Wb/nia/Yesaya/46
I. Fanibo adu Mbabeli andrö[edit | edit source]
1 Beli andrö, ba no mutimba, iköwö ia Nebo andrö [adu]. Famaedora andrö, ba no mube'e noro kudo ba noro zolu'i noro. Ni'ohe'ohemi föna, ba wamatörö baolayama, ba no mube'e noro zerege tödö. 2 Laköröbui ira, aso'a, fefu, tebai la'orifi noro andrö, ya'ira na'i, ba ni'oloi'ö zanuwö.
II. Famarou tödö, ba wa lö faröi khö Yehowa ba famangelama ba wame'e adu[edit | edit source]
3 Mifondrongondrongo khögu, ya'ami ma'uwu Yakobo ba ya'ami fefu, si tosai nga'ötö Gizeraeli, ya'ami si no noro dödögu, i'otarai dalu ninami, ni'ohe'ohegu, i'otarai me tabina ami. 4 Ba irege atua ami, ba ya'oya'odo manö, irege tohare huwa, ba ya'odo zi onoro tödö ya'ami: ya'o zolau, ya'odo zanaya ya'ami; uhalö noro dödögu ami, ba ufaigi wangorifi. 5 Ha niha khömi, nibe'e famaedogu, nifatahö khögu; ha niha mifagölö-gölö khögu, ena'ö faoma ndra'aga?[1] 6 Lafaduwa tou gana'a ba latulo ba waliera wirö; la'oni duka, siambu, ena'ö ibali'ö Lowalangi, labalöduhini tou danö, mangalulu ira. 7 La'angalisigö, la'onoro ba lafataro ba nahania, ena'ö i'iagö da'ö ba böi tebulö: ba na so zi angaröfi li ya'ia, ba lö itema li, lö i'efa'ö ba wa'atosasa.[2]
III. Edöna i'orifi mbanuania andrö Yehowa[edit | edit source]
8 Mitörö-törö tödömi da'ö ba mitöngöni, mibe'e ba dödömi, ya'ami si fa'ero andrö! 9 Mitörö tödömi zi no ara andrö, si otarai götö föna, wa no ya'odo Lowalangi ba tenga bö'ö; Lowalangi si lö famaedo, fefu gofu heza.[3] 10 Sangombakha lua-lua, i'otarai mböröta, i'otarai götö föna sa'ae, lua-lua zi lö alua na; sanguma'ö: Lö tola lö alua dania nihonogöigu ba hadia fefu zi so ba dödögu, ba itörö ube'e![4] 11 Sogaoni moyo andrö moroi ba gatumbukha, niha andrö samalua nihonogöigu andrö [ukaoni], moroi ba danö saröu; itörö ni'ombakha'ögu ube'e: ufalua nihonogöigu andrö![5] 12 Mifondrondrongo khögu, ya'ami sabe'e tandro, si no aröu fa'atulö dödö! 13 No uhatö'ö wa'atulö andrö khögu; tenga saröu sa'ae ia; lö'ö sa'ae iradö ia fangorifi andrö khögu. Ube'e ba mbanua Ziona wangorifi ba lakhömi ba Ndraono Gizeraeli.
Famotokhi ba gahe[edit | edit source]
Fabaliŵa lala[edit source]
Olayama Yesaya: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52 • 53 • 54 • 55 • 56 • 57 • 58 • 59 • 60 • 61 • 62 • 63 • 64 • 65 • 66
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö