Wb/nia/Hezekieli/24

I. Famaedo wanudugö Yeruzalema: Bowoa, so'otu idanö

1 Ba ndröfi si siŵa, ba zi mewulu ba mbaŵa si fulu, ba humede khögu Yehowa, imane: 2 He ono niha, tanö ba zura döi mbaŵa da'e, töi mbaŵa da'e sibai, ma'ökhö! Ma'ökho andre ilau ba Yeruzalema razo Mbabeli. 3 Andrö wa ölau gamaedola ba niha sabe'e tandro andrö, ömane khöra: Da'ö niŵa'ö Zo'aya, Yehowa: Fedadao bawu mbowoa, fedadao ba lau göi nidanö bakha. 4 Be'e bakha ndriwo andrö, ösinia, hadia ia zi sökhi, osu ba ta'io, fo'ösi si so töla, ni tutuyu. 5 Biri-biri nitutuyu halö, ba fa'anö göi geu barönia; rino ndriwo andrö bakha: mo'otu sa'ae bakha zi so töla andrö. 6 Andrö wa imane So'aya, Yehowa: Alai ndra'o ndra'ugö, ya'ugö banua zange'e, bowoa andrö, si no molemba howu, ba si tebai aheta sa'ae howu andrö! no lazara-zara wangai ösi, ba lö mulau dahö-dahö. 7 Me no so na bakha ba mbanua ndro andrö niduwagöra. No ba dete gara si lö tanö lalau, tenga ba danö laduwagö, ena'ö ibadu tanö. 8 Ba wamatörö fönu khöra, ba ena'ö u'ila ulau mbalö, andrö wa ba dete gara si lö tanö tohare ndro andrö niduwagöra, ube'e, fa böi ibadu tanö. 9 Andrö wa imane So'aya, Yehowa: Alai ndra'o ndra'ugö, ya'ugö banua zange'enge'e! Hiza, u'ebua'ö mbaho geu andrö! 10 Mihöna geu, mi'ebua'ö galitö, mi'asosoi ndriwo andrö, yamo'otu nidanönia, ena'ö akhozi döla andrö. 11 Ba aefa da'ö, ba be'e bawu mbowoa, lö ösi, ena'ö aukhu ia ba ena'ö oyo dölania, fa adudu bakha zi ta'unönia ba ena'ö ahori howu. 12 Ba no zaya-zaya gölö ibe'e, ba lö aheta khönia howu sawe'e-we'e andrö, howu saböu andrö, 13 ba wa'ata'unömö, ba wohorö-horö andrö. Me no utandraigö wangehao ya'ugö ba me no tebai aheta zi ta'unö andrö khöu, ba alakha lö'ö sa'ae aheta, irege no ufadöhö wönugu, ba khömö andrö. 14 No ya'o, Yehowa, zanguma'ö; itörö dania ba ufalua: ma'ifu lö uwuwu, lö uhakhösi tödö ami, ba lö mangesa dödögu. Bua-buamö ba folaumö andrö labe'e dali wamatörö huku khöu, iŵa'ö So'aya, Yehowa.

II. Mate wo'omo Hezekieli ba lö tola i'e'esi

15 Ba so niŵa'ö Yehowa khögu, imane: 16 He ono niha, uheta khöu gomasiö höröu andrö, ba wökhö uheta khöu. Ba böi angarö-ngarö ba böi e'e; böi mowöi daŵa höröu. 17 Angarö-ngarö lö li, böi e'esi: anaembu ba amadagahe: böi balugö mbu mbawamö ba böi a kue ba wa'abu dödö! 18 Ba fahuhuo ndra'o ba niha, si hulö wongi; ba tanö owi, ba mate wo'omogu, ba mahemolu ö, si hulö wongi, ba u'o'ö niŵa'ö khögu. 19 Ba lamane khögu niha: Hadia, lö öbotokhi ba dödöma, hadia geluahania, wa ömanö? 20 Ba umane khöra: No muhede khögu Yehowa, 21 no imane: Ömane ba ma'uwu Gizeraeli: Da'ö niŵa'ö Zo'aya, Yehowa: Hiza, ube'e ba zalakha ni'amoni'ö andrö khögu, nibe'emi börö wayaŵasami, omasiö hörömi andrö, fa'omasi dödömi; ba onomi matua ba onomi alawe, niröimi, ba si mate ba mbawa zi'öli dania. 22 Ba ba da'ö dania mi'o'ö nilaugu andre: lö mibalugö mbu mbawami ba lö mi'a kue ba wa'abu dödö. 23 Lö mibulö'ö zaembu ba högömi, ba he badagahe ba gahemi, lö mangarö-ngarö ami ba lö sege-ege, sariri manö ami, ba horömi andrö, ba faoma khö naŵomi mangarö-ngarö ami. 24 Ba tobali amaedola khömi Hezekieli andre; mi'o'ö sibai dania nilaunia andre, na itörö dania, ena'ö aboto ba dödömi, wa no ya'odo Yehowa. 25 Ba ya'ugö, ono niha, ba hiza, na luo uheta khöra nidöna-dönara andrö, omasiöra andrö si sökhi sibai, awö zomasi dödöra, onora matua ba onora alawe, 26 na luo da'ö, ba so zoloi, si möi khöu, ba wanuriagö ya'ia. 27 Na luo da'ö, ba teboka mbawau, endronga ami soloi andrö, ba humede ndra'ugö, tenga sa'ae si lö hede ndra'ugö, ba amaedola ndra'ugö khöra, ena'ö aboto ba dödöra, wa no ya'odo Yehowa.

Famotokhi ba gahe

Fabaliŵa lala

Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö