Jump to content

Wb/nia/Hezekieli/7

From Wikimedia Incubator
< Wb‎ | nia‎ | Hezekieli
Wb > nia > Hezekieli > 7

I. Amozua Ndraono Gizeraeli

[edit | edit source]

1 Ba so niŵa'ö Yehowa khögu, imane: 2 Ba ya'ugö ono niha, ba ömane: Da'ö niŵa'ö Zo'aya, Yehowa, ba danö Ndraono Gizeraeli andrö: So moroi sa gamozua; ba mbalö danö ma'a'öfa, ba amozua sa'ae. 3 Itörö'ö sa'ae amozua ba ufatörö khöu wönugu ba uhuku ndra'ugö, dali mbua-buau andrö, ba u'otu'ö ndra'ugö ba zogoro ita andrö khöu, fefu. 4 Ba lö ahakhö dödögu wamaigi ya'ugö, lö alimagö ndra'ugö khögu, ufatörö sa'ae khöu wotu ba mbua-buau andrö, ba bakha ba hunömi dania so zogoro ita andrö khömi; ba ya aboto ba dödömi, wa no ya'o Yehowa. 5 Da'ö niŵa'ö Zo'aya, Yehowa: Famakiko, hiza, so moroi sa wamakiko! 6 Amozua sa'ae so moroi sa gamozua, isaŵa ndra'ugö, hiza ia moroi sa! 7 Itörö'ö famakhö, ya'ugö niha ba danö; irugi inötö, no ahatö mbaŵa, baŵa wa'atobali dödö ba tenga baŵa wa'iki, ba hili.[1] 8 Ba lö ara tö, ba uhawui ndra'ugö fa'abao dödögu andrö ba u'oigö wönugu ba khöu andrö, ba uhuku ndra'ugö, dali mbua-buau andrö, ba ufatörö khöu wotu, ba zogoro ita andrö khöu, fefu. 9 Ba lö ahakhö dödögu wamaigi ya'ugö, ba lö alimagö ndra'ugö khögu. Ufatörö khöu nifatörö, dali mbua-buau andrö, ba ba hunömi dania so zogoro ita andrö khömi; ba ya aboto ba dödömi, wa no ya'o, Yehowa, zamago ya'ami. 10 Hiza mbaŵa andrö; hiza ia! alua dakula, mobowo zi'o, mobulu hokha andrö![2] 11 Maoso wamakao andrö, fotu ba zi lö atulö; ma'ifu lö ya'ira sa'ae, lö si tosai sato andrö, lö si tosai si no fahöna, ba lö sange'esi ya'ira. 12 Irugi baŵa, no ahatö luo andrö: böi omuso dödö zowöli ba böi abu dödö zaniaga; tesao sa'ae wönu ba zi no ato andrö. 13 Lö'ö sa ifuli möi ba danga zamawa ni'amawa andrö, he ŵa'ae lö mate ia na; lö mamöhöi wönu andrö, ba zi no ato andrö fefu. Ba dozi ira, ba lö falukha wa'abe'e, börö horöra andrö.

II. Lö fulitö sa'ae

[edit | edit source]

14 Milau dorofe, mifa'anö fefu hadia ia, ba samösa lö salua möi ba wasuwöta, me no tesao wönugu ba zato andrö fefu. 15 Baero, ba si'öli, ba yomo ba mbanua, ba fökhö waba, ba lofo. Si so baero ba mbenua, ba si mate ba mbawa zi'öli, ba si so yomo ba mbanua, ba ni'a lofo ba fökhö waba. 16 Ba na so zoloi ösa, ya'ira andrö, ba timba mburu'u ba mbawa danö dania ira, sangarö-ngarö fefu — ba horönia mangarö-ngarö zamösana. 17 Adada danga fefu ba sangulu mbalöduhi.[3] 18 Ba sonukha nukha ba wa'abu dödö ira ba si tehawu fa'ata'u; fa'aila ba mbawara fefu, ba dozi högö, ba si batule.[4] 19 Firöra, ba latibo'ö tou ba newali, ba ana'ara, ba sasao laŵa'ö. Tenga sa sangorifi ya'ira wiröra ba ana'ara, na baŵa wönu Yehowa andrö; no tenga fangabuso ba wa'atebakhara andrö, ba tenga ösi dalura noa sa tobali tandraŵa horö ia khöra.[5] 20 Ba no labe'e börö wayaŵasa gana'ara lakhömira andrö, ba no labali'ö adura andrö, sogoro ita, sihokha mbuda andrö khöra; andrö wa ubali'ö sasao ia khöra. 21 Ba ululu nirabu niha bö'ö ia, ahulua wondrege zebua horö ba guli danö, ena'ö lafatörö ba zalakha. 22 Ba u'erogö ira, ba ndramufatörö ba zalakha girö-girögu andrö, hana na möi zorabu ba hana na lalau zalakha khönia. 23 Fazökhi rate; me no anönö danö fange'e ba me no anönö mbanua horö.

III. Fondrege zafaitö niha baero zamakiko ya'ira

[edit | edit source]

24 Ba ufatörö sa'ae wondrege zafaito niha baero, hana na da'ö zangokhögö omora, ba u'ezosi sa'ae wayaŵasa zabölö andrö, ba akha telau zalakha ba ni'amoni'ö andrö khöra. 25 So wa'ata'u, ba la'alui wangorifi, ba lö falukha: 26 Si fatete manö wamakao ba si lö aetu duria [sata'u ita]; ba lazofu-zofu gangilata khö zama'ele'ö, ba ba gere, ba taya lala, ba ba zatua, ba taya wamolala tödö.[6] 27 Sabu tödö razo, ba salaŵa, ba i'onukha wa'atobali dödö, ba sadada danga niha ba danö, lö döladöla. Bua-buara ube'e dali wolau khöra, ba huku ba khöra ube'e dali wanguhuku ya'ira, ba ya aboto ba dödöra, wa no ya'o Yehowa.

Famotokhi ba gahe

[edit | edit source]
  1. Yes 16:10
  2. Yes 10:5
  3. SamII 4:1; Yes 13:7
  4. Yes 15:3; Yer 48:37
  5. Amaed 11:4; TimI 6:9,10
  6. Mal 2:7

Fabaliŵa lala

[edit source]

Olayama Hezekieli: 123456789101112131415161718192021222324252627282930313233343536373839404142434445464748

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö