Wb/nia/Yesaya/48
I. No ebua horö Ndraono Gizeraeli ba ihakhösi tödö zui ira Lowalangi[edit | edit source]
1 Mifondrongondrongo da'e, ya'ami ma'uwu Yakobo andrö, nifotöi töi Gizeraeli, ya'ami si otarai gumbu Yuda andrö; si fahölu ba döi Yehowa, ba si lö aefa ba mbewe töi Lowalangi Ndraono Gizeraeli andrö, he ŵa'ae tenga ni'osiduhugö ba tenga soroi ba dödö![1] 2 Ba mbanua ni'amoni'ö andrö sa'ae moroi döira ba ba Lowalangi Ndraono Gizeraeli abe'e dödöra: Yehowa ngahönö döinia. 3 Hadia ia föna andrö, ba no ara, me ufarongogö, taroma ligu, ba no u'ombakha'ö khöra. No i'ozumagö ufalua, ba itörö.[2] 4 Me no u'ila, wa no sabe'e tandro ndra'ugö, wa no amaedola nuo si'öli mbörö du'imö, awö wa no hulö döla garamba gangangou.[3] 5 Ba no ba götö föna sa'ae u'ombakha'ö khöu: fatua lö alua ufarongogö khöu, ena'ö tebai öŵa'ö: Adu andrö khögu zolau, famaedo nifoe andrö ba famaedo nifahele khögu zanguma'ö. 6 No örongo — ba nehegö sa'ae fefu! Ba ya'ami — hadia, lö fatehe dödömi? No ufarongogö khöu zi bohou, i'otarai da'e, nibini'ö mege, si lö örai örongo. 7 Awena iada'e alua, ba tenga ba götö föna; ba irege da'e, ba lö nirongou, fa böi öŵa'ö: Hiza, no tohöna u'ila. 8 Lö nirongou ba lö ni'ilau, lö si teboka dögi dalingau föna; noa sa u'ila, ha sambalö si faröi manö ndra'ugö ba no "Sanawö" döimö, i'otarai dalu ninau! 9 Börö döigu andrö, wa utaha wönugu; börö duriagu andrö, wa uhöndrögö, wamaigi ya'ugö, fa böi ufakiko'ö.[4] 10 Hiza, no ulaugö ndra'ugö, ba tenga si mane firö. No utandraigö ndra'ugö ba galitö famakao andrö.[5] 11 Börö ndra'o, ya'odo mbörö wolau ya'ia! — wa'abölö wango'aya töigu andrö ena'ö! — ba lö ululu ba mbö'ö wa'ebua döigu andrö.[6]
II. Famarou tödö zato, ba wame'e ba dödö fa'ebua dödö Lowalangi andrö[edit | edit source]
12 Mifondrondrongo khögu, ya'ami ma'uwu Yakobo ba ya'ami Iraono Gizeraeli, nikaonigu andrö: Ya'odo, ya'odo zi foföna ba ya'odo göi zafuria![7] 13 Tangagu andre sa atö zolata tanö, ba kambölögu zamologö banua si yaŵa. Mu'aodo khöra, ba ahori so.[8] 14 Mi'ondrasi, ya'ami fefu, ba mifondrongondrongo! Ha niha ba khöra zangombakha si mane da'ö? Ni'omasi'ö Yehowa andrö zolau somasi ia, ba Mbabeli andrö; ya'ia zamatörö hukunia ba Ndrawa Galedaia.[9] 15 Ya'o, ya'odo zanguma'ö ba ya'o göi zogaoni ya'ia, ba ya'o zolohe ya'ia moroi sa ba mofozu nilaunia ube'e. 16 Mi'ondrasido, mifondrongondrongo da'e I'otarai mböröta, ba tenga ba zogömi-gömi fahuhuo ndra'odo; alua, ba so ndra'odo. Ba iada'e, ba no ifatenge ndra'o So'aya, Yehowa, awö Gehehania.[10] 17 Imane Yehowa, sangorifi ya'ugö, Ni'amoni'ö Ndraono Gizeraeli andrö: Ya'o, Yehowa, Lowalangiu zamahaö ya'ugö ba zoguna khöu, samasao ya'ugö ba lala nitöröu. 18 Ena'ö ötöngöni goroisagu andrö, ba hulö hohou nidanö wa'ohahau dödöu ba hulö ndrulu nasi wa'atulömö.[11] 19 Si mane ene ena'ö ma'uwumö ba madou mbotou andrö, ba si mane fa'oya ngawua nene. Ba töira andrö, ba lö tetayaigö ba lö tebunu ba gametahögu.[12]
III. Famangelama, ba wondröi Babeli andrö[edit | edit source]
20 Miheta ami ba Mbabeli andrö, mi'oloi, miröi Ndrawa Geledaia, mi'a'iki, mi'ebua'ö li! Mi'ombakha'ö, mituriaigö, miforongogö, irugi ba wondrege danö! Mimane: No i'orifi genoninia ma'uwu Yakobo andrö Yehowa![13] 21 Ba lö owökhi dödöra, me ifatörö ira ba danö si mate; ifalua sa'ae ba gara göra idanö, ifabali gara, fa mangele nidanö![14] 22 Ba zebua horö, ba lö fa'ohahau dödö, iŵa'ö Yehowa.[15]
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö