Wb/nia/Yeremia/26
I. Fama'ele'ö Yeremia ba golayama gosali[edit | edit source]
1 Ba me awena razo Yoyaki andrö, ono Yosia, razo mado Yuda, ba iŵa'ö da'e khö Yeremia Yehowa.[1] 2 Imane Yehowa: Iagö golayama gosali Yehowa ba hede ba mbanua mado Yuda andrö fefu, si no möi bakha, ba wangandrö ba gosali Yehowa; farongogö khöra daroma li andrö fefu, niŵa'ögu khöu nifa'ema khöra! Sambua li böi ambösi. 3 Ma atö lafondrondrongo, ma lafuli ira, ma iröi lala si lö sökhi andrö khönia zamösana, ena'ö mangesa dödögu, ba wamakiko andrö, miŵa'ögu nifatörö khöra, ba mbua-buara andrö, si lö sökhi.[2] 4 Ba ömane sa'ae khöra: Imane Yehowa: Na lö mifondrondrongo ligu, wolo'ö oroisagu andrö, nifakhoigu khömi, 5 ba wamondrongo li genonigu sama'ele'ö andrö, si lö atagedo famatengetenge khömi, lö lai wa lö nifondrondrongomi,[3] 6 ba faoma ira gosali ba da'e gosali andrö ba Zilo no, ube'e, ba banua andre, ba ube'e ni'elifi ba soi niha ba guli danö fefu.[4]
II. Mofönu khönia gere ba sama'ele'ö andrö ba la'adugö ia[edit | edit source]
7 Ba me larongo ere ba sama'ele'ö ba sato fefu i'ombakha'ö Yeremia daroma li da'ö, ba gosali Yehowa, 8 ba me no i'o'ozui Yeremia wama'ema fefu ni'oroi'ö Yehowa, niŵa'ö ba zato, ba lara'u ia ere ba sama'ele'ö andrö ba sato, lamane: Si mate ndra'ugö! 9 Hana wa ömanö wama'ele'ö ba döi Yehowa, wa ömane: Lala gosali ba Zilo no andrö lala gosali da'e dania ba banua andre, ba nidudugö, ba si lö niha dania! Ba aekhu niha sato fefu ba gosali Yehowa, udu Yeremia. 10 Ba me terongo duria da'ö ba zatua mado Yuda, ba möi ira miyaŵa ba gosali Yehowa, la'otarai gödo razo, ba mudadao ba mbawa göli Yehowa andrö, si bohou. 11 Ba lamane ere ba sama'ele'ö andrö ba zatua no mege ba ba zato: Huku famunu huku niha da'ö, me no ifa'ele'ö wa'atekiko mbanua da'e, nirongomi tögi dalingami!
III. Ibu'a Yeremia, föna zalaŵa, ba latolo ia[edit | edit source]
12 Ba humede Yeremia ba zatua fefu ba ba zato, imane: Yehowa zamatenge ya'o, ba wama'ele'ö taroma li andrö fefu ba gosali andre ba ba mbanua andre, nirongomi andrö. 13 Ba iya'e, ba mitörö lala si sökhi ba mihaogö mbua-buami ba mifondrondrongo niŵa'ö Lowalangimi, Yehowa, ena'ö mangesa dödö Yehowa ba wamakiko andrö, nidaö'ö-daö'önia khömi.[5] 14 Ba ya'odo andre — ba hiza, no sodo ba dangami. Mifatörö khögu zatulö dödömi! 15 Ba böi zi lö aboto ba dödömi: na mibunu ndra'odo, ba do zi lö horö mihare'ö khömi ba ba mbanua da'e, fabaya ösinia; noa sa si ndruhu, Yehowa zamatenge ya'odo ba khömi, ba wamarongogö khömi taromali andrö fefu! 16 Ba lamane satua andrö ba sato ba gere ba ba zama'ele'ö andrö: Tenga nibunu niha da'e, noa sa ba döi Lowalangida Yehowa humede ia khöda! 17 Ba maoso ösa zatua mbanua andrö, ba lamane ba niha sato fefu, si no owulo ba da'ö: 18 Maoso sama'ele'ö Mikha andrö, banua Moreseti, me luo razo mado Yuda Hisikia, ba imane ba zato mado Yuda: 'Da'ö niŵa'ö Yehowa ngahönö andrö: Nifaku nowi dania Ziona, ba adudula Yeruzalema, ba satua eu hili gosali andrö!'[6] 19 Ba hadia, no labunu ia Hisikia razo mado Yuda ba sato mado Yuda? Hadia, tenga no i'ata'ufi Yehowa Hisikia ba tenga no mangalulu ia khönia, irege mangesa dödö Yehowa, ba wamakiko andrö, nidaö'ö-daö'önia khöra? ba ya'ita ba hadia, ta'arö wamakiko sebua, famunuda? 20 Ba so göi na danö bö'ö, sama'ele'ö ba döi Yehowa, Uria döi, ono Zemaya, banua Giriati Yeari; ifa'ele'ö zi göna dania mbanua da'e ba tanö da'e, ha sara wehedera Yeremia. 21 Ba me larongo niŵa'önia Yoyaki andrö, razo ba sabölö andrö khönia ba kumandru sebua khönia, fefu, ba i'alui razo wamabunu'ö ya'ia. Ba me terongo khö Guria, ba ata'u ia, ilau moloi, isaŵa danö Miserayi. 22 Ba ifatenge niha ba danö Miserayi Yoyaki, razo, Eli-Natano andrö, ono Nakhiboro ba awönia, 23 ba lahalö Guria, moroi ba danö Miserayi ba la'ohe khö razo Yoyaki; ba ifabunu'ö si'öli ba ifatibo'ögö ba lewatö nono mbanua mbotonia. 24 Ba iba'agö ia khö Yeremia Ahika andrö, ono Zafano, fa böi labe'e ba danga zato, ba wamunu ya'ia.[7]
Famotokhi ba gahe[edit | edit source]
Fabaliŵa lala[edit source]
Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö