Wb/nia/Yeremia/30
Fama'ele'ö fangawuli moroi ba Mbabeli
I. Na no aefa wamakao sebua, ba itolo mbanuania Lowalangi, i'asogö khöra razo, ma'uwu Dawido[edit | edit source]
1 Taroma li, niŵa'ö Yehowa khö Yeremia; imane: 2 Da'ö niŵa'ö Yehowa, Lowalangi Ndraono Gizeraeli: Tanö khöu ba zura fefu daroma li andrö, niŵa'ögu khöu.[1] 3 Hiza sa, irugi baŵa dania, — iŵa'ö Yehowa, ba ufaigi wangefa ba mbanuagu Iraono Gizeraeli, awö mado Yuda, iŵa'ö Yehowa, ba u'ohe mangawuli ira ba danö andrö, nibe'egu khö ndra tuara, ena'ö la'okhögö. 4 Ba da'ö daroma li andrö, niŵa'ö Yehowa ba khö Ndraono Gizeraeli ba ba mado Yuda: 5 Imane sa'ae Yehowa: Fe'ao sata'u ita tarongo; fanizi-nizi, ba lö fangorifi. 6 Mizofu-zofu ba mifaigi, na madono maö ndra matua! Ba hana wa u'ila lagogohe zolara dozi ira matua, hulö zadono? ba hana wa fatutu afusi mbawa![2] 7 Alai ita! baŵa sebua sa'ae mbaŵa da'ö, si lö famaedo, ba baŵa wa'atosasa ba ma'uwu Yakobo, ba — ni'efa'ö dania ira ba da'ö![3] 8 Na baŵa da'ö sa — iŵa'ö Yehowa ngahönö — ba urasa galo mbagi andrö khöra, ba mbagimi, ba u'etu'ö wesu khömi, ba lö tola sa'ae la'osawuyu ira [ma'uwu Yakobo andrö] niha bö'ö. 9 Enoni Lowalangira Yehowa sa'ae ira ba enoni razora andrö. Dawido, ni'asogögu khora.[4] 10 Ba ya'ugö enonigu ma'uwu Yakobo, ba böi ata'u'ö — iŵa'ö Yehowa — ba böi tokea'ö, ya'ugö Iraono Gizeraeli, u'efa'ö sa'ae ndra'ugö ba danö saröu ba u'efa'ö ma'uwumö ba danö andrö, ba ni'oloi'ö ya'ira, ena'ö mangawuli ma'uwu Yakobo, ena'ö ahono ira ba danö, ena'ö lö hadia ia ba lö ikeani ira niha.[5] 11 Lö'ö sa aefado khöu — iŵa'ö Yehowa — ba wangorifi ya'ugö. Uhori sa'ae fefu soi niha, ba nifazaewegu ya'ami, ba ya'ami, ba lö uhori; u'otu'ö ami ndrohu-ndrohu, lö tola lö'ö manö fotu.[6]
II. Döhö dania zesokho andrö khöra[edit | edit source]
12 Imane sa Yehowa: No abölö-bölö wökhöu andrö ba si lö dalu-dalu zokhou! 13 Lö samatunö huhuomö — ba zokhou sanana andrö, ba lö famadöhö, lö dalu-dalu nifalemba khöu! 14 Dozi somasi ya'ugö mege, ba no olifu ira ndra'ugö: lö'ö manö ba dödöra ya'ugö, me no ubago ndra'ugö nifamago emali, me no u'otu'ö ndra'ugö nilangotu'ö safaito, ba wa'oya golalöŵau andrö, ba ba wa'afahöna horöu. 15 Hana wa mangarö-ngarö ndra'ugö ba zesokho andrö khöu, me no abölö-bölö wa'afökhö khöu? Börö wa'oya golalöŵau andrö ba fa'afahöna horöu, wa ulau khöu da'ö![7] 16 Ba ni'a dania dozi si manga ya'ugö, ba dozi samakao ya'ugö, ba ni'oloi'ö dania, fefu, ba dozi sangosindra'ui si so khöu, ba ube'e ni'osindra'ui si so khöra dania, ba dozi sorabu gama-gamau, ba ube'e nirabu![8] 17 Ufatöfa sa dania khöu dalu-dalu nifalemba, ufadöhö zesokho andrö khöu — iŵa'ö Yehowa — me "Nitibo'ö" labe'e töimö — "Siona si lö ba dödö niha"[9]
III. Te'azökhi mbanua ba osali[edit | edit source]
18 Imane Yehowa: Hiza, ufaigi wangazökhi ma'uwu Yakobo ba uhakhösi tödö nomora; ifuli tetaru'ö mbanua ba hilinia ba ifuli te'onahia gödo, si mane föna.[10] 19 Ba terongo moroi ba da'ö wangandrö saoha gölö, awö li za'iki, ba ato ira ube'e, böi awuwu wa'ato; ba ebua döira ube'e, böi itohugö, wa lö ba dödö niha bö'ö ira.[11] 20 Ba iraononia (iraono Yakobo) ba si mane föna, ba banuara, ba si lö tebulö fönagu, ba dozi samakao ya'ira, ba u'otu'ö. 21 Ba samatörö ya'ira, ba oi ya'ira, ba salaŵara, ba banuara. Ba utehe khönia we'amöi khögu, ena'ö i'ondrasi ndra'o — ha niha na sa zi lö ata'u mate ba wangondrasi ya'odo? — iŵa'ö Yehowa.[12] 22 Ba tobali banuagu ami, ba Lowalangimi ndra'odo![13] 23 Tesao sa'ae nangi sabölö khö Yehowa fönunia, angi sabe'e sibai; itörö högö zebua horö andrö:[14] 24 Lö alö wönu Yehowa andrö, irege no itörö nihonogöinia ibe'e, irege no ifalua — moroi furi dania aboto ba dödömi!
Famotokhi ba gahe[edit | edit source]
Fabaliŵa lala[edit source]
Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö