Wb/nia/Yeremia/24
I. Angilata: Marafala si sökhi ba marafala si lö sökhi
[edit | edit source]1 Ifamaigi ndra'o Yehowa, ba hiza dombua daga marafala föna gosali Yehowa (me no i'oloi'ö Nebukanesa razo Mbabeli razo mado Yuda andrö, Yoyakhi, ono Yoyaki, awö zatua mado Yuda awö duka, awö ziambu, banua Yeruzalema, me no i'ohe ba Mbabeli)[1] 2 Ba ndraga si sambua, ba marafala si sökhi sibai, timba marafala sahulö; ba ba zi sambua, ba fondrege zi lö sökhi, si tebai ni'a, ba walösökhi. 3 Ba imane khögu Yehowa: Hadia ni'ilau, Yeremia? Ba umane: Marafala. Marafala si sökhi andrö, ba no sökhi sibai, ba si lö sökhi, ba fondrege zi lö sökhi, tebai ni'a, — balazi walösökhi.
II. Amaedola wangahakhösi tödö si no mu'oloi'ö andrö ba amaedola wamatörö huku ba zi tosai furi
[edit | edit source]4 Ba humede khögu Yehowa, imane: 5 Da'ö niŵa'ö Yehowa, Lowalangi Ndraono Gizeraeli: Si mane fa'asökhi marafala si sökhi andrö, si manö wamaigigu ni'oloi'ö andrö, mado Yuda, nifa'ohe'ögu ba danö Ndrawa Galedaia, nihetagu ba mbanua da'e: uhakhösi tödö ira. 6 U'ebua'ö dödögu, wamaigi ya'ira, ba u'ohe mangawuli ira ba danö da'e, ena'ö u'otomosi ba lö ufuli ududugö, ba ena'ö utanö ba lö ufuli udeha. 7 Ba ube'e khöra wa'oboto ba dödö, ena'ö aboto ba dödöra ndra'o, wa no Yehowa ndra'odo! Ba banuagu dania ira ba Lowalangira ndra'odo, na moroi si'aikö ba dödöra lafuli ira khögu.[2] 8 Ba si mane marafala si lö sökhi andrö si tebai ni'a, balazi walösökhi — iwa'ö Yehowa — si manö wolaugu khö Zedekia, razo mado Yuda andrö ba ba nawönia satua ba ba zi tosai banua Yeruzalema, he ba zi tosai ba danö andre ba he ba zi no möi fatewu ba danö Miserayi:[3] 9 Ba ube'e nifakao ira, dozi soi ba guli danö zamakiko; ube'e nihöwöhöwö ba ni'igi'igi'ö ba ni'o'aya ba ni'elifi, ba mbanua andrö fefu, ba nitibo'ögu ya'ira.[4] 10 Ba ufatörö khöra zi'öli ba lofo ba fökhö waba, irege no ahori ira ba danö andrö, nibe'egu khöra ba khö ndra tuara mege.[5]
Famotokhi ba gahe
[edit | edit source]Fabaliŵa lala
[edit source]Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö