Wb/nia/Yesaya/7

I. I'abe'e'ö dödö Gahasi razo mado Yuda Yesaya, me tedaö'ö-daö'ö wanuwö

1 Me luo razo mado Yuda Gahasi andrö, ono Yotamo, ma'uwu Usia, ba so moroi si yaŵa Resino, razo Garamo ba Feka andrö, razo Ndraono Gizeraeli, lasaŵa Yeruzalema, ba wanuwö ya'ira. Ba tebai atu'a ira. 2 Ba me te'ombakha'ö ba ma'uwu Dawido andrö: "No larugi mado Gefarayi Dawa Garamo, molombase ira ba da'ö," ba manizi-nizi bakha dödö mbanuania, si mane na ifaheu hogu geu ba gatua angi. 3 Ba imane Yehowa khö Yesaya: Ae faondragö Gahasi, ya'ugö ba onou Seari-Yasubi (Mangawuli zi tosai), ba mbalö lala hele ba mbaŵa nidanö tanö si yaŵa, ba lala ba mbenua zolokhoi muko. 4 Ba ömane khönia: "Faigi-faigi ba honogö'ö; böi ata'ufi, ba böi abu dödöu ba mbalö dudunga andrö, si dua, sanimbonimbo andrö, lö lai wa no humola dödö Resino andrö, fabaya Dawa Garamo ba fabaya ono Remalia andrö!" 5 Me no mamagölö ira, Dawa Garamo andrö ba mado Geferayi ba ono Remalia andrö, ba wolau khöu si lö sökhi, me no lamane: 6 "Da möi ita ba Ndraono Yuda, tafeta'u ira, atu'a ita ba mbanua tabe'e, ba tafataro razo nono Dabe'eli andrö." 7 Ba no imane So'aya, Yehowa: Lö fakhai ba lö alua! 8 Högö Garamo andrö sa, ba Damaseko, ba högö Ndramaseko, ba ya'ia Resino andrö, ba önö ngafulu a lima fakhe tö, i'otarai da'e, ba tedudugö nöri mado Geferayi andrö, fa tenga banaua sa'ae. 9 Ba Samaria andrö, ba no högö mado Geferayi, ba ono Remalia andrö, ba högö Zamaria! Na lö faduhu dödömi, ba lö fangorifimi.

II. Tandra wa'atumbu Emanueli andrö

10 Ba itohugö Yehowa, imane khö Gahasi: 11 Andrö dandra khö Lowalangiu Yehowa, ma moroi si tou ba mbanua tou ba ma moroi yaŵa ba mbanua si yaŵa. 12 Ba imane Ahasi: Lö u'andrö, lö utandraigö Yehowa. 13 Ba imane [Yesaya]: Ba mifondrondrongo, ya'ami ma'uwu Dawido! Hadia, ambö na khömi, na mifakao niha, wa mifakao na göi Lowalangigu? 14 Andrö So'aya zame'e tandra khömi: Hiza, manabina dania none alawe ba i'adonogö nono matua, ba ibe'e töinia Emanueli (awöda Lowalangi) 15 Susu si baku ba ŵe ŵani gönia, irege i'ila itimba zi lö sökhi ba ituyu zi sökhi. 16 Lö'ö sa fakhamö isöndra wanimba si lö sökhi ba fanutuyu si sökhi ono andrö, ba no adudu mbanua, ni'ata'ufiu razo si darua andrö.

III. Fangombakha huku, nifatörö Ndrawa Asiria dania

17 Ba ifatörö göi khöu mbaŵa Yehowa, khöu ba ba mbanuau andrö ba ba zoroiyomou fefu, si lö irai, götö wa no fabali mado Geferayi ba Ndraono Yuda, balazi razo Asiria. 18 Na luo da'ö, ba ikaoni Yehowa gulo andrö ba luaha nidanö Miserayi, awö ŵani andrö ba danö Asiria. 19 Ba so ira fefu, ba latugelai mbawa danö ba so'otalua gara ba songafu sa'a-sa'a mao ba benua awuyu fefu. 20 Ba na luo da'ö, ba itöwö So'aya mbu högö ba bu ba zaila ira fanöwö andrö niwawalö ba mbewe Oifarati, razo Asiria andrö; numalö gambi, ba ihori. 21 Na luo da'ö, ba sageu saŵi, si bohou ebua ba dua geu biri-biri zamösa. 22 Ba ba wa'oya nösi zusu, ba susu si baku gönia; dozi si tosai ba danö sa, ba susu si baku ba ŵe ŵani göra. 23 Na luo da'ö, ba asai'ö fefu naha si no hönö töla nagu, si 500 rufia moböli, ba tumbu za'a-sa'a mao khönia. 24 Fa ni'ohe fana fabaya ono wana, wanörö ya'ia; sagörö tanö sa'ae, ba sasai'ö ba mosa'a-sa'a mao. 25 Ba ba hili fefu, nihalö nowi iada'e, ba lö'ö sa'ae möi niha, börö wa'ata'ura za'a-sa'a mao andrö ba sasai'ö no mege. La'ohe dania zaŵi ba da'ö, ba lahundrahundra biri-biri.

Famotokhi ba gahe

Fabaliŵa lala

Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö