Wb/nia/Yeremia/43
I. Möi ba danö Miserayi niha Yehuda; lö labe'e ba dödöra wamangelama Yeremia[edit | edit source]
1 Ba me no ahori i'ombakha'ö Yeremia ba zato fefu daroma li Lowalangira Yehowa, ba nifatenge Lowalangira Yehowa ya'ia khöra, 2— taroma li andrö fefu, ba lamane ira Asaria, ono Hosaya, Yokhana, ono Garea, awö dozi, si no abe'e bawa khö Yeremia: Fayau, lö nifatenge Lowalangima Yehowa ya'ugö, ba wanguma'ö khöma: "Böi mi'ae ba danö Miserayi, ba we'amöi si fatewu ba da'ö!" 3 Barukhi andrö, ono Neriya, zama'udu ya'ugö khöma, ba wame'e ba danga Ndrawa Galedaia ya'aga, ena'ö labunuga, ba ena'ö la'oloi'ö ndra'aga ba Mbabeli! 4 Ba lö la'o'ö goroisa Yehowa ira Yokhana ba kumandra andrö fefu, awö niha sato fefu, ba wangiagö tanö mado Yuda ena'ö; 5 la'ohe zi tosai mado Yuda fefu ira Yokhana, ono Garea, ba kumandra andrö fefu, zi tosai andrö, sangawuli moroi ba niha misa, sizaewe ira mege, ba we'aso ba danö mado Yuda, 6 ira matua ba ira alawe ba iraono ba ono razo andrö, alawe, awö fefu niha, nisaigö Nebusa-Adano, sarasa wazuri, khö Gedalia, ono Gahika ono Zafano, fabaya Yeremia sama'ele'ö ba Barukhi, ono Neriya,[1] 7 ba lasaŵa danö Miserayi; lö'ö sa la'o'ö goroisa Yehowa. Ba larugi Dakhifane.[2]
II. Ifa'ele'ö wanuwö Nebukanesa Dawa Miserayi Yeremia[edit | edit source]
8 Ba humede Yehowa khö Yeremia, ba Dakhifane, imane: 9 Halö gara sebua ba ko'o ba la'uri ba nibale kara andrö, ba ngai lala yomo, ba gödo Wara'o, ba Dakhifane, fa'aso niha Yehuda ösa, 10 ba ömane khöra: Da'ö niŵa'ö Yehowa ngahönö, Lowalangi Ndraono Gizeraeli: Hiza, ufahalö'ö genonigu Nebukanesa, razo Mbabeli, ba yaŵa gara andre, niko'ogu, ufedadao dadaomania ba da'ö dania ibologö darafa zalo khönia. 11 Ba so ia ba ifufu danö Miserayi: ha niha nibunu, ba labunu, ba ni'oloi'ö, ba la'oloi'ö ba ni'ö'ötö s'öli, ba la'ö'ötö si'öli![3] 12 Ba ugule'ö galitö ba gosali Lowalangi Ndrawa Miserayi, ba itunu [gosali andrö] ba i'oloi'ö [Lowalangira] ba i'okaero danö Miserayi, si mane na i'okaero mbarunia sebua kubalo, ba mangawuli ia, lö hadia ia. 13 Ba irasa gowe andrö ba Mbeti Zemesi, ba danö Miserayi, ba osali Lowalangi Ndrawa Miserayi, ba itunu.
Famotokhi ba gahe[edit | edit source]
Fabaliŵa lala[edit source]
Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö