Wb/nia/Yeremia/37

I. I'ombakha'ö Yeremia, atu'a dania ba mbanua Ndrawa Galedaia, lö lai wa no laröi ua

1 Ba razo fangali Yoyakhi andrö, ono Yoyaki, Zedekia, ono Yosia, nifataro Nebukanesa, razo Mbabeli, razo ba danö mado Yuda. 2 Ba lö lafondrondrongo li Yehowa andrö, nifaŵa'ögönia khö Yeremia sama'ele'ö, he ya'ia ba he enoninia ba he niha ba danö. 3 Ba ifatenge khö Yeremia sama'ele'ö razo Sedekia, — Yukhala, ono Zelemia, ba Sefania ere andrö, ono Maseya zinenge —, wanguma'ö: "Angandrö khö Yehowa, Lowalangida, salahima!" 4 Me luo da'ö, ba idörödöröi na mbanua Yeremia, lö mukuru na. 5 Ba barö ö, ba so moroi sa zanuwö khö Wara'o, moroi ba danö Miserayi, ba me terongo da'ö ba Ndrawa Galedaia, ba laheta ira, labato wanuwö Yereozalema. 6 Ba humede Yehowa khö Yeremia, sama'ele'ö imane: 7 Da'ö niŵa'ö Yehowa, Lowalangi Ndraono Gizeraeli: Mimane khö razo mado Yuda, samatenge ya'ami, ba wanofu khögu: Sanuwö andrö khö Wara'o, si so moroi sa, ba wanolo ya'ami, ba mangawuli ba danöra, tanö Miserayi, 8 ba sangawuli göi Ndrawa Galedaia andrö, ba wanuwö banua da'e, ena'ö atu'a ira ba ena'ö latunu. 9 Da'ö niŵa'ö Yehowa: Böi milimo ami, wanguma'ö tödömi: "Alua laheta ira khöda Dawa Galedaia andrö!" lö'ö sa laheta ira. 10 He ŵa'ae milaŵa ena'ö zabölö Ndrawa Galedaia andrö fefu, sanuwö ya'ami, ba he ha mato ma'ifu zi tosai, si no mesokho sibai na'i, ba ifazaŵa zui ia zamösana ba nosenia ba latunu mbanua da'e.

II. Lara'u ia, me iheta ia ba mbanua mena'ö

11 Ba me no laheta ira ba Yeruzalema sabölö Ndrawa Galedaia andrö, ba zanuwö andrö khö Wara'o, 12 ba iröi Yeruzalema Yeremia ba we'amöi ba danö mado Mbeniyami, ba wangai urakhania ba da'ö, fao ia ba niha [bö'ö]. 13 Ba me irugi mbawa göli mado Mbeniyami andrö, khö zanaro sotöi Yeria, ono Zelemia ono Hanania, ba itaha Yeremia sama'ele'ö da'ö, imane: "Ba Ndrawa Galedaia möi ndra'ugö!" 14 Ba imane Yeremia: Faya! Tenga si möi ba Ndrawa Galedaia ndra'odo; ba i'ositengagö. Ba itema ira'u Yeremia Yeria andrö, i'ohe ba zatua. 15 Ba mofönu zatua khö Yeremia, labago ia ba labe'e ba gurunga ba nomo Yonata durutuli; noa sa labali'ö kurunga da'ö. 16 Ba tobali labe'e ba gurunga barö danö Yeremia, ba nibale kara moroi yaŵa; ba ara ia ba da'ö.

III. Itolo na atö ia Sedekia

17 Ba ifatenge khönia razo, Sedekia, ifahalö'ö ia. Ba isofu khönia razo ba gödonia, nibini'ö, imane: Hadia, so khöu daroma li Yehowa? Ba imane Yeremia: So! ba imane: Ba danga razo Mbabeli tebe'e ndra'ugö! 18 Ba imane na Yeremia khö Zedekia, razo: Hadia horögu khöu ba ba genoniu andre, wa no mibe'edo ba gurunga? 19 Ba heza so iada'e zama'ele'ö andrö, sangombakha khömi, wanguma'ö: "Lö irugi ami razo Mbabeli ba lö irugi danö andre!" —? 20 Ba iada'e, ba fondrondrongo ya'ugö sokhö ya'o, razogu! Fondrondrongo wangandrögu! Böi be'e mangawuli ndra'o ba nomo Yonata durutuli andrö, fa böi matedo ba da'ö! 21 Ba iŵa'ö razo Sedekia, ba naha zago la'ohe Yeremia, wanaha ya'ia, ba sambua ma'ökhö labe'e roti khönia, nihalö ba nomo duka roti, irege ahori roti ba mbanua bakha. Ba ba naha zago ahono Yeremia.

Famotokhi ba gahe

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö