Wb/nia/Yeremia/39
I. Atu'a zanuwö ba Yeruzalema. Famakao Sedekia
[edit | edit source]1 Ba me no atu'a ira ba Yeruzalema (me döfi si siŵa khö Zedekia, baŵa si fulu, ba so Nebukanesa, razo Mbabeli, awö zabölö khönia fefu, ba wanuwö Yeruzalema, ba lafasui;[1][2] 2 ba me döfi si felezara khö Zedekia ba zi meziŵa ba mbaŵa si öfa, ba atu'a ira ba mbanua) 3 ba so gumandra andrö khö razo Mbabeli, ba dumadao ba zinga mbawa göli ba dalu: Ira Neregala-Zarese, Samigaro-Nebo ba Saresekhi, sa'asa sebua, ba Neregala-Zarese, satua gere, si faeta, awö gumandra bö'ö andrö fefu, khö razo Mbabeli. 4 Ba me la'ila ira ira Sedekia, razo mado Yuda, ba sabölö andrö khönia fefu, ba latema moloi, ba zi bongi laröi mbanua, latörö lala ba kabu razo, mbawa göli ba gotalua göli si dua, ba lasaŵa Garaba. 5 Ba lagohi ira sabölö Ndrawa Galedaia ba lakhamö Zedekia ba ndraso, ba Yerikho; la'ohe ia, lafasao khö Nebukanesa, razo Mbabeli, ba Ribela ba danö Hamata, ba i'etu'ö hukunia. 6 Ba ifataba'ö mbagi ndraono Zedekia razo Mbabeli, ba da'ö, ba Ribela, ba zanehe Zedekia; ba fefu zalaŵa mado Yuda, ba ifataba'ö mbagi razo Mbabeli. 7 Ba ifakoe'ö hörö Zedekia, ba larate iŵa'ö ba la'ohe ba Mbabeli. 8 Ba gödo razo andrö, awö nomo zato, ba latunu Dawa Galedaia ba ladudugö göli Yeruzalema. 9 Ba si tosai niha, si lö ahori, ba mbanua, he si no möi khöra mege, ba he si tosai, si lö ahori, ba i'ohe ba Mbabeli Nebusa-Adano, sarasa wazuri. 10 Ba niha si numana, si lö ba danga hadia ia, ba isaigö ösa ba danö mado Yuda Nebusa-Adano, sarasa wazuri, ba ibe'e khöra kabu nagu, awö nowi, me luo da'ö.
II. Ihaogö khö Yeremia Nebukanesa
[edit | edit source]11 Ba ba khö Yeremia, ba ibe'e goroisa Nebukanesa, razo Mbabeli, khö Nebusa-Adano, 12 imane: Halö ia ba rorogö, böi fakao ia; o'ö khönia zomasi ia, nibokainia khöu! 13 Ba lafatenge zinenge ira Nebusa-Adano, sarasa wazuri, Nebusasiba, sa'asa sebua ba Neregala-Zarese, satua gere, si faeta, awö fefu gumandra andrö khö razo Mbabeli, lafatenge, 14 lafahalö'ö Yeremia ba naha zago ba labe'e rorogöfö Gedalia, ono Gahika ono Zafano, ena'ö i'ohe yomo. Ba tobali toröi ia, awö zato.
III. I'ombakha'ö khö Gebedi-Melekhi wangorifi Yeremia
[edit | edit source]15 Ba no muhede Yehowa khö Yeremia, me tetaha ia ba naha zago, no imane: 16 Ae ŵa'ö khö Ndrawa Gaitiofia andrö, Ebedi-Melekhi: Da'ö niŵa'ö Yehowa ngahönö, Lowalangi Ndraono Gizeraeli: Itörö sa'ae ligu ba mbanua da'e ube'e, ba wamakiko andrö, ba tenga ba wangorifi, itörö ba zanehe ndra'ugö, na luo da'ö.[3] 17 Ba ya'ugö andre, ba u'orifi, na luo da'ö — iŵa'ö Yehowa — ba lö tebe'e ndra'ugö ba danga niha andrö, sata'u ndra'ugö. 18 Aefa ndra'ugö ube'e, tenga si mate ba mbawa zi'öli ndra'ugö, amaedola gondra'uamö nosou, me no abe'e dödöu khögu — iŵa'ö Yehowa.
Famotokhi ba gahe
[edit | edit source]Fabaliŵa lala
[edit source]Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö