Wb/nia/Yeremia/14

I. Baŵa wa lö teu

1 Niŵa'ö Yehowa khö Yeremia ba wa lö teu andrö: 2 Abu dödö mado Yuda, hulö zariri mbanuara, dumao-dao tou ba danö, alangu sibai dödö; numalö miyaŵa wege-ege Yeruzalema. 3 Salaŵara, ba lafatenge genonira, ba wana'u idanö, möi ba mba'a, ba lö falukha nidanö, ba mangawuli lö ösi nasoa, no tobali dödöra ba no aila, ba labalugö mbawara. 4 Ba danö nowi andrö, si no tobali tödö, me lö saekhu ba danö teu tobali dödö zonowi, babalugö mbawara. 5 Böhö na'i ba mbenua, mo'ono ba iröi, me lö du'u ba danö. 6 Ba kalide gatua, ba no so ba hili si lö eu'eu, ambö mbadu, si mane ba nasu ana'a; ariri höröra, me lö du'u.

II. Fangandrö Yeremia salahi Ndraono Gizeraeli. Lö edöna ifondrondrongo Yehowa

7 Na i'ombakha'ö ndra'aga horöma andrö, ya'ugö Yehowa, ba be'e börö döimö andrö, wame'e ba lala; noa sa fahöna golalöŵama; khöu no mafazökhi horö! 8 Ya'ugö tötönafö Ndraono Gizeraeli, sangorifi ya'ira, na baŵa wa'atosasa, hana wa no hulö niha bö'ö ba danö ndra'ugö, hana wa no hulö zikoli solau ose naha wemörö? 9 Hana wa no hulö niha si no tobali tödö ndra'ugö, hulö zabölö, si tebai mangorifi awönia? Ba noa zui soso'ö ba khöma, ya'ugö Yehowa, ba no töimö mbörö wamotöi ya'aga: böi böhöli ndra'aga! 10 Imane Yehowa, ba niha andre: Si manö wa'omasira wanörö-nörö, lö lataha gahera, — ba lö omasi Yehowa ira: itörö sa'ae tödönia lalöra ba i'otu'ö ira ba horöra andrö. 11 Ba no imane khögu Yehowa: Böi andrö wangorifi niha andrö!^[1] 12 Na mamoni ira, ba lö ufondrondrongo wakaosara andrö, ba na la'ohe [khögu] zumange nitunu ba sumanga ni'a, ba tenga somasido; uhori na'i ira bawa wöda ba lofo ba bö'a!^[2]

III. Fangarö-ngarö ba zama'ele'ö sofaya andrö; lasaŵa wa'atekiko, fabaya sato

13 Ba umane: He So'aya, Yehowa, ba laŵa'ö khöra sama'ele'ö andrö: Lö mi'ila zi'öli, ba he lofo, ba lö göna ami; fangorifi si lö mamalö-malö ufa'aso khömi ba naha andre!^[3] 14 Ba imane khögu Yehowa: Falimosa nifa'ele'ö zama'ele'ö andrö ba döigu; tenga nifatengegu ira, lö niŵa'ögu khöra, lö sihededo khöra; angilata falimosa ba faetasa faya-faya ba faya nifakhai dödöra lafa'ele'ö khömi!^[4] 15 Andrö imane Yehowa — ba khö zama'ele'ö, sanguma'ö zui: He si'öli ba he lofo, ba lö itörö danö da'e! he ŵa'ae tenga sinengegu ira — si'öli ba lofo dania wamunu zama'ele'ö da'ö! 16 Ba niha andrö, ba nifa'ele'ö da'ö, ba sadölö tou dania baewali Yeruzalema ba lofo ba ba zi'öli, lö sogo'o ya'ira ba fo'omora ba onora matua ba onora alawe — ba uhawui ira sulö walösökhira andrö. 17 Ba ömane khöra: Mowöi-wöi daŵa hörögu, bongi ma'ökhö, lö i'ila döhö, me no mu'ö'ötö sibai nono alawe andrö, banuada; safökhö sibai zokhonia.^[5] 18 Na möido baero ba mbenua, ba hiza tou ni'ö'ötö si'öli, ba na möido miyomo ba mbanua, ba hiza zi mate olofo! He sa sama'ele'ö ba he ere, ba möi ba danö si lö larai mila.

IV. Ifuli mangandrö Yeremia

19 Ba hadia, no öfaulugö wanibo mado Yuda? ba noa sa'ae anuzu dödöu Ziona? Hana wa no öfesokho ndra'aga, si lö famadöhö? Ladöna-döna wangorifi, ba lö hadia ia zi sökhi; ladöna-döna mbaŵa wamadöhö, ba hiza wa'atobali dödö!^[6] 20 He Yehowa! No aboto ba dödöma walösökhima, horö ndra tuama andrö, wa no molalö ndra'aga khöu!^[7] 21 Böi tibo'ö [mbanuau], börö döimö andrö; böi be'e fa'aila dadaoma lakhömi andrö khöu; törö tödöu, böi wu'ai wawu'usa li andrö khöda! 22 Hadia, so maö ba nadu niha baero andrö wangöndru deu? hadia moteu manö mbanua si yaŵa [ha ya'ia]? Hadia, tenga ya'ugö, Yehowa, Lowalangima? ba madöna-döna khöu, ya'ugö sa'ae zolau da'ö fefu.^[8]

Famotokhi ba gahe

↑ MozII 32:10; Faigi 7:16; 11:14
↑ Yes 1:15; Faigi 6:20; 7:21; 11:11
↑ Faigi 5:31
↑ Faigi 23:21; 27:15; 29:8
↑ Ngenu 1:16; 2:18
↑ Faigi 8:15
↑ Sin 106:6; Dan 9:8
↑ Sin 135:7; Faigi 5:24

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] MozII 32:10; Faigi 7:16; 11:14

[2] Yes 1:15; Faigi 6:20; 7:21; 11:11

[3] Faigi 5:31

[4] Faigi 23:21; 27:15; 29:8

[5] Ngenu 1:16; 2:18

[6] Faigi 8:15

[7] Sin 106:6; Dan 9:8

[8] Sin 135:7; Faigi 5:24

[1]

[2]

[3]

[4]

[5]

[6]

[7]

[8]