Wb/nia/Hezekieli/42
Tohu-tohu:
I. Bate'e nahia gere ba ngai golayama, baero
[edit | edit source]1 Ba i'ohedo baero ba golayama baero, tanö miyöu. Ifasaodo ba mbate'e andrö, ba gamaudu ni'oniagö andrö ba ba gamaudu nomo no mege, 2 tanö miyöu; ba mbawa duasania, otu hela wa'anaunia, tanö miyöu; ba fabolo, ba lima wulu hela.[1] 3 Ba ba gamaudu zi dua wulu hela andrö, ba golayama tanö bakha, ba föna mbale andrö, ba golayama baero, ba no fatahö harehare, tölu nga'ötö.[2] 4 Ba föna mbate'e andrö, ba so lala, fulu hela wa'ebolo, tanö ba golayama bakha, otu hela wa'anau, ba tanö miyöu mbawandruhö. 5 Ba bate'e tanö yaŵa, ba no oböda, noa sa naha harehare da'ö, moroi tanö tou ba ba dalu. 6 Noa sa tölu nga'ötö, ba lö ehomo, si mane ehomo ba golayama andrö; andrö wa no aböda [tanö yaŵa], ebolo tanö tou ba ba dalu, moroi tou ba danö. 7 Ba öli kara andrö, ba dali mbate'e andrö, tanö ba golayama baero, föna mbate'e andrö, ba no lima wulu hela wa'anau. 8 Me no lima wulu hela göi wa'anau mbate'e andrö, tanö ba golayama baero; ba hiza ba gamaudu gosali, ba otu hela. 9 Ba tou mbate'e andrö sa lala mibakha, tanö ba gatumbukha luo, ba ta'otarai golayama baero, we'amöi bakha, 10 ba mbolo göli kara andrö, ba golayama. Ba tanö ba gatumbukha luo, föna ni'oniagö andrö ba föna nomo andrö, ba so [göi] mbate'e. 11 Ba föna da'ö, ba so lala, si mane bate'e andrö, wamaigida, bate'e tanö miyöu; fa'anau ba fa'ebolo, ba no si mane ba da'ö, ba bawandruhö fefu ba wamazökhi, ba no fagölö-gölö ba da'ö. 12 Ba no si mane bawandruhö mbate'e andrö, tanö miraya, sambua mbawandruhö ba mbawa lala, lala föna göli kara andrö, si ohia'ö ya'ia, tanö ba gatumbukha luo, na möi bakha. 13 Ba imane khögu: bate'e andrö tanö yöu ba bate'e tanö raya, föna ni'oniagö andrö, ba no bate'e ni'amoni'ö andrö, nahia gere si tola mangahatö'ö ya'ira khö Yehowa, ba wemanga wondrege ni'amoni'ö andrö. Ba da'ö labe'e wondrege ni'amoni'ö andrö ba he sumange ni'a ba sumange fameta horö ba sumange ogauta; me no ni'amoni'ö naha andrö.[3] 14 Ba na möi bakha gere — ba lö tola möi ira ba golayama baero, la'otarai ni'amoni'ö andrö — ba labe'e ba da'ö nukhara, nukhara ba halöŵöra andrö, me no ni'amoni'ö da'ö, ba la'onukha nukha bö'ö, ba awena lasaŵa nahia zato.
II. Fanu'a öli kara ba golayama baero
[edit | edit source]15 Ba me no awai isu'a nomo andrö tanö bakha, ba i'ohedo baero, masaŵa mbawa göli, si otahögö tanö ba gatumbukha luo, ba isu'a baero, ifasui. 16 Isu'a tanö ba gatumbukha luo, helo andrö: 500 helo, ba helo andrö, fasui. 17 Ba isu'a tanö yöu: 500 helo, ba helo andrö, 18 fasui; ba isu'a tanö raya: 500 helo, ba helo andrö. 19 Ba ifasui, isaŵa danö ba gaekhula luo, 500 helo, 20 ba helo andrö: saginia si öfa [fefu] isu'a. No tefasui öli kara: 500 wa'anau ba 500 wa'ebolo, ba wangoniagö ni'amoni'ö ba zi tenga ni'amoni'ö.
Famotokhi ba gahe
[edit | edit source]Fabaliŵa lala
[edit source]Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö