Wb/nia/Hezekieli/8
I. Angilata: sogoro ita andrö ba Yeruzalema[edit | edit source]
1 Ba ba ndröfi si önö, ba zi melima ba mbaŵa si önö, me dumadaodo ba nomogu, ba me dumadao fönagu zatua mado Yuda, ba ira'udo tanga Yehowa.[1] 2 Ba ufakhölödo, ba u'ila wamaedo, hulö niha wamaigigu; i'otarai löwi-löwinia mitou, ba alitö, ba miyaŵa, ba hulö haga, timba wa'atakile döla garamba si takile.[2] 3 Ba i'oro'ö zi hulö danga, ituyu mbugu ba ifazaŵado ba dalu mbanua Eheha ba i'ohedo ba Yeruzalema, ba gangilata khö Lowalangi, ba zinga mbawandruhö ibe'e ndra'o, bawandruhö tanö bakha, miyöu, ba zi so adu andrö, börö wa'olohu Yehowa. 4 Ba hiza, ba so ba da'ö lakhömi Lowalangi Ndraono Gizeraeli, si mane fangilagu ya'ia no, ba ndraso.[3] 5 Ba imane khögu: He ono niha, fakhölö'ö miyöu! Ba me ufakhölödo miyöu, ba hiza, ba so ba zinga mbawandruhö ba naha wame'e sumange, tanö yöu, nadu börö wa'olohu andrö. 6 Ba imane khögu: He ono niha, hadia, ö'ila nilaura ba da'ö? No sogoro ita sabölö-bölö nilau ma'uwu Gizeraeli ba da'e, tobali lö tola lö u'erogö ni'amoni'ö andrö khögu; ba so na dania ni'ilau sabölö ogoro ita, baero da'ö!
II. Mame'e adu zatua ba ira alawe ba ere, ba gosali[edit | edit source]
7 Ba i'ohedo ba zinga mbawa göli ba golayama. Ba me ufakhölödo, ba hiza zatöla göli kara. 8 Ba imane khögu: He ono niha, törö göli andrö! Ba me utörö göli, ba hiza mbawandruhö. 9 Ba imane khögu: Ae bakha ba faigi zogoro ita, sabölö-bölö andrö, nilaura ba da'ö! 10 Ba me möido bakha, ba me ufaigi, ba hiza ngawalö wamaedo guökuö sihokha mbuda, ba famaedo gurifö niha, ba adu ma'uwu Gizeraeli fefu nisua ba mbagolö, fasui. 11 Ba so niha, 70 satua ma'uwu Gizeraeli, ba Ya'asania, ono Zafano, ba hunöra bakha, solohe ya'ira, ba no dozi ira naha wanunu kumöyo ba danga, numalö miyaŵa hua zimbo gumöyö andrö. 12 Ba imane khögu: Hadia, no ö'ila, ya'ugö ono niha, hadia nilau zatua Ndraono Gizeraeli, ba zogömi-gömi, ba mbate'e nadu khönia ilau zamösana. Lamane sa dödöra: Lö i'ila ita Yehowa, no iheta ia ba danöda Yehowa.[4] 13 Ba imane na khögu: So na dania ni'ilau, baero da'ö, sogoro ita sabölö-bölö, nilaura! 14 Ba i'ohedo ba zinga mbawandruhö ba gosali Yehowa, tanö yöu, ba hiza ndra alawe sidadao ba da'ö, sange'esi Tamusi andrö. 15 Ba imane khögu: Hadia, no ö'ila, ya'ugö ono niha? So na dania ni'ilau sogoro ita, sabölö-bölö moroi ba da'ö. 16 Ba i'ohedo ba golayama gosali Yehowa, tanö bakha; ba mato 25 niha ba da'ö, ba zinga mbawandruhö ba gosali Yehowa, ba gotaluara gewe'ewe andrö naha wame'e sumange, sangerogö osali Yehowa ira ba si otahögö atumbukha luo ba sangalulu ba luo, ba gatumbukha.[5] 17 Ba imane khögu: Hadia, no ö'ila, ya'ugö ono niha? Hadia, ambö na ba ma'uwu Yuda wolau sogoro ita andrö, nilaura ba da'e, wa lanönöi [na göi] danö famakao awöra, awö wa lö aetu la'andrö wönugu? ba hiza, ba la'ago'ago duturu geu sauri. 18 Ba ya'odo göi, ba fönugu ufatörö khöra: lö ahakhö dödögu, wamaigi ya'ira ba lö alimagö ira khögu. Ba he ebua dania lira wangarö-ngarö khögu, ba lö ufondrondrongo.[6]
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö