Wb/nia/Yeremia/41

I. Ibunu Gedalia Sima'eli andrö, ba i'oloi'ö zato

1 Ba me baŵa si fitu, ba so Zima'eli andrö, ono Netania ono Gelisama, nga'ötö razo ba salaŵa ba ngai razo; dafulu niha nawönia, lasaŵa Gedalia, ono Gahika, ba Misefa, ba manga ira, tomenia, ba Misefa. 2 Ba maoso Zima'eli andrö ba awönia fao, si dafulu andrö, latema labunu Gedalia, ono Gahika ono Zafano, labunu si'öli nifataro razo Mbabeli ba danö, 3 fabaya niha Yehuda fefu, si so ba da'ö, ba Misefa, khö Gedalia ba Dawa Galedaia ba da'ö, sabölö, ibunu Sima'eli. 4 Ba sara wongi, aefa no labunu Gedalia, me lö samondrongo na, 5 ba so niha si otarai Zikhema ba Silo ba Samaria, ŵalu ngafulu ira, no mutöwö gambi ba no lasika nukhara ba no lakhoi ira, so khöra zumange ni'a ba kumöyö, ni'ohe ba gosali Yehowa ena'ö. 6 Ba ifaondragö ira Sima'eli, ono Netania, moroi ba Misefa, mege-ege ia ba lala, ba me faondra ira, ba imane khöra: Mitabu miyomo khö Gedalia, ono Gahika! 7 Ba ha si'aikö larugi yomo mbanua, ba i'ö'ötö ira Sima'eli, ono Netania, ba itibo'ö ba mba'a, ya'ia ba awönia fao. 8 Ba dafulu khöra zanguma'ö khö Zima'eli: Böi bunuga: so khöma mbalazo, nibini'ö ba danö, fakhe ba rigi ba fanikha ba ŵe ŵani! Ba iböhöli ira, lö ibunu, awö mbanuara andrö. 9 Ba ba'a andrö, nitibo'ö Zima'eli boto niha andrö, nibununia, fefu —, ba ya'ia mba'a sebua andrö, nifakhao'ö Asa, razo, öra idanö, me isuwö ira Ba'esa, razo Ndraono Gizeraeli: da'ö nifo'ösi Zima'eli, ono Netania, boto nibunu. 10 Ba dozi si tosai niha ba Misefa, ba i'oloi'ö Sima'eli, ono razo alawe, awö zato fefu, si tosai ba Misefa, nibe'e Nebusa-Adano, sarasa wazuri barö mbawa Gedalia ono Gahika — da'ö ni'oloi'ö Zima'eli, ono Netania, ba mofanö, ba we'amöi misi yefo ba Ndraono Gamoni.

II. Igohi zange'e andrö Yokhana, i'efa'ö zato

11 Ba me larongo Yokhana, ono Garea, ba kumandra andrö fefu, awönia, wamakiko andrö, nilau Zima'eli andrö, ono Netania, 12 ba la'ozaragö niha fefu, maoso ira, ba wanuwö Sima'eli, ono Netania, ba lakhamö ia ba zinga mbaŵa idanö sebua andrö, ba ngai Gibeona. 13 Ba ha si'aikö la'ila Yokhana, ono Garea, awö gumandra andrö, fefu, si fao khönia, ni'oloi'ö Zima'eli andrö, ba omuso dödöra. 14 Ba labali'ö ira furi dozi ni'oloi'ö Zima'eli, moroi ba Misefa, lasaŵa Yokhana, ono Garea. 15 Ba moloi Zima'eli, ono Netania, khö Yokhana, ikhamö Ndraono Gamoni, ba daŵalu nawönia.

III. Edöna moloi ira, lasaŵa danö Miserayi

16 Ba dozi niha si tosai, ba i'ohe Yokhana, awö gumandra zabölö andrö fefu, si fao khönia, dozi ni'oloi'ö Zima'eli, ono Netania, moroi ba Misefa, me no ibunu Gedalia, ono Gahika, ira matua, sabölö andrö ba ira alawe ba iraono ba nikhai andrö, ni'ohenia mangawuli, moroi ba Gibeona. 17 Ba maoso ira, ba molombase dania ua ba Geruti Kimami, ba ngai Mbetilekhema, ba we'amöi misi tou danö Miserayi, 18 ba Ndrawa Galedaia andrö; ata'u sa'ae ira da'ö, me no ibunu Gedalia, ono Gahika, nifataro razo Mbabeli ba danö Sima'eli andrö, ono Netania.

Famotokhi ba gahe

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö