Wb/nia/Yeremia/1
I. Famataro Yeremia sama'ele'ö[edit | edit source]
1 Huhuo Yeremia andrö, ono Hilikia, oi ya'ira gere andrö ba Ganatoti, ba danö mado Mbeniyami,[1] 2 ba zihede Yehowa, me luo Yosia andrö, ono Gamoni, razo mado Yuda, me no alua mewelendrua fakhe razo ia. [628 föna Keriso].[2] 3 Ba me luo Yoyaki andrö, ono Yosia razo mado Yuda, irege alua mewelezara fakhe Zedekia, ono Yosia andrö, razo mado Yuda, irege te'oloi'ö Yeruzalema, me baŵa si lima. [586 föna Keriso].[3] 4 So niŵa'ö Yehowa khögu, imane: 5 Lö niwöwöigu ya'ugö na, ba dalu ninau, ba noa sa'ae u'ila'ö; ba lö si tumbu'ö na, ba no u'amoni'ö ndra'ugö; no uhonogöi, sama'ele'ö ndra'ugö ba ngawalö soi niha.[4] 6 Ba umane: He Soa'aya Yehowa, lö'ö sa u'ila fahuhuo, me iraono na ndra'odo.[5] 7 Ba imane khögu Yehowa: Böi ŵa'ö: Iraono na ndra'odo; ha khö sa'ae fefu ufatenge'ö, ba möi'ö, ba fefu hadia ia, ni'oroi'ögu khöu, ba öŵa'ö. 8 Böi ata'ufi ira, utolo sa ndra'ugö, ba wangorifi ya'ugö, iŵa'ö Yehowa.[6] 9 Ba i'oro'ö dangania Yehowa, itufa mbawagu. Ba imane khögu Yehowa: Hiza, ube'e ba mbeweu daroma ligu.[7] 10 Hiza, ufataro ndra'ugö ma'ökhö andre, utehe khöu soi andrö ba öri andrö, ba wangohori ba ba wamufu ba ba wamakiko ba ba wanudugö, ba ba wangotomosi ba ba wananö![8]
II. Dua balö gangilata, fangotu'ö mado Yuda[edit | edit source]
11 Ba humede khögu Yehowa, imane: Hadia ni'ilau, Yeremia? Ba umane: Daha manalu (sahulö maoso) u'ila. 12 Ba imane khögu Yehowa: Si ndruhu, si lö mörö ndra'odo ba daroma ligu andrö, fa itörö ube'e. 13 Ba samuza tö humede khögu Yehowa, imane: Hadia ni'ilau? Ba umane: Bowoa so'otu ösi u'ila, ba moroi yöu i'otarai. 14 Ba imane khögu Yehowa: Moroi yöu dania falawu wamakao andrö, ihawui dania fefu niha ba danö.[9] 15 Ukaoni sa'ae dania fefu soi, öri miyöu andrö — iŵa'ö Yehowa — ena'ö möi ira, ena'ö ibe'e ba zinga mbawa göli Yeruzalema dadaomania zamösana, ba ba gero göli misa fefu, fasui, ba ba zinga mbanua mado Yuda fefu.[10] 16 Ba u'etu'ö hukura, ba zi lö sökhi andrö fefu, nilaura, me no la'erogö ndra'o, wamosumange Lowalangi bö'ö, ba me no mangalulu ira ba nifazökhi dangara. 17 Ba ya'ugö, ba amöbo talu, labu, ba ŵa'ö khöra fefu ni'oroi'ögu khöu! Böi tokea'ö khöra, ena'ö böi ya'odo zameta'u ya'ugö, fa ata'u'ö ira ube'e? 18 Ba ya'odo, ba hiza, ubali'ö banua saro ndra'ugö ma'ökhö, ba boha mbawa göli, si'öli, ba öli töla garamba, fametahö danö ma'afefu ba fametahö razo mado Yuda ba fametahö gumandrura sebua ba fametahö gere ba fametahö niha ba danö fefu.[11] 19 Ba na fasöndra ira khöu, ba tebai sa atö lalaŵa ndra'ugö, utolo ndra'ugö — iŵa'ö Yehowa —, ba wangorifi ya'ugö.
Famotokhi ba gahe[edit | edit source]
Fabaliŵa lala[edit source]
Olayama Yeremia: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48 • 49 • 50 • 51 • 52
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö