Wb/nia/Hezekieli/45
Tohu-tohu:
I. Famaosa tanö ni'amoni'ö andrö. Benua mbanua ba benua razo
[edit | edit source]1 Na mifaosa danö, na milau dahö-dahö, ba wame'e tana khö, ba mifakhoi khö Yehowa ösa, ame'ela tanö ni'amoni'ö, 25.000 hela wa'anau ba 20.000 hela wa'ebolo; ni'amoni'ö da'ö, ma'asagörö, fasui. 2 Ba ba nisu'a andrö ba ösu'a na, ba 25.000 hela wa'anau ba 10.000 hela wa'ebolo, naha ni'amoni'ö, ni'amoni'ö sibai andrö. 3 Ame'ela tanö ni'amoni'ö da'ö; tana ba gere, sangai-ngai halöŵö ba ni'amoni'ö andrö, si tola mangahatö'ö ya'ira, ngonigoni Yehowa, naha nomora. Ba si no tonia ni'amoni'ö andrö. 4 Naha ni'amoni'ö andrö ba da'ö, ba si 500 hela sagi, fasui, si öfa sagi, ba 50 hela golayamania, fasui. 5 Ba 25.000 hela wa'anau ba 10.000 wa'ebolo, ba nibe'e tanö Nono Lewi andrö, sangai-ngai halöŵö ba gosali, dua wulu banua naha nomo. 6 Ba mihonogöi ba mbanua andrö, ba 5.000 hela wa'ebolo ba 25.000 wa'anau, dali nifakhoi no mege, ni'amoni'ö. Ba ba ma'uwu Gizeraeli fefu da'ö. 7 Ba khö razo, ba faoma fatambai ni'amoni'ö andrö, irugi faoma fatambai mbenua andrö, he tanö ba gaekhula luo, ba he tanö ba gatumbukha. Si fanaunau ba nifakhoi ba zi sambu-sambua mado, i'otarai nola danö tanö ba gaekhula luo, numalö ba nola tanö ba gatumbukha.[1] 8 Da'ö mbenuania ba Ndraono Gizeraeli, ena'ö böi sa'ae lafakao mbanuagu razo andrö khögu, ena'ö latehe a'ine ba ma'uwu Gizeraeli — dali madora — danö [si tosai].
II. Amakhoita ba wegero andrö khö razo
[edit | edit source]9 Da'ö niŵa'ö Zo'aya, Yehowa: Mibato sa'ae, ya'ami razo Ndraono Gizeraeli: Famakao ba famalangögö, ba miböhöli, ba milau zadölö ba satulö. Mibato wamakao banuagu andrö! i'wa'ö So'aya, Yehowa. 10 Saga satulö ba tumba satulö ba lauru satulö mifake.[2] 11 Tumba ba lauru, ba ni'osara'ö; felelima lauru zi sa so'e labe'e ba ŵalu hinaoya zi samba lauru. Ba zi sazo'e la'otarai wangerai. 12 Ba tölu ngafulu saga zi samba fondruyu; na lima saga, ba lima saga göi labe'e, ba na fulu saga, ba fulu saga, ba dua wulu rufia zi samba fondruyu.[3] 13 Da'ö gamaedola wegero, nibe'emi: Sadumba ba zi sazo'e gandru ba sadumba göi ba zi sazo'e ze'iri. 14 Ba nihonogöi ba wanikha, ba samba hinaoya ba zi sazo'e, ba zi felelima lauru, si sazo'e. 15 Ba sara-sara nono mbiri-biri ba zi 200 biri-biri, amaedola fegero, nibe'e mado Ndraono Gizeraeli fefu, nibe'e sumange ni'a ba sumange nitunu ba sumange fangorifi, ba wameta salara, iŵa'ö So'aya, Yehowa. 16 Niha sato fefu nifo'ömö si hulö wegero andrö khö razo Ndraono Gizeraeli. 17 Ba ömö razo zumange nitunu ba sumange ni'a ba sumange nibadu ba gowasa ba ba wasulöna ba ba zabato, ba gowuloa ma'uwu Gizeraeli fefu. Ya'ia zame'e sumange fameta horö ba sumange ni'a ba sumange nitunu ba sumange fangorifi, ba wameta sala ma'uwu Gizeraeli.
III. Amakhoita ba gowasa fasa ba ba gowasa nose daha geu
[edit | edit source]18 Da'ö niŵa'ö Zo'aya, Yehowa: Ba zi sambua desa'a ba mbawa si föföna, ba öhalö nono zaŵi, si matua, si lö sala, ba wameta sala ba ni'amoni'ö andrö. 19 Ba ihalö ndro zumange fameta horö andrö ösa ere, ba igule'ö ba gehomo gosali ba ba watalinga lesi naha wame'e sumange andrö, si öfa, ba ba mboha mbawa göli ba golayama bakha. 20 Ba si manö göi ölau ba zi sambua desa'a ba mbaŵa si fitu, börö zi no mosala, selungu, ba ma sambö fa'aboto ba dödö, ba miheta zala ba gosali ba zi manö. 21 Ba ba zi meweleöfa, ba mbaŵa si föföna, ba milau gowasa fasa andrö; fitu bongi wa'ara la'a roti si lö mu'aisöni.[4] 22 Ba razo, ba ibe'e nono zaŵi sumange fameta horö, na luo da'ö, khönia ba ba niha sato ba danö fefu. 23 Ba si fitu ngaluo gowasa andrö, ba fadoro fitu rozi ma'ökhö ibe'e ono zaŵi sumange nitunu khö Yehowa ba fitu nga'eu göi mbiri-biri si matua si lö si sala, ba sageu ma'ökhö nambi si matua, sumange fameta horö. 24 Ba sumange ni'a, ba tölu lauru ibe'e, awö nono zaŵi andrö, ba tölu lauru göi awö mbiri-biri, ba fanikha, tölutölu hinaoya ba zi tölutölu lauru andrö. 25 Ba duli ba mbaŵa si fitu, ba gowasa, ba si manö göi ibe'e, fitu bongi wa'ara, he sumange fameta horö ba he sumange nitunu, ba he sumange ni'a ba fanikha.[5]
Famotokhi ba gahe
[edit | edit source]Fabaliŵa lala
[edit source]Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö