Wb/nia/Yeremia/40

I. Te'efa'ö Yeremia

1 Niŵa'ö Yehowa khö Yeremia, me no i'efa'o ia Nebusa-Adano, sarasa wazuri, ba Rama, wamahalö'ö ya'ia — no murate ia, awö nira'u andrö fefu, banua Yeruzalema ba mado Yuda, ni'oloi'ö ba Mbabeli —. 2 Ba ifahalö'ö Yeremia sarasa wazuri andrö ba imane khönia: No idaö'ö-daö'ö ba mbanua da'e wamakiko andrö Yehowa andrö, 3 Lowalangimö, ba no ifatörö; no ifalua Yehowa nidaö'ö-daö'önia, me no molalö ami khö Yehowa ba me lö nifondrondrongomi oroisania, ba andrö itörö ami da'ö. 4 Ba iya'e, ba hiza! uheta khöu rate andrö ba dangau: na omasi'ö möi awögu ba Mbabeli, ba tabu, ba urorogö ndra'ugö! Ba na anuzu dodöu möi awögu ba Mbabeli, ba akha lö'ö! Hiza, no ebolo danö fönau: heza zomasi'ö möi, ba da'ö ae'e! 5 Ba me lö mofanö Yeremia na, ba imane: Ba fuli'ö khö Gedalia, ono Gahika ono Zafano, nifataro razo Mbabeli ba mbanua mado Yuda, ba iagö khönia, awö zato andrö, ma heza zomasi'ö, bö'önia, möi'ö, ba da'ö ae'e! Ba ibe'e khönia mbalazo ba lala ba buala sarasa wazuri andrö, ba ifofanö ia. 6 Ba isaŵa Gedalia, ono Gahika andrö, Yeremia, ba Misefa, ba i'iagö khönia, awö zato, si tosai ba danö.

II. Tefataro kumandru zi tosai niha Yehuda Gedalia andrö

7 Ba me larongo kumandra andrö fefu, baero mbanua ba si fao khöra, me larongo, no ifataro [kumandru] ba danö Gedalia, ono Gahika andrö, razo Mbabeli ba no ibe'e barö mbawania ndra matua, awö ndra alawe, awö ndraono, fabaya niha si numana, ba danö, ba niha si lö mu'ohe ba Mbabeli, 8 ba möi ira khö Gedalia, ba Misefa, ira sima'eli, ono Netania, Yokhana ira, ba Yonata andrö, ono Garea ba Seraya, ono Danumeti, ba iraono Gefa'i andrö, banua Netofa, ba Yesania, ono mbanua Ma'akha andrö, awö zi fao khöra andrö. 9 Ba möi ba hölu khöra ba ba nawöra andrö Gedalia, ono Gahika ono Zafano, imane: Böi mi'ata'ufi we'amöi barö mbawa Ndrawa Galedaia; mi'iagö danö ba mi'o'ö khö razo Mbabeli, ba sohahau tödö ami! 10 Hiza, ba Misefa so ndra'odo, fönami ba Ndrawa Galedaia, na so zi möi khöda; ba ya'ami, ba mi'ozaragö mbua nagu ba bua geu bö'ö, fabaya fanikha, ba mibe'e ba nahia, ba mi'iagö mbanua andrö, ni'okhögömi! 11 Ba larongo göi fefu niha Yehuda andrö, si no fatewu ba Ndraono Moabi ba ba Ndraono Gamoni ba ba Ndraono Gedomo ba ba danö bö'ö fefu, larongo, wa no isaigö ösa mado Yuda razo Mbabeli, awö wa no ifataro kumandrura Gedalia andrö, ono Gahika ono Zafano. 12 Ba mangawuli fefu niha Yehuda moroi ba danö misa fefu, sizaewe ira, lasaŵa danö mado Yuda, khö Gedalia ba Misefa; ba lasöndra mbua nagu ba bua geu bö'ö, fahöna.

III. Tefangelama ia, ba lö irongo

13 Ba möi khö Gedalia, ba Misefa, Yokhana andrö, awö gumandra andrö fefu, si so baero mbanua, 14 ba lamane khönia: Hadia, no örongo göi, wa no ifatenge Zima'eli andrö, ono Netania, Ba'alisi, razo ndraono Gamoni, ba wamunu ya'ugö? Ba lö ifati lira Gedalia, ono Gahika. 15 Ba imane Yokhana, ono Garea, khö Gedalia, ba Misefa — lö ifarongogö ba niha bö'ö —: Damöido mamunu Sima'eli andrö, ono Netania; alakha lö irongo niha bö'ö! Hana wa ibunu ndra'ugö, ba wame'e zumaewe zui fefu niha Yehuda, si no orudu khöu ba tekiko zi tosai mado Yuda? 16 Ba imane Gedalia, ono Gahika, khö Yokhana, ono Garea: Böi! faya niböbögöu andrö khö Zima'eli!

Famotokhi ba gahe

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö