Wb/nia/Hezekieli/17
I. Amaedola: hogu geresi ba ŵeŵe nagu[edit | edit source]
1 Ba so niŵa'ö Yehowa khögu, imane: 2 He ono niha, lau dahö-dahö ba amaedola ba ma'uwu Gizeraeli, ömane: 3 Da'ö niwa'ö Zo'aya, Yehowa: No so moroi sa moyo sebua, sebua sibai afi, sanau sibai bu, no a'oi so mbu si sökhi la'ala'a; isaŵa hili Libano ba ifatö hogu geresi.[1] 4 Ikhete mbadöbadö ba i'oloi'ö ba danö zaniaga; ba mbanua soya lafo ibe'e.[2] 5 Ba ihalö zinanö ba danö, sara, ba itanö ba kabu, ba zabölö idanö ibe'e, timba mbou. 6 Ba auri ba tobali ŵeŵe nagu sanana tou ba danö, ba tobali aköi mangawuli khönia gasinia ba barönia so ŵa'ania. Ba me no tobali ŵeŵe nagu, ba fadahadaha ia, i'oro'ö ndrahania. 7 Ba so moyo bö'ö, sebua ba sebua afi ba sabölö bu, ba hiza, ba ifaudugö ia ŵa'ania ŵeŵe nagu andrö ba i'oro'ö khönia ndrahania, ena'ö khönia isöndra nidanö, ba tenga ba gowoto andrö nitanö ya'ia, 8 he ŵa'ae no ba danö si sökhi ba sabölö idanö tetanö ia mege, ena'ö modaha ia ba ena'ö mowua, ena'ö tobali ŵeŵe nagu si no maulu fa'asökhi. 9 Ba ömane: Da'ö niŵa'ö Zo'aya, Yehowa: Hadia, si sökhi maö lua-lua dania? Hadia, lö ideha dania ŵa'ania [sananö ya'ia mege], ba lö iteu mbuania, fa aleu lehelehenia fefu? Ba tenga ba wa'abölö danga, ba tenga ba wa'ato niha, na ideha ŵa'ania. 10 Ba hiza, ba no sinanö ia; ba hadia, si sökhi maö lua-lua dania? Hadia, lö alua manö aleu, na göna ia angi moroi ba gatumbukha luo, lö aleu ia ba gowoto andrö, ba nitanö ya'ia?[3]
II. Eluahania, nitandrösaigö khö razo Sedekia[edit | edit source]
11 Ba so niŵa'ö Yehowa khögu, imane: 12 Ömane ba niha sabe'e tandro andrö: Hadia, lö aboto ba dödömi geluaha da'ö? Ömane: Hiza, no möi ba Yeruzalema razo Mbabeli ba no ifara'u'ö razora, awö gumandru sebua khönia, ba no i'ohe khönia ba Mbabeli.[4] 13 Ba no ihalö göi nga'ötö razo, ba no fawu'u li ia khönia, no ibe'e ba hölu, ba salaŵa ba danö, ba no i'ohe,[5] 14 ena'ö böi ebua wa'asalaŵa, ena'ö böi fayaŵa [razo] ba fa böi iwu'ai wawu'usa li andrö khönia, ena'ö aro. 15 Ba no fabali ia khönia, ba no ifatenge zinenge ba danö Miserayi, ena'ö lafa'ohe'ö khönia kudo ba ena'ö lafatenge niha. Hadia, si sökhi maö lua-lua da'ö? Hadia, sauri maö zolau si mane da'ö? Hadia, auri ia, na no idudugö wawu'usa li andrö?[6] 16 Faya wa no sauri ndra'o, iŵa'ö So'aya, Yehowa, na tenga ba mbanua razo andrö mate, ba mbanua razo andrö, samali'ö razo ya'ia mege, si no isawö si möi ia ba hölu mege, awö wawu'usa li andrö, khönia ba Mbabeli bakha mate ia. 17 Ba Fara'o andrö, ba lö'ö sa itolo ia sabölö khönia, ba he ba wa'ato niha khönia, ba wasuwöta, na lako'o fari dania ba na lalau malige, ba wangohori niha, sato sibai.[7] 18 Noa sa isawö zi no möi ia ba hölu mege, me no iwu'ai wawu'usa li andrö: he ŵa'ae no fara'u tanga ira, ba no ilau zui da'ö fefu; ba lö auri ia ba da'ö. 19 Andrö wa imane So'aya, Yehowa: Faya wa no sauri ndra'o, na lö usulöni khönia wahölusania andrö, ba khögu mege, si no i'ositengagö, ba he fawu'usa li andrö, me fawu'u li ia fönagu, niwu'ainia. 20 Ba uhawui ia u'ö andrö khögu, ena'ö alau ia ba gu'ögu; ba u'ohe ia ba Mbabeli, ba ba da'ö uhuku ia, ba walimosania andrö khögu.[8] 21 Ba fondrege zabölö andrö khönia, ba zabölö andrö khönia fefu, ba si mate ba mbawa zi'öli dania, ba si tosai, ba nifazawili misa ba zi fasui fefu, ena'ö aboto ba dödömi, wa no ya'o, Yehowa, zanguma'ö.[9]
III. Fama'ele'ö: eresi Mesia ba hili Ziona[edit | edit source]
22 Da'ö niŵa'ö Zo'aya, Yehowa: Uhalö göi zara duturu ba hogu geresi salaŵa andrö ba utanö. Ba duturunia ba wondrege hogu ufatö zara sise'ise, ba utanö yaŵa ba hili salaŵa.[10] 23 Ba hili salaŵa andrö ba Ndraono Gizeraeli utanö, ena'ö modaha ia, ba ena'ö mowua ba ba ena'ö tobali eresi salaŵa sibai, nahia ngawalö wofo; ba lumö ndrahania la'iagö. 24 Ba ya la'ila töla geu ba mbenua fefu, wa no ya'o Yehowa zangide-ide'ö eu sebua, awö wa no u'ebua'ö geu side-ide, wa no mangadolu geu sauri ube'e, awö wa no mobowo geu si no mate mege: ya'odo, Yehowa zanguma'ö ba no ya'odo zolau.
Famotokhi ba gahe[edit | edit source]
Fabaliŵa lala[edit source]
Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48
Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö