Wb/nia/Yesaya/34
I. Fangombakha fanguhuku niha sato, fefu soi, dania[edit | edit source]
1 Mi'aine, ya'ami niha baero, mifondrondrongo; mibe'e mbörö dalingami, ya'ami soi bö'ö! Yamufondrondrongo uli danö ba ösinia; olia uli danö, awö fefu hadia ia zauri yaŵa! 2 Noa sa abao dödö Yehowa ba niha fefu, ha soi ira; mofönu ia ba zanuwö, fefu; no i'elifi ira ba no ilulu ira nibunu. 3 Ena'ö so manö tou nibubunu andrö khöra, ena'ö aböu tou mboto zi mate ba ena'ö ombuyu danö ba hili ba ndrora andrö. 4 Adudu nösi mbanua si yaŵa, tegölugö mbanua, hulö zura; ariri nösinia fefu, si mane fa'aleu mbulu nagu, si mane bulu lehu ba marafala.[1]
II. Fanguhuku Iraono Gedomo[edit | edit source]
5 Noa sa mabu ba zorugo zi'öligu; ba numalö mitou ba Ndraono Gedomo, soi ni'elifigu, ba wamatörö huku khönia. 6 So khö Yehowa zi'öli, sa'oi do, saelo tawö; do nono mbiri-biri ba do zi matua ba tawö mbua ba zi matua mbiri-biri; mame'e sumange sa'ae Yehowa ba Mbosera, ilau wamunu sebua ba danö Ndraono Gedomo.[2] 7 Ba tebunu tou göröbao, fao ba da'ö, ba faonono zaŵi ba zi matua zaŵi; mabu danö do ba aelo tou ba dawö andrö. 8 Irugi sa dania khö Yehowa baŵa wolau balö, döfi wamasulö, börö ba Ziona andrö.[3] 9 Tobali kita mbombo khöra ba talö balera tou danö; kita sihola-hola sa'ae danöra andrö.[4] 10 Bongi ma'ökhö lö mate galitönia lö mamalö-malö we'amöi miyaŵa zimbonia; götögöto wa'ara, ba tanö si mate; irugi zi lö aetu, ba lö sanörö.[5] 11 Tumbao ba si'ate zangokhögö, ba lamuhu ba gaga zonahia ba khönia; ifadölö khönia zinali fanu'a zi lö niha Yehowa, ba ifatörö wanulo zi lö ösi.[6] 12 Ba zalaŵara — ba lö'ö sa'ae samataro högöra, tobali si lö'ö zamatörö ya'ira, fefu. 13 Ba gödo andrö khöra, ba tumbu za'a-sa'a mao, ba molato ba mo'o'o hatira; tobali nahia nasu ana'a ba azuni wofo ondra. 14 Falukha ira garawi nasu ana'a ba falukha-lukha göi mbekhu, ba matiana zolombase ba da'ö, falukha ia zahono ia.[7] 15 Höngö zangazuni ba da'ö, mangadulo ia ba mamaukhu, ba lumö gödo andrö ifonahia nononia: moyo zowulo ba da'ö. 16 Mi'alui ba zura andrö khö Yehowa ba mibasobaso: lö'ö sa si lö alua, oi mo'awö! Bawania sa zanguma'ö ba Ehehania zangorudugö.[8] 17 No ya'ia zolau dahö-dahö khöra ba no tangania zamatörö fanu'a danö, wamaosa khöra, ba lö'ö sa'ae tebulö wa khöra, nahiara, götö-götö wa'ara.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö