Wb/nia/Hezekieli/30
I. Irugi dania baŵa wanguhuku Dawa Miserayi, fabaya si fa'awö khöra[edit | edit source]
1 Ba so niŵa'ö Yehowa khögu, 2 imane: He ono niha, ama'ele'ö, ömane: Da'ö niŵa'ö Zo'aya, Yehowa: Mi'ege-ege, alai mbaŵa andrö! 3 Noa sa ahatö mbaŵa andrö; baŵa andrö khö Yehowa, ba no ahatö! Baŵa salu mbanua, inötö ba niha baero ia,[1] 4 Ba irugi Ndrawa Miserayi si'öli, ba humeu danö Khusi, na tegaölö tou nibunu ba Ndrawa Miserayi, ba na la'oloi'ö gana'ara ba na ladudugö mbanua. 5 Khusi ba Futi ba Ludi, fabaya niha si fakhöyö andrö fefu, ba Kubi ba Dawa Gereta, ba mate ba mbawa zi'öli, awöra.[2] 6 Da'ö niŵa'ö Yehowa: Aso'a dania tuwutuwu Miserayi andrö, ba awuwu tou lakhömira andrö, si no ebua; i'otarai Migidola, numalö ba Ziene, ba mate ira ba mbawa zi'öli iŵa'ö So'aya, Yehowa.[3] 7 Ba tanö si mate dania danöra, bakha ba dalu danö bö'ö, si no mubali'ö tanö si mate göi; ba banua khöra ba bakha ba hunö mbanua si no adudu so.[4] 8 Ba aboto dania ba dödöra, wa no ya'odo Yehowa, na ugule'ö galitö ba danö Miserayi, ba na te'ö'ötö tou fefu zi fa'awö khöra. 9 Ba na luo da'ö, ba so zinenge, sowaö-waö fönagu, ba nowo, ba wokeani Khusi andrö, si lö fa'abu dödö na, ba humeu dania danöra, ba mbaŵa Miserayi andrö; hiza sa, irugi dania!
II. Nebukanesa zamatörö huku[edit | edit source]
10 Da'ö niŵa'ö Zo'aya, Yehowa: U'etu'ö sa'ae gua-gua andrö ba danö Miserayi tanga Nebukanesa, razo Mbabeli. 11 Ya'ia ba banuania, awönia, ni'ohe moroi sa, soi safaito, ba wamufu tanö, ba lasöbi zi'ölira ba danö Miserayi ba anönö danö nibunu labe'e.[5] 12 Ba u'ogo'öisi nidanö, ba tanö, ba u'amawa ba niha si lö sökhi, ba ubali'ö tanö si mate danö ba ufufu nösinia tanga niha bö'ö. No ya'o Yehowa zanguma'ö![6] 13 Da'ö niŵa'ö Zo'aya, Yehowa: Ufufu nadu andrö ba uhori wamaedo andrö ba Nofi, awö zalaŵa ba danö Miserayi, fa lö ya'ira sa'ae dania; ba uhawui fa'ata'u Ndrawa Miserayi. 14 Ba ududugö Wataro ba ugule'ö galitö ba Zoana ba ufatörö huku ba No.[7] 15 Ba uhawui bakhu-bakhu dödögu Zini, banua saro andrö ba danö Miserayi, ba uhori zato andrö ba No. 16 Ugule'ö galitö ba danö Miserayi, ba sanizi-nizi ba sogikhi dania Zini; ba ba No, ba atu'a nemali, ba ba Nofi, ba emali ba zi ma'ökhö. 17 Ono matua ba Oni ba ono matua ba Wibese, ba si mate ba mbawa zi'öli, ba banua bö'ö, ba ni'oloi'ö.[8] 18 Ba Dakhifane, ba ogömi-gömi ba zi ma'ökhö, na ufatö ba da'ö zi'o zalaŵa ba Ndrawa Miserayi, ba na a'ozu ba da'ö lakhömira andrö, si no ebua. Banua andrö, ba ibalugö salu, ba halama soya khöra, ba ni'oloi'ö.[9] 19 Huku ufatörö ba Ndrawa Miserayi, ena'ö aboto ba dödöra, wa no ya'odo Yehowa.
III. Samomo dania razo Miserayi, ba sabölö razo Mbabeli[edit | edit source]
20 Ba ba ndröfi si felezara, ba zi mewitu ba mbaŵa si föföna, ba so niŵa'ö Yehowa khögu, imane: 21 He ono niha, ta'io Wara'o andrö, razo Miserayi, ba no ufatö, ba hiza, ba lö labe'e dalu-dalu; ena'ö ifuli abe'e, na labe'e dalu-dalu, na la'olohuni, ena'ö ifuli abe'e, ba wanuyu si'öli.[10] 22 Andrö wa imane So'aya, Yehowa: Hiza, ulau khö Wara'o andrö, razo Miserayi, ufatö da'ionia, he ta'ionia sabe'e na, ba he si no afatö andrö; ba utimba ba dangania zi'öli. 23 Ba ufazaewe ba niha baero Ndrawa Miserayi, ba danö zotanö misa ufazawili ira.[11] 24 Ba u'abe'e'ö danga razo Mbabeli, ba ube'e ba dangania zi'öli andrö khögu; ba ta'io Wara'o, ba ufatö, ena'ö mangarö-ngarö ia föna razo Mbabeli, timba wangarö-ngarö nihandro toho. 25 Ba tanga razo Mbabeli, ba u'abe'e'ö, ba sadada danga Wara'o, ba ya aboto ba dödöra, wa no ya'odo Yehowa, na ube'e ba danga razo Mbabeli zi'öli andrö khögu, ena'ö ilau ba Ndrawa Miserayi. 26 Ba ufazaewe ba niha baero Ndrawa Miserayi, ba danö zotanö misa ufazawili ira, ena'ö aboto ba dödöra, wa no ya'odo Yehowa.
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö