Wb/nia/Yesaya/60
I. Fama'ele'ö fa'atumbu haga ba Ziona ba fangawuli niha baero khö Yehowa
[edit | edit source]1 Faoso, yamohaga ndra'ugö; noa sa so hagamö andrö, no humaga yaŵau lakhömi Yehowa! 2 Hiza sa: No tobalu sogömi-gömi danö ba si bongi zombalugö soi niha; ba yaŵamö, ba humaga Yehowa ba lakhöminia zi to'ele yaŵau. 3 Ba la'ondrasi dania haga andrö khöu niha baero, ba razo zangondrasi lakhömi andrö, si no humaga yaŵamö.[1] 4 Faöga höröu, fakhölö'ö ba faigi: No owulo ira fefu, la'ondrasi ndra'ugö! La'otarai zaröu ono matua khöu, ba nilu'i ba lembe nonou alawe.[2] 5 Ba na ö'ila dania, ba humaga mbawau [ba wa'omuso dödö], humufa dödöu ba ebolo; isaŵa sa'ae ndra'ugö ana'a si otarai nasi, möi khöu girö-girö niha baero. 6 Ihawui ndra'ugö fa'oya gondra andrö, ono gondra Midiano ba ono gondra Gefa; dozi so ira moroi ba Zaba: la'ohe gana'a ba kumöyö ba laturiaigö nilau Yehowa, fa'ebua döinia andrö.[3] 7 Fefu mbiri-biri Gedara andrö, ba khöu owulo, ba balazi ndra'ugö mbiri-biri si matua ba Ndraono Nabayoti. Ba naha wame'e sumange khögu yaŵa numalö, omasiö, ba ufolakhömi na nomo lakhömigu andrö. 8 Ha niha da'ö sihombo moroi sa, hulö lawuo, hulö marafadi, sanaŵa nahiara? 9 Ya'odo sa nidöna-döna hulo andrö, ba sowaö-waö nowo Darisi andrö, ba wolohe mangawuli onou, moroi ba zaröu, fabaya ana'a ba firö khöra [ana'a soi andrö] börö döi Yehowa Lowalangiu, börö Ni'amoni'ö Ndraono Gizeraeli andrö, me no ifolakhömi ndra'ugö.[4]
II. Niha bö'ö zangaro Siona ba lafolakhömi
[edit | edit source]10 Niha bö'ö dania zangaro öli khöu ba möi enoniu razora; ba wönugu sa ubago ndra'ugö mege ba ba wa'ebua dödögu andrö uhakhösi tödö ndra'ugö.[5] 11 Ba bawa gölimö andrö, ba ma'öma'ökhö teboka, ba he ba zi bongi, ba lö lakusi, ba wolohe miyomo khöu ana'a niha baero andrö, ba awö fao razo.[6] 12 Na so soi ba ma öri, si lö edöna möi barö mbawau, ba tekiko, ba lö zi lö ahori dania soi andrö.[7] 13 I'ondrasi dania ndra'ugö lakhömi hili Libano andrö: berua ba simalambuo ba afoa, fefu, ba wamolakhömi naha ni'amoni'ö andrö khögu ba ba wangebua töi nahia gahegu andrö.[8] 14 Ba laköwö ira wanaŵa ya'ugö ono zamakao ya'ugö mege, ba lasömba ndra'ugö ba gaheu dozi sanandraŵaisi ya'ugö mege, ba labe'e töimö "Mbanua Yehowa", "Siona Ni'amoni'ö Ndraono Gizeraeli andrö".[9] 15 Usalahini khöu wa no ni'erogö ndra'ugö, wa no ni'ogorofi, irege samösa lö itörö niha: ube'e nisuno ndra'ugö, si lö mamalö-malö, omasiö, götö-götö wa'ara.[10] 16 Ba öbadu nösi zusu niha baero, ba ösisiö mbalö meme razo; ba ya aboto ba dödöu, wa sangefa'ö ya'ugö ndra'odo, ya'o Yehowa, awö wa sangorifi ya'ugö zabölö ma'uwu Yakobo andrö.[11]
III. Lakhömi Yeruzalema si bohou andrö
[edit | edit source]17 Salahi döla garamba ufabe'e'ö gana'a ba salahi zi'öli wirö, salahi geu döla garamba ba salahi gara zi'öli; ba ube'e salaŵamö wa'ohahau dödö, ba samatörö ya'ugö ube'e wa'atulö. 18 Lö'ö sa'ae terongo wamalangögö ba danömi, ba he famakiko ba fanudugö bakha barö nola khömi; "fangorifi" öbe'e töi gölimö ba "turia" öbe'e töi mbawa göli. 19 Lö'ö sa'ae moguna khöu luo, haga na ma'ökhö, ba lö'ö sa'ae humaga khöu mbaŵa, haga ba zi bongi; Yehowa sa'ae haga khöu, si lö tebulö, ba lakhömiu Lowalangimö.[12] 20 Lö'ö sa'ae aekhu luo andrö khöu, ba baŵa khöu, ba lö tesa'a; Yehowa sa'ae haga khöu, si lö tebulö, ba sahori sa'ae mbaŵa wa'abu dödö andrö khöu. 21 Ba banuami, ba ha sambalö satulö tödö; khöra danö, si lö mamalö-malö; le wiö zinanögu [ira], omböila dangagu, ena'ö tobali lakhömigu.[13] 22 Fondrege zide-ide, ba tobali hönö, ba fondrege tou, ba tobali soi sabölö: Ya'odo, Yehowa zamangaösö dania, na baŵania!
Famotokhi ba gahe
[edit | edit source]Fabaliŵa lala
[edit source]Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö