Wb/nia/Yesaya/63
I. Fango'aya emali mbanua Lowalangi[edit | edit source]
1 Ha niha da'ö, si otarai Gedomo, soyo baru andrö, si otarai mbosera? Si no moadu sibai ba mbarunia andrö, si no fahöna fa'abölö, wanörö lalania andrö? Ya'odo da'ö, samabu'u fa'atulö, si no abölö ba wangorifi.[1] 2 Hana wa no oyo mbarumö andrö, ba hana wa no hulö ba zanguhundra folazi mbua nagu nukhau? 3 Noa sa uhundragö wolazi, ha ya'oya'o, ba samösa lö awögu, niha baero. No uhundragö ba wönugu andrö, ba no uhösöini ba wa'abao dödögu, no tobali tokana ba nukhagu nösinia, oi ta'unö mbarugu ube'e.[2] 4 Noa sa so ba dödögu mbaŵa wolau balö, ba no irugi döfi wangorifi andrö khögu.[3] 5 Ba ufakhölö ndra'o, ba lö sanolo, ufaigi-faigi, no tobali dödögu, ba lö solului. Ba ulau manö bulökhagu, ba fa'abao dödögu andrö zanolo ya'odo.[4] 6 Tobali uhundragö soi niha, ba wönugu andrö, ba umama, ba wa'abao dödögu; ahele ba danö nösira ube'e."[5]
II. Famasugi ba dödö fa'ebua dödö Lowalangi föna[edit | edit source]
7 Da'usuno wa'ebua dödö Yehowa andrö, nilau Yehowa andrö soturia, dali nilau Yehowa khöda, ba fa'ebua dödönia andrö, soya finaeta, ba ma'uwu Gizeraeli, ni'amualagönia khöra, ba wa'ahakhö dödönia andrö, ba ba wa'afahöna wa'ebua dödönia. 8 Noa sa imane: Si ndruhu, banuagu ira, ono, si lö falimo; ba tobali sangorifi ya'ira ia.[6] 9 Si tosasa ira, fefu, ba tosasa ia göi; ba i'orifi ira mala'ika andrö, khala-khalania: ba wa'omasinia ba me no alimagö ira khönia, i'orifi ira, ifazaŵa ira ba i'ohe, ero ma'ökhö ba götö föna andrö.[7] 10 Ba ya'ira: ba sabe'e tandro ba labusi dödö Gehehania ni'amoni'ö andrö, ba tobali si fa'udu khöra ia: ya'ia zi fasuwö khöra.[8] 11 Awena itörö tödö mbanuania götö föna andrö, me luo Moze [ba lamane]: Heza so zolohe miyaŵa ya'ira moroi ba nasi, fabaya kubalo rorogöfönia andrö? Heza so zame'e Ehehania ni'amoni'ö andrö ba dödöra?[9] 12 Ifao khö Moze ba gambölönia mbulökhania solakhömi andrö, ifabali nidanö fönara, ba wangai töi khönia, si lö tebulö. 13 Ifatörö ira ba mbalö molö, si mane kudo ba mbenua salo'o, lö alau. 14 Si mane öröbao, si möi mitou ba ndraso i'ohe ira ba zahono ira Eheha Yehowa. Si manö woloheu banuau, ba wangai töi si teturia khöu.
III. Fangandrö, ena'ö ifuli ihakhösi tödö mbanuania[edit | edit source]
15 Faigi moroi yaŵa ba zorugo, nehegö moroi ba nahiamö andrö ni'amoni'ö ba solakhömi! Heza so wa'aukhu dödöu andrö ba fa'abölöu? Ötaha khögu wa'ahakhö dödöu ba fa'ogolönia![10] 16 Amama sa atö ndra'ugö! [Tuama] Aberahamo andrö, ba lö'ö sa aboto ba dödönia ndra'aga, ba [Tuama] Izeraeli, ba lö i'ilaga; ya'ugö, Yehowa, namama, "Sangorifi ya'aga, götö-götö wa'ara sa'ae" döimö.[11] 17 Hana wa ötehe elungu ndra'aga, maröi lala andrö khöu, ya'ugö Yehowa? Hana wa ötehe abe'e dödöma, fa lö i'ata'ufi ndra'ugö? Fuli'ö, börö genoniu andrö, börö mado andrö, si no tana khöu! 18 Naha ni'amoni'ö andrö khöu, ba no si lö arara ba danga mbanua ni'amoni'ö andrö khöu, ba emalima zi hundrahundra ya'ia. 19 Hulö zi no ara aefa banuau ndra'aga, hulö zi lö irai ba döi töimö andrö.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö