Wb/nia/Hezekieli/13
I. Fama'ele'ö nitandrösaigö ba zama'ele'ö sofaya andrö[edit | edit source]
1 Ba so niŵa'ö Yehowa khögu, imane: 2 He ono niha, ama'ele'ö, nitandrösaigö ba zama'ele'ö andrö ba Ndraono Gizeraeli, ömane ba zama'ele'ö nikhoi dödöra andrö: Mifondrondrongo li Yehowa![1] 3 Da'ö niŵa'ö Zo'aya, Yehowa: Alai zama'ele'ö andrö, si lö tödö, solo'ö manö nikhoi dödöra, si no tenga ni'ila höröra. 4 No timba nasu gatua ba gadudula mbanua zama'ele'ö andrö khömi, ya'ami Iraono Gizeraeli.[2] 5 Lö si möi ami miyaŵa ba zatöla göli, ba lö nikölinimi ma'uwu Gizeraeli, ba wangabe'e'ö ya'ami ba wasuwöta na baŵa Yehowa.[3] 6 Si lö boto mege la'ila ba faetasa faya, ya'ira andrö, si'ao mege: "Niŵa'ö Yehowa", ba lö nifatenge Yehowa ya'ira ba no sombalo-mbaloi, ena'ö itörö niŵa'ö andrö. 7 Hadia, tenga angilata si lö boto ni'i'ilami ba tenga faetasa faya wehedemi, ba no mimane: "Niŵa'ö Yehowa", ba lö sihede ndra'odo. 8 Andrö wa imane So'aya, Yehowa: Me no si lö boto wehedemi ba me no faya ni'ila hörömi, ba ulau sa'ae khömi! — iŵa'ö So'aya Yehowa. 9 Ilau ba zama'ele'ö andrö tangagu, ba zama'ele'ö si no mangi'ila si lö boto, ba si no mama'ele'ö faya; tebai monaha ira ba mbanuagu andrö, ba ba zura nga'ötö ma'uwu Gizeraeli, ba lö latanö döira, ba lö tola larugi danö Ndraono Gizeraeli; ba ya aboto sa'ae ba dödömi, wa no So'aya, Yehowa, ndra'odo. 10 Börö me no lafaelungu mbanuagu wanguma'ö: "Fa'atulö", ba zi lö fa'atulö sa atö, ba na lalau göli kara banuagu, ba ya'ira zolau betua fangafusi.[4] 11 Ba ömane sa'ae ba zolau betua andrö: Ya adudu! Si ndruhu, ufatörö deu sabölö-bölö, fangahanigö ya'ia; aekhu ba danö deu kara ba ilau angi sabölö-bölö. 12 Ba adudu sa'ae göli kara andrö. Hadia, lö lasofu dania khömi: Heza so mbetua andrö, nilaumi? 13 Andrö wa imane So'aya, Yehowa: Ya'ia, ilau angi sabölö-bölö ube'e, ba wa'abao dödögu andrö ba teu sabölö-bölö fangahanigö, lua-lua wönugu ba teu kara, bakhu-bakhu dödögu, ba wangohori. 14 Ba ududugö sa'ae göli andrö, nilaumi betua, ulau tou ba danö, ena'ö oroma dayadayania; sadudu ia ba ya'ami, ba si tekiko ba da'ö, ba ya aboto ba dödömi, wa no ya'odo Yehowa![5] 15 Ba u'oigö wa'abao dödögu ba göli kara andrö, ba ba zolau betua khönia, ba imane dania khömi: Lö'ö sa'ae öli kara andrö ba lö'ö sa'ae solau betua, 16 sama'ele'ö andrö ba Ndraono Gizeraeli, sama'ele'ö nitandrösaigö ba Yeruzalema ba sangi'ila angilata fangorifi khöra, me lö'ö sa atö fangorifi! iŵa'ö So'aya Yehowa.
II. Fama'ele'ö nitandrösaigö ba zama'ele'ö ira alawe[edit | edit source]
17 Ba ya'ugö ono niha, otahögö nono mbanuami alawe, sama'ele'ö nikhoi dödöra, ba ama'ele'ö nifaudugö khöra, ömane: 18 Da'ö niŵa'ö Zo'aya, Yehowa: Alai ndra alawe andrö, sanagu luniluni mbulökha fefu ba samazökhi balu-balu högö, sondrozigö niha, he iraono ba he zatua, ba wogaigö niha. Hadia, edöna mifa'u'u ösa khömi? 19 Ba no mibe'e ba zalakha ndra'o, ba mbanuagu, ha mato matonga kata fakhe mböli gölömi ba mato dua mbawa kue, ba wamunu niha, salakha lö mate ena'ö, ba ba wangorifi niha, si lö tola auri ena'ö, me milau waya ba mbanuagu, si no samondromondrongo faya.[6] 20 Andrö wa imane So'aya, Yehowa: Hiza, ulau ba luniluni andrö khömi fondra'umi niha, timba wondra'u wofo, ba usöbi ba dangami, ba u'efa'ö niha andrö nira'umi, nifamoloi fofo. 21 Ba ure'a mbalu-balu andrö khömi, ba u'efa'ö ba dangami mbanuagu andrö, fa böi sa'ae ahulua ira ba dangami, ba ya aboto ba dödömi, wa no ya'odo Yehowa. 22 Me no mibusi dödö niha satulö tödö, falimosa, me lö omasi ndra'o lafakao ira, ba me no mi'abe'e'ö danga zi no mangerogö Lowalangi, ena'ö lö iböhöli mbua-buania si lö sökhi andrö, fa lö mate ia. 23 Ba böi sa'ae mi'ila zi lö boto ba böi sa'ae milau waetasa, u'efa'ö sa'ae ba dangami mbanuagu andrö, ba ya aboto ba dödömi, wa no ya'o Yehowa.
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö