Wb/nia/Yeremia/12

I. Fangarö-ngarö Yeremia, me no sohahau tödö niha si lö sökhi

1 Satulö ndra'ugö Yehowa na fasoso ndra'o khöu ena'ö; ba da'usekhegö zui ndra'ugö, hadia wa mofozu wolau zebua horö ba hana wa lö hadia ia ba zi falimo andrö fefu? 2 Ötanö ira ba moŵa'a, manöi ba mowua göi: na ba mbewera, ba ahatö ndra'ugö, ba na ba dödöra ba aröu'ö! 3 Ba ya'ugö Yehowa ba no aboto ba dödöu ndra'odo, ö'ila ndra'o ba ötandraigö dödögu khöu: döni da'iora, si mane biri-biri ba wanaba ba amoni'ö ira, ba mbaŵa wamunu! 4 Ha wa'ara na abu dödö danö ba ha wa'ara na aleu zinanö ba mbolo nowi? Ba walösökhi niha ba danö ahori gurifö niha, fabaya fofo ba dalu mbanua. — Me laŵa'ö: Lö dania i'ila wozuda!

II. Fanema Lowalangi linia: Göna huku niha si no faröi andrö

5 Na erege dödöu sa'ae labe'e sanörö tanö, na fao ndra'ugö khöra wagohisa, ba he öwisa wogamö ahe kudo? — ba na ha ba danö si lö hadia ia abe'e dödöu, ba he öwisa ba gatua ba mbewe Yoridano? 6 Talifusöu na'i ba moroi yomo khömi, ba si falimo khöu; ya'ira göi zangebua li we'ao moroi furiu; böi fati lira, na lahaogö wehedera khöu. 7 No uröi nomogu ba no u'erogö dana khögu; fondrege zomasido, ba no ululu ba danga zi fa'udu khönia. 8 Si so khögu andrö, ba no tobali hulö zingo barö gatua khögu; mundröndröndröndrö ia khögu: andrö anuzu dödögu ia. 9 Hadia, no aamaedola wofo sola'ala'a khögu zi so khögu andrö, wa lafasui ia moyo? Milabu! Mi'owuloi gutu ndru'u fefu, mifa'amöi ira, ba wemanga [ya'ia]! 10 No ato gubalo, samufu kabu nagu andrö khögu, no lahundrahundra mbolo nowi khögu, no labali'ö tanö si mate nowi andrö, somasi dödögu. 11 No tanö si mate labe'e, abu dödö fönagu, no afufu, no tanö si mate danö ma'asagöro, me lö si so ba dödö ya'ia. 12 Fefu hili andrö, si lö eu'eu ba danö si mate, ba no itörö samufu; so sa wöda khö Yehowa, si manga-manga hadia ia, i'otarai mbalö danö si föfö, numalö ba zi föfö, ba lö ösi guli danö si lö göna. 13 No lataru wakhe, ba sa'a-sa'a mao ba wamasi; no erege dödöra, ba lö fozu, ba saila sa'ae ami, ba lua-lua andrö khömi, ibe'e fönu Yehowa, saukhu andrö.

III. Ba he soi bö'ö, si faola tanö khöra. Ba ihakhösi tödö zamalalini era-era Lowalangi

14 Imane Yehowa, ba khö zi faola tanö andrö khögu, si lö sökhi, sombambaya tana khö andrö, nibe'egu ba mbanuagu Iraono Gizeraeli: Hiza, uhori ira ba danöra, ba ma'uwu Yuda andrö göi, ba hunöra. 15 Ba na no aefa uhori ira, ba ufuli uhakhösi tödö, ba u'ohe mangawuli ira, ufuli ufataro ba dana khönia ba ba danö khönia zamösana. 16 Ba tobali, na lafamaha dania ira ba huku mbanuagu andrö, ba wahölusa ba döigu, na lamane [göi]: Ba wa'auri Yehowa! Si mane famamahara banuagu, ba wahölusa ba Mba'ali andrö, ba te'a'azökhi ira, bakha ba hunö mbanuagu. 17 Ba na lö lafondrondrongo, ba udeha niha si manö ba ufaulugö wangohori — iŵa'ö Yehowa.

Famotokhi ba gahe

Fabaliŵa lala

Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö