Wb/nia/Yesaya/38
I. Fökhö Hisikia andrö; mangandrö ia ba tefabu'u khönia, te'anau'ö nosonia na[edit | edit source]
1 Ba me luo da'ö, ba mofökhö Hisikia, fökhö famunu. Ba möi khönia zama'ele'ö andrö, Yesaya, ono Gamosi, imane khönia: Oroi'ö hadia ia niŵa'öu, si mate sa'ae ndra'ugö, lö auri'ö.[1] 2 Ba ibali'ö ia Hisikia, i'otahögö mbagolö, mangandrö ia khö Yehowa, 3 imane: "He Yehowa, törö tödöu, wa lö si faröi ndra'odo, wa no tenga si dua tödö ndra'o, wanörö lalagu andrö fönau, awö wa no u'o'ö zomasi ndra'ugö!" Ba mege-ege sibai Hisikia. 4 Ba so niŵa'ö Yehowa khö Yesaya, imanö: 5 "Ae ŵa'ö khö Hisikia: Da'ö niŵa'ö Yehowa, Lowalangi duau Dawido andrö: No urongo wangandröu, ba no u'ila daŵa höröu andrö. Ba da'udou'ö nosou, mewelelima fakhe tö. 6 Ba u'efa'ö ndra'ugö ba banua andre ba danga razo Asiria andrö; uba'a sa'ae mbanua andre. 7 Ba da'ö dandra khöu khö Yehowa, wa ifalua da'ö Yehowa, nifabu'unia andrö: 8 Mangawuli lumö andrö, ube'e, ha uge bosi, si no ahöndrö luo ba dandra luo andrö khö Gahasi, fulu bosi." Ba mangawuli luo, si fulu bosi, si no ahöndrö ia, ba dandra luo andrö.[2]
II. Fanunö Hisikia, me no döhö wökhönia andrö[edit | edit source]
9 Sura Hisikia andrö razo Ndraono Yuda me no mofökhö ia ba me no döhö wökhönia andrö: 10 No umane: "Ha talu niha ndra'odo, ba usaŵa mbanua tou, utörö mbawa gölinia, taya khögu zi tosai nosogu.[3] 11 No umane: Lö'ö sa'ae u'ila Yehowa, Yehowa andrö ba danö zauri. Lö'ö sa'ae u'ila niha ba zi so ba mbanua tou andrö. 12 No tedudugö nahiagu, no te'oloi'ö, no aefa khögu, si mane ose gubalo. No ududugö nosogu, nifolau zanoso nukha; itaba ndra'odo, i'etu'ö. Lö fakhamö bongi, ba lö ya'odo sa'ae öbe'e.[4] 13 Mangarö-ngarö ndra'odo: irege mahemolu mbanua irasa dölagu fefu, si mane singo. Lö fakhamö bongi, ba lö ya'odo sa'ae öbe'e. 14 Fakore ndra'o si mane katawaena, si mane tumbao; fakore, si mane marafadi. Mo'ala'ala hörögu, ufaöga miyaŵa [umane]: "He Yehowa, si tosasa ndra'odo; tolodo!"[5] 15 Hadia niŵa'ögu, me no muhede ia khögu ba me no ifalua? Sowaö-waö manö ndra'o, götö wa'anau nosogu, lö lai wa'abu dödögu andrö. 16 He So'aya, da'ö gaurifa niha, ba da'ö usöndra wa'abölö nosogu andrö fefu. Ba öfadöhö wökhögu, öfuli ö'orifido. 17 Hiza, fangorifigu wa no afökhö khögu zafökhö andrö. Ba no örorogö nosogu, fa lö alau ba gohokoho famakiko; noa sa ö'erogö horögu andrö fefu.[6] 18 Lö'ö sa i'andrö saoha gölö khöu banua tou, ba lö isuno'ö fa'amate; si no numalö mitou ba gohokoho, ba lö ladöna-döna wa lö faröi ndra'ugö.[7] 19 Ha sauri, sauri andrö zangandrö saoha gölö khöu, si mane ya'odo ma'ökhö. I'ombakha'ö khö nononia ama, wa no si lö faröi ndra'ugö. 20 Edöna i'orifi ndra'odo Yehowa: ba datalau mbiola, sagötö ya'ita, ba gosali Yehowa andrö!" 21 Ba iŵa'ö Yesaya, la'ohe dalu-dalu nigule'ö, bua ara, ba lagule'ö ba waosa andrö, ena'ö abe'e razo.[8] 22 Ba imane Hisikia: Hadia dandra, wa möido miyaŵa dania ba gosali Yehowa?
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö