Wb/nia/Yesaya/62
I. Tohu-tohu wamabu'u fangorifi Ziona[edit | edit source]
1 Börö Ziona andrö, wa lö ubato wehede, ba börö Yeruzalema, wa lö ahono ndra'odo, irege alua zatulö andrö khöra, hulö haga, ba irege alua wangorifira, hulö zulu sihola-hola. 2 Ba la'ila zatulö andrö khöu niha baero, ba oroma lakhömiu ba zalaŵa fefu. Ba töi si bohou labe'e töimö, soroi ba li Yehowa.[1] 3 Ba amaedola zaembu soadu ndra'ugö, ba danga Yehowa ba aya ba högö ba zalaŵa ba danga Lowalangiu. 4 Tenga töimö sa'ae "Niröi", ba tenga sa'ae "Tanö si mate" döi danöu andrö; "Fa'omasigu" labe'e töimö ba töi danöu, ba "Ni'owalu", me somasi Yehowa ndra'ugö ba me no amaedola ni'owalu danöu andrö.[2] 5 Si mane ono matua, na i'owalu nono alawe, si manö dania wangai nonou ya'ugö, ba si mane fa'owua-wua dödö zangowalu nono nihalö andrö khönia, si manö dania wa'owua-wua dödö Lowalangiu ndra'ugö.
II. Sanaro ba göli Yeruzalema[edit | edit source]
6 Ba gölimö andrö, ya'ugö Yeruzalema, ba no ufataro zanaro: ma'öma'ökhö ba sara wongi, ba böi ndramubato we'ao; ya'ami samasugi ba dödö Yehowa [Siona], ba böi mibato! 7 Ba böi mibe'e ahono ia, irege i'azökhi Yeruzalema, irege ibe'e börö wanuno ba guli danö ma'asagörö! 8 No fahölu Yehowa ba dangania kambölö ba ba mbulökhania sabe'e andrö, [no imane]: Lö'ö sa'ae ululu ö nemaliu mbua nowi khöu, ba böi ndra mubadu niha bö'ö nösi mbua nagu khöu, si no erege dödöu. 9 Samasi zi manga ba lasuno Yehowa, ba saneteu bua zamadu ösi ba golayama ni'amoni'ö andrö khögu.[3] 10 Mitörö, mitörö mbawa göli andrö! Mihaogö lala mbanua [da]! Mifolala! Mifolala! Miheta gara ba lala! Mitaru'ö döla mandrera, ba niha baero andrö![4] 11 Hiza, ifarongogö Yehowa, irugi ba wondrege guli danö, [imane]: Mimane khö nono Ziona alawe andrö: Hiza, so moroi sa wangorifiu! Hiza, fao khönia mböli gölö andrö, nibe'enia, ba mowaö-waö fönania zulö andrö khönia![5] 12 "Banua ni'amoni'ö" labe'e töira ba "Ni'orifi Yehowa"; ba töimö, ba "Ni'ondrasi", "Banua si tebai teröi."
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö