Wb/nia/Yesaya/53
I. Fama'ele'ö famakao Mesia andrö, salahi niha[edit | edit source]
1 Ba ha niha zi faduhu tödö ba ni'ombakha'ö khöda, ba tanga Yehowa andrö — ba ha khö tefa'ele'ö![1] 2 No manöi ia, fönania, hulö lewiö, hulö lewiö ba ŵa'a, moroi ba danö si no oköliköli. Lö fonga'eu ba lö famoadu, fa tafaigi ena'ö ia, ba tenga omasiö, wamaigida ya'ia.[2] 3 Ni'ositengagö ia ba ni'erogö niha bö'ö; niha si no fahöna fa'afökhö ba si no to'ölö ba wökhö. Ni'ositengagö ia, irege labalugö mbawara fönania ba fa lö ba dödöda ia.[3] 4 Ba fökhöda nilu'inia ba no ihare'ö khönia zafökhö khöda; ba ba dödöda, ba ni'otu'ö ia, nibözi-bözi Lowalangi ba nifakao.[4] 5 Ba no lalöda sa mbörö, wa tefesokho ia, ba horöda mbörö, wa terasa ia. Ya'ia zolu'i huku, ena'ö sohahau tödö ita, ba moroi ba zokhonia, wa no döhö wökhöda.[5] 6 Dozi ita, ba no elungu, hulö mbiri-biri, ha lalania ni'ila zamösana; ba no ihare'ö khönia Yehowa horöda, dozi ita. 7 Nifakao ia, he ŵa'ae iköwö ia ba itaha ba lö hede-hedenia, hulö nono mbiri-biri ni'ohe ba wanaba, ba hulö zigelo mbiri-biri, si lö hede-hede ba danga zoguti bunia, si manö göi wa lö hede-hedenia.[6]
II. Lua-lua nitörönia andrö, si so lakhömi[edit | edit source]
8 Famununia wamakao andrö ba huku andrö, ba ha niha ba zi faendronga khönia andrö zame'e ba dödö, wa no olalöŵa niwada andrö mbörö, wa tetibo ia moroi ba danö niha sauri, wa göna famunu ia? 9 Ba ngai zebua horö labe'e lewatönia ba ba ngai zolau si lö sökhi, me no mate ia, he ŵa'ae lö nifazökhinia si lö sökhi ba he ŵa'ae lö falimosa ba mbewenia.[7] 10 Ba no omasi Yehowa ifufu, ifofökhö. Na no ibe'e sumange fameta horö nosonia, ba i'ila nga'ötö, anau nosonia, ba mofozu ba dangania zomasi Yehowa.[8] 11 Börö wa'erege dödönia andrö, wa i'ila dania zahono dödönia. Ba wa'aboto ba dödönia andrö, ba ato dania zi falukha fangatulö, ibe'e enonigu satulö andrö, ba lalöra andrö, ba ya'ia zolu'i.[9] 12 Andrö ube'e dana khönia ba zato andrö, ba ya'ia zamaosa ba zato ahulua ba wanuwö, böli gölönia, me no ibe'e ni'etu'ö nosonia ba me no tebe'e awö zolalö ia, lö lai wa no ilu'i horö sato andrö, awö wa no mangandrö ia salahi zolalö.[10]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö