Wb/nia/Hezekieli/33

I. Nibe'e sanaro zama'ele'ö, ena'ö ifangelama zi no mangerogö Lowalangi

1 Ba so niŵa'ö Yehowa khögu, 2 imane: He ono niha, hede ba ndraono mbanuami, ömane khöra: Na ufatörö zi'öli ba danö, heza, ba na latuyu zamösa, ba khöra fefu, 3 nibe'e sanaro khöra, ba na i'ila, itörö danö si'öli, ba na ilau dorofe, na ifangelama niha, — 4 ba na lö ibe'e nifangelama ia samondrongo li dorofe andrö, ba na möi famununia, ba ya ba hulunia so ndronia! 5 No irongo li dorofe, ba lö nibe'enia nifangelama ya'ia: ya ba hulunia so ndronia! Ba sanaro no mege, ba no ifangelama ia, ba no i'orifi nosonia. 6 Ba na i'ila moroi sa zi'öli sanaro andrö, ba na lö ilau dorofe, na lö tefangelama zato, ba na itörö si'öli, na möi famunu niha ba khöra, ha niha ia; ba si mate ba lalönia da'ö, ba donia, ba ba danga zanaro andrö u'alui. 7 Ba ya'ugö ono niha, ba no ube'e sanaro ba ma'uwu Gizeraeli, ena'ö öfangelama ira, ena'ö öfa'ema niŵa'ögu, na no örongo daroma ligu. 8 Na uŵa'ö khö zi no mangerogö Lowalangi: "Si mate ndra'ugö, sebua horö!" ba na lö hede-hedeu, ba wamangelama si no mangerogö Lowalangi, ba mbua-buania andrö, ba si mate zebua horö andrö ba lalönia, ba donia, ba ba dangau u'alui. 9 Ba tenga ba khöu so, na no öfangelama zi no mangerogö Lowalangi, ba mbua-buania andrö, ena'ö ifalalini gera-erania, ba na lö iböhöli mbua-buania, ba si mate sa ia, börö lalönia andrö, ba ya'ugö, ba no ö'orifi nosou.

II. Somasi Lowalangi na ifalalini gera-erania si so horö ba na auri ia

10 Ba ya'ugö ono niha, ba ömane ba ma'uwu Gizeraeli: No mimane: Si ndruhu, no tohare khöma lalöma, awö horöma, ba moroi ba da'ö, wa ariri ndra'aga, ba heza masöndra fa lö mate ndra'aga? 11 Ömane khöra: Faya wa no sauri ndra'o, na omasido mate zebua horö; somasi ndra'o na iröi lalania andrö sebua horö, na ifalalini gera-erania, ba na auri ia. Mifalalini gera-erami, miröi lalami andrö, si lö sökhi! Hana sa wa edöna mate ami, ya'ami ma'uwu Gizeraeli? 12 Ba ya'ugö ono niha, ba ömane ba niwami: Ba zatulö tödö andrö, ba tenga fangorifi wa'atulö dödönia andrö, na luo molalö ia; ba ba zi so horö, ba tenga famunu horönia, na luo ifalalini gera-erania, na iböhöli horönia andrö; ba satulö tödö, ba lö auri ba da'ö, na luo molalö ia. 13 Na umane khö zatulö tödö: Lö zi lö auri ndra'ugö, ba na abe'e dödönia ba wa'atulö dödönia andrö, ba na ifazökhi zi lö sökhi, ba lö'ö sa'ae itörö tödö mbua-buania si sökhi andrö; ba zi lö sökhi andrö, nilaunia, mate ia. 14 Ba na umane khö zi so horö: Si mate ndra'ugö! ba na ifalalini gera-erania, na iböhöli horönia andrö ba na ilau zadölö ba satulö, 15 na ifuli gade ba na i'ali zinagö, ba na i'o'ö nifakhoigu, ba wangorifi, na lö'ö sa'ae ifazökhi zi lö sökhi, ba sauri ia, lö mate! 16 Horönia andrö fefu, nifazökhinia mege, ba lö'ö sa'ae tebe'e horönia: no sadölö ba satulö nilaunia, ba sauri ia. 17 Ba lamane na iwami: "Tenga satulö wolau Yehowa," ba no folaura zi lö atulö. 18 Na iböhöli wa'atulö dödönia satulö tödö ba na ifazökhi zi lö sökhi, ba si mate ia ba da'ö. 19 Ba na ifalalini gera-erania si so horö, na iböhöli horönia andrö, ba na ilau zadölö ba satulö, ba möi börö wangorifinia da'ö. 20 Ba no mimane: "Tenga satulö wolau Yehowa!" Bua-buami ube'e dali wanguhuku zamösana ba khömi, ya'ami ma'uwu Gizeraeli!

III. Ifuli tefatenge ba mbanuara zama'ele'ö ba wamasugi ba dödöra lalöra

21 Ba me no arakha mewelendrua fakhe aefa wangoloi'ö ya'aga, ba möi khögu zoloi ba Yeruzalema, solohe turia, imane: "No atu'a zanuwö ba mbanua!" 22 Ba sara wongi lö'ö na soloi andrö, ba no ira'u ndra'o tanga Yehowa, ba no ibokai mbawagu, föna we'amöi da'ö khögu, si hulö wongi, ba lö'ö sa'ae ubato wehede, tenga sa'ae si lö hede ndra'o. 23 Ba so niŵa'ö Yehowa khögu, 24 imane: He ono niha, lamane si so ba gadudula andrö ba danö Ndraono Gizeraeli: Ha samösa Gaberahamo, ba tebe'e zui okhötania danö andre, ba ya'aga, ba no ato, khöma tebe'e okhöta danö. 25 Andrö wa ömane khöra: Da'ö niŵa'ö Zo'aya, Yehowa: Ba hili manga-manga ami [ö nadu] ba ba nadu andrö khömi mifaöga hörömi, ba manuwagö do ami — ba midöna-döna möi okhötami danö? 26 Abe'e dödömi ba zi'ölimi, molau si lö sökhi ami, faoma mibe'e ta'unö ndronga nawömi — ba midöna-döna okhötami danö? 27 Ömane khöra: Da'ö niŵa'ö Zo'aya, Yehowa: Faya wa no sauri ndra'odo, na fayagu: si so ba gadudula andrö, ba si mate ba mbawa zi'öli dania, ba si so ba mbenua, ba ube'e ö gutu ndru'u, ba si so ba dete gara yaŵa ba ba dögi narö hili, ba si mate ba wökhö waba. 28 Ba ubali'ö tanö si lö nihaniha danö ba tanö si mate, ba awai sa'ae dania hokhania andrö, ba tanö si mate hili Ndraono Gizeraeli, fa lö sanörö sa'ae. 29 Ba aboto dania ba dödöra, wa no ya'odo Yehowa, na no ubali'ö tanö si lö nihaniha danö ba tanö si mate, börö zogoro ita andrö khöra, fefu, nilaura.

IV. Ha sambalö fango'aya nidöna-dönania khöra

30 He ono niha, fahuhuo niwami ba zalogotö ba ba mbagi nora; faoma lamane khö nawöra ba da'ö: Mitabu ba mifondrondrongo hadia daroma li Lowalangi andrö! 31 Ba lahurufai ndra'ugö, ba dumao-dao ira fönau, banuagu, ba na no larongo niŵa'öu, ba lö'ö zui la'o'ö. Fa'omasi lafa'ua bawara, ba tödöra, ba no solohi hare. 32 Ba hiza, ba amaedola wanunö omasiö ndra'ugö khöra, si sökhi li ba si no onekhe folau biola, ba larongo limö, ba lö la'o'ö. 33 Ba na itörö dania — ba hiza, itörö — ba awena aboto ba dödöra, wa no so zama'ele'ö ba khöra.

Famotokhi ba gahe

Fabaliŵa lala

Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö