Wb/nia/Yeremia/15
I. No muhonogöi huku nifatörö ba mbanua Yeruzalema dania[edit | edit source]
1 Ba imane khögu Yehowa: He ŵa'ae so ba da'e ena'ö Moze ba Samueli, ba lö'ö zui aolo dödögu ba niha andre, — fofanö ira ba duduma hörögu, ena'ö laheta ira![1] 2 Ba no lamane khöu: Heza masaŵa? ba ömane khöra: Da'ö niŵa'ö Yehowa: Nihonogöi ba wökhö famunu — ba ba wökhö famunu, ba nihonogöi ba mbawa zi'öli — ba ba mbawa zi'öli, ba nihonogöi ba lofo — ba ba lofo, ba nihonogöi ba wangoloi'ö — ba ba wangoloi'ö![2] 3 Öfa balö u'oroi'ö udura — iŵa'ö Yehowa: si'öli, ba wamunu ba asu, ba wanösöbi, ba fofo ba dalu mbanua ba utu ndru'u, ba wemanga, ba wangohori.[3] 4 Ba ube'e nifakao ira, fefu soi niha ba guli danö zamakao ya'ira, börö Manase andrö, ono Hisikia, razo mado Yuda, börö nilaunia andrö ba Yeruzalema.[4] 5 Ha niha sa'ae zi hakhösi tödö ya'ugö, Yeruzalema? ha niha zogolö tödö khöu? ha niha zi möi yomo khöu manofu na lö hadia khömö? 6 No ötibo'ö ndra'odo, iŵa'ö Yehowa, no fabali'ö khögu: andrö wa u'oro'ö dangagu khöu, ba wamakiko ya'ugö; no atagedo wangahakhösi tödö. 7 Ba ufazaumba ira ba mbawa göli danö, si lö ono sa'ae ira ube'e, ufakiko mbanuagu andrö; lö niröira lalara andrö. 8 Tobali oya lakha mbanua khöra, moroi ba ngawua nene ba mbewe nasi. Ba nina nono matua khöra ufatörö zamakiko, ba zi laluo, i'ogomuzaö; ihawui ira fa'ata'u ba fa'atobali dödö ube'e.[5] 9 Ariri zi fitu ono, aetu noso: aekhu luo khönia lö bongi na, tobali lö boto ia, ihawui ia fa'aila; ba si tosai na khöra, ba ululu ba mbawa zi'öli nemalira, — iŵa'ö Yehowa.[6]
II. Fangarö-ngarö Yeremia; Fanema Lowalangi linia, fondrara tödö[edit | edit source]
10 Alai ndra'o, inagu! wa no ö'adonogö ndra'odo, niha nifakao ba nifasosoni niha ba guli danö fefu! Lö nibe'egu nifalali ba lö mube'e khögu nifalaligu, ba dozi la'elifi ndra'odo![7] 11 Imane Yehowa: Si ndruhu, u'abe'e'ö ndra'ugö, ba zi sökhi! Si ndruhu, mangalulu khöu zi fa'udu ube'e, na baŵa wamakao, na baŵa wa'atosasa khönia. 12 Hadia, afatö zi'öli warasi, si'öli moroi yöu ba töla? 13 Ana'au ba girö-giröu, ba ube'e nirabu lö böli, börö sa'ae horöu andrö fefu, nifazökhiu ba danömi misa ma'asagörö.[8] 14 Ba ube'e sangai halöŵö zi fa'udu khöu ndra'ugö, ba danö si lö örai mila; humola sa'ae galitö, fönugu andrö; khömi te'ebua'ö ia.[9] 15 Ö'ila sa'ae, ya'ugö Yehowa! Törö tödöu ndra'odo, tolodo ba lau mbalögu ba zolohi ya'odo; böi bunudo, ba wa'ebolo dödöu andrö [khöra]: törö tödöu, wa no börö ndra'ugö, wa ulu'i wa'aila! 16 Falukhado daroma li khöu, ba no amaedola gögu, ba tobali fa'omuso dödögu daroma liu andrö, ba fa'owua-wua dödögu, no töimö mbörö wamotöi ya'odo, ya'ugö Yehowa, Lowalangi ngahönö.[10] 17 Lö sorududo fedao-dao ba zomuso tödö, fa ma'ikido ena'ö: ba dangau andrö, ba no tonia ndra'o wedadao, me no fahöna wa lö sökhi-sökhi dödögu öbe'e.[11] 18 Hana wa lö'ö sa'ae mamalö-malö wa'afökhö andrö khögu, ba hana wa monana-nana zokhogu andrö, fa tebai nifadöhö? Hadia, amaedola mbombo si falimo ndra'ugö khögu, idanö saetu-aetu?[12] 19 Andrö imane Yehowa: Na öfuli'ö, ba ufuli utehe khöu wangondrasi ya'odo, ba na ö'oniagö ira zi nangea zi lö sökhi, ba amaedola mbawagu zui ndra'ugö? Ya'ira zi otahagö ya'ugö, ba ya'ugö, ba lö ö'otahogö ira. 20 Ba ube'e ba'a-ba'a töla saro ndra'ugö föna niha andrö, ba na fasöndra ira khöu, ba tebai lalaŵa ndra'ugö, so sa'ae ndra'odo ba ngaiu, ba wanolo ya'ugö ba ba wangorifi ya'ugo — iŵa'ö Yehowa.[13] 21 Ba u'efa'ö ndra'ugö ba danga zi lö sökhi ba ba gokhö zamakao.
Famotokhi ba gahe[edit | edit source]
Fabaliŵa lala[edit source]
Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö