 Ifakiko wa'amate, si lö mamalö-malö; ba i'osi So'aya Yehowa daŵa horö ba mbawa niha, idozigö, ba taya wa'aila mbanuania andrö, ibe'e, ba guli danö, ma'asagörö; noa sa Yehowa zanguma'ö.[4] 9 Na luo da'ö, ba lamane: Hiza Lowalangida, sabe'e dödöda i'orifi ita; hiza Yehowa nidöna-dönada fanolo! Ba dama'iki ita, akha omuso dödöda, ba wangorifi andrö khönia! 10 Ahono sa danga Yehowa ba hili andrö. Ba Iraono Moabi andrö, ba nihundragö tou, ba nahara, nifanguhundra du'u ba golawua so'idanö. 11 Ba labologö dangara bakha ba da'ö, si mane solangi, na ibologö ba wolangi; ba ihöndrögö wayaŵasara Yehowa, fabaya walimosa dangara andrö. 12 Öli andrö khömi, si no aro ba si no alaŵa, ba ituli'ö, idudugö, aruru tou ba danö, ibe'e.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö