Wb/nia/Hezekieli/19

From Wikimedia Incubator
< Wb‎ | nia‎ | Hezekieli
Wb > nia > Hezekieli > 19

I. Fangarö-ngarö ba wa'atekiko razo Ndraono Gizeraeli[edit | edit source]

1 Ba ya'ugö, ba e'esi razo Ndraono Gizeraeli, ömane: 2 Ha niha ninau? Singo si alawe; ba ngai zingo mörö-mörö ia, ba ngai nono zingo i'e'ebua nononia. 3 Sara zebua ononia; ba tobali ono zingo da'ö ba ifamaha ia ba wondra'undra'u, i'a niha. 4 Ba la'ekhugö niha khönia niha baero, ba lösu-lösu khöra lafa'ala ia, lafesu nikhu ba la'ohe ba danö Miserayi ia.[1] 5 Ba me i'ila [inania] ara manö ba lö tötönafö sa'ae, ba ihalö nononia si sara, ba ibali'ö ono zingo. 6 Ba fao-fao ia ba zingo, tobali ono zingo, ifamaha ia ba wondra'undra'u, i'a niha. 7 Ba i'aohafi lakha mbanua khöra ba idudugö mbanua, ba tobali tanö si mate danö, fabaya ösinia, ba wendröndröndröndrönia. 8 Ba lafasui ia niha baero, udunia, moroi ba danö si tefasui ya'ira, ba lahawui ia u'öra, ba ba lösu-lösu khöra lafa'ala ia. 9 Ba lafesu nikhu ba ladöni ba haya, ba la'ohe ia khö razo Mbabeli, si yaŵa ba hati labe'e, ena'ö lö'ö sa'ae terongo linia ba hili Ndraono Gizeraeli.[2]

II. Yeruzalema, amaedola ŵeŵe nagu[edit | edit source]

10 No timba ŵeŵe nagu ninau, si mane ya'ugö, ŵeŵe nagu nitanö ba mbewe nidanö; no abölö mbua ba no abölö ndraha, börö wa'abölö nidanö.[3] 11 Ba sara zesolo dahania, tola si'o zalaŵa; manöi ia, bakha ba zarege daha, ba to'ele ia, ba wa'alaŵania ba ba wa'oya zi fadahadaha. 12 Ba tedeha ia ba wönu, tetibo'ö tou ba danö, ba oköli mbuania ibe'e angi timu; nilöwa ndrahania sesolo ba mangadolu, ö galitö.[4] 13 Ba iya'e, ba no mutanö ba danö si mate, ba danö soköliköli, si no timba zowökhi tödö. 14 Ba no i'a duturunia alitö, si otarai ndraha no mege, ba lö si tosai khönia daha sesolo, lö'ö sa'ae si'o zalaŵa. Fangarö-ngarö da'e ba no tobali fange'esi.

Famotokhi ba gahe[edit | edit source]

  1. RazII 23:31 b.t. Yer 22:11; Yes 37:29
  2. RazII 24:1 b.t.; Nga'ötII 36:5 b.t.; Yer 22:19
  3. Faigi 17:6
  4. Faigi 17:10

Fabaliŵa lala[edit source]

Olayama Hezekieli: 123456789101112131415161718192021222324252627282930313233343536373839404142434445464748

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö