Wb/nia/Hezekieli/41
Tohu-tohu:[1]
I. Fondrege ni'amoni'ö ba bate'e ba ngai ba olayama gosali[edit | edit source]
1 Ba i'ohedo bakha ba nösi gosali ba isu'a gehomo: önö'önö hela wa'ebolo, faoma fatambai. 2 Ba fa'ebolo mbawandruhö, ba no fulu hela, ba bagölö kara andrö ba mbawandruhö, ba lima hela dambai. Ba isu'a wa'anau: öfa wulu hela, ba fa'ebolo: dua wulu hela. 3 Ba möi ia bakha ba isu'a gehomo ba mbawandruhö: dua hela, ba fa'ebolo mbawandruhö, önö hela, ba bagolö fatambai mbawandruhö: fitu hela dambai. 4 Ba isu'a wa'anau: dua wulu hela, ba fa'ebolo: dua wulu hela, föna gosali. Ba imane khögu: Da'ö wondrege ni'amoni'ö andrö![2] 5 Ba isu'a mbagolö gosali: önö hela, ba fa'ebolo zahesahe andrö: öfa hela si fasui osali. 6 Ba bate'e ba ngai, ba no te'oli, medölu wa tölu ngafulu, no monga'ötö, ba tehandro ba mbagolö, bagolö gosali tanö ba mbate'e andrö, fasui, ba wangabe'e, ba lö'ö sa mufakhai ba mbagolö. 7 Ba ebolo, tedou miyaŵa; tedou nösi ba nga'ötö miyaŵa, fasui, ba gosali, tobali ebolo nösi mbate'e andrö, tanö miyaŵa. Ba so lala, i'otarai zi sagötö tanö tou, numalö ba zi sagötö ba dalu ba ba zi sagöto tanö yaŵa.[3] 8 Ba u'ila mbosi ba gahe gosali, fasui: toyo mbate'e ba ngai andrö: sahelo; önö hela irugi nindrotoi andrö. 9 Ba fa'awe'e-we'e mbagolö kara andrö ba mbate'e andrö, tanö baero, ba no lima hela; ba otalua mbate'e ba ngai andrö, ba gosali. 10 Ba bate'e andrö, ba no mo'otalua, dua wulu hela, si fasui ba gosali.[4] 11 Ba bawandruhö ba mbate'e andrö, ba i'otahögö zi lö bate'e; sambua mbawandruhö miyöu ba sambua miraya, ba fa'ebolo zi lö bate'e, ba no lima hela, fasui. 12 Ba ösi nomo, föna newali ni'oniagö andrö, ba watalinga, tanö ba gaekhula luo, ba fitu ngafulu hela wa'anau, ba fa'ebolo mbagolö kara, ba nomo andrö, ba no lima hela, fasui, ba fa'anau, ba siŵa wulu hela. 13 Ba isu'a nomo andrö: otu hela wa'anau ba olayama ni'oniagö andrö ba omo andrö, awö mbagolö kara ba no otu hela wa'anau. 14 Ba fa'ebolo nomo, tanö föna, fabaya olayama ni'oniagö andrö, tanö ba gatumbukha luo, ba no otu hela göi. 15 Ba isu'a wa'anau nomo andrö, tanö ba golayama ni'oniagö andrö ba geronia, ba hareharenia fatambai: otu hela. Ba ba nösi gosali andrö, awö nifosagö andrö, ba golayama, 16 ba no eu nihaogö fokata zilötö ba sandrela nifotarali andrö, awö lesi, ba zi tölu nahia, föna zilötö andrö, fasui manö. I'otarai danö, irugi zandrela — ba sandrela, ba no muduhö, — 17 irugi yaŵa mbawandruhö ba irugi gosali tanö bakha, ba baero ba ba mbagolö fefu, fasui, bakha ba baero, ba so zu'a-su'a.
II. Fa'amoadu; naha wame'e sumange[edit | edit source]
18 Ba no mulau wamaedo Kerubi ba famaedo nohi, sagesageu nohi ba gotalua zi dombudombua Kerubi. Ba si dombudombua bawa Kerubi andrö: Si sambua, 19 ba bawa niha, si otahögö ohi ba zi tambai, ba si sambua, ba bawa zingo, si otahögö ohi ba zi tambai, ba nomo andrö ma'asambua, fasui. 20 I'otarai danö, irugi yaŵa mbawandruhö so wamaedo Kerubi andrö ba famaedo nohi; ba mbagölö. 21 Ba ehomo gosali, ba si öfa sagi. Ba föna ni'amoni'ö, ba so zi hulö naha wame'e sumange, wamaigida, naha wame'e sumange eu, 22 tölu hela wa'alaŵa; fa'anaunia, ba dua hela, ba fa'ebolonia, ba dua hela göi; ba no motalinga, ba ahenia, awö ngainia, ba eu. Ba imane khögu: Da'ö meza andrö, si so föna Yehowa.[5] 23 Ba dombua mbawandruhö ba nomo osali andrö ba ba ni'amoni'ö. 24 Ba duadua görö lagö mbawandruhö, lagö nifuyu'ö; dua görö ba zi sambua ba dua görö göi ba zi sambua.[6] 25 Ba ba mbawandruhö gosali andrö, ba no mulau wamaedo Kerubi ba famaedo nohi, si mane nilau ba mbagolö misa, ba so lesi eu, baero, 26 föna gewe'ewe andrö, ba sandrela nifotarali ba famaedo nohi, faoma fatambai ba mbagolö gewe'ewe.
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö