Jump to content

Wb/nia/Hezekieli/26

From Wikimedia Incubator
< Wb‎ | nia‎ | Hezekieli
Wb > nia > Hezekieli > 26

I. Fama'ele'ö: Fanudugö Tiro

[edit | edit source]

1 Ba ba ndröfi si felezara, me tesa'a, ba so niŵa'ö Yehowa khögu,[1] 2 imane:

He ono niha, me no faha! Diro andrö, ba Yeruzalema, me no lamane: "No mubokai mbawa göli ba niha baero; tanö ba khöda no teboka ia, sato niha föna, ba no si lö niha-niha, 3 ba imane So'aya, Yehowa: Hiza, ulau khöu, ya'ugö Tiro, oya soi u'ohe udumö niha, timba ndrulu ba nasi, saboto baene. 4 Ba ladudugö dania göli Diro, öli kara, ba laso'agö malige andrö khöra. Ba ubözini khönia guli danö, ubali'ö kara si lö tanö yaŵa. 5 Naha wolokhoi kiri dania ia, ba dalu nasi bakha, me no ya'o zanguma'ö, iŵa'ö So'aya, Yehowa, ba ahulua soi bö'ö dania ia. 6 Ba banua halama soya khöra, sihene asi, ba si mate ba mbawa zi'öli dania, ena'ö aboto ba dödöra, wa no ya'odo Yehowa.

II. Nebukanesa zamatörö fotu andrö khöra

[edit | edit source]

7 Imane sa So'aya, Yehowa: Hiza ufatenge sanuwö Tiro Nebukanesa, razo Mbabeli, moroi yöu, fondrege razo andrö, solohe kudo ba hureta ba si fakudo, awö niha sato sibai. 8 Da'ö zamunu tou si'öli mbanua halama soya khömi, sihene asi, ba ilau malige zanuwö khömi ba ifako'o'ö fari khömi ba ifafazökhi'ö mba'a-ba'a khöra. 9 Ba la'olobigö ba göli kara khömi wamoto andrö ba larasa maligemi si'öli andrö khöra. 10 Ba tehawu ami gawu-gawu ba wa'oya kudo khöra moroi sa; ba ba werara zi fakudo ba gaolo ba kureta, ba humisi göli mbanua khömi, na latörö mbawa göli khömi, si mane na atu'a ba mbanua zanuwö. 11 Afufu newalimö fefu [ya'ugö Tiro] labe'e ahe kudo khöra, ba ösimö, ba labunu tou si'öli, ba adudu tou gehomo sesolo andrö khöu. 12 Ba larabu gana'amö, ba faniaga andrö ba khöu, ba lahalö, ba ladudugö gölimö, öli kara andrö, ba omo, sebua balazo mege ba wolau, ba lafufu, ba karania ba eunia, adudula, ba latibo'ö ba nasi. 13 U'etu'ö li wanunö ba khöu, ba he li mbiola khöu, ba lö terongo sa'ae.[2] 14 Ba ubali'ö kara si lö tanö yaŵa ndra'ugö: tobali naha wolokhoi kiri ndra'ugö; lö'ö sa'ae lafuli lataru'ö ndra'ugö, me no ya'o, Yehowa, zanguma'ö, iŵa'ö So'aya, Yehowa.

III. Fa'atobali dödö ba waate'alara andrö

[edit | edit source]

15 Da'ö niŵa'ö Zo'aya, Yehowa, nitandrösaigö ba Diro andrö: Hadia, lö muheu hulo ba nasi ba werara wa'adudumö ba ba wangarö-ngarö nitaru'ö si'öli, na möi famunu ba khömö zi'öli andrö? 16 Ba möi tou zalaŵa ba mbewe nasi fefu, laröi dadaomara, laheta mbarura, baru zalaŵa, awö nukhara nigili sola'a-la'a. Ba la'onukha wanizi-nizi, ba tou ba danö mudadao ira; lö mamalö-malö wanizi ba no tobali dödöra ba khömö andrö. 17 Ba la'e'esi ndra'ugö ba lamane khöu: "Ha lö afufu ndra'ugö, ha lö ataya ndra'ugö ba nasi, ya'ugö banua nisuno sibai mege, si no abölö ba nasi, ya'ia ba ösinia, same'e manizi-nizi khönia dozi si so ba ngai![3] 18 Ba iada'e, ba humeu hulo, me luo wa'adudumö, ba si tobali tödö hulo ba nasi, ba wozumö andrö. 19 Imane sa So'aya, Yehowa: Na ubali'ö banua si no adudu ndra'ugö, si mane banua bö'ö andrö, si lö niha sa'ae, na ufatörö khöu goloro, 20 ena'ö anönö'ö asi, ba utuli'ö si tou ndra'ugö, awö zi no möi si tou ba goho-koho, ba niha ba götö föna, ba ba mbanua tou u'asiwai nahiamö, timba gadudula si no ara sibai, ba zi no möi ba goho-koho, fa böi sa'ae la'iagö ndra'ugö niha, ba fa böi sa'ae monaha ndra'ugö ba danö niha sauri. 21 I'ogomuzaö adudu ndra'ugö ube'e, ba lö'ö sa'ae ya'ugö. La'alui dania ndra'ugö, ba irugi zi lö aetu, ba lö lasöndra'ö, iŵa'ö So'aya, Yehowa.

Famotokhi ba gahe

[edit | edit source]
  1. Faigi göi Yes 23; Amos 1:9; Yoel 3:4 b.t.
  2. Yes 24:8
  3. Fam 18:9

Fabaliŵa lala

[edit source]

Olayama Hezekieli: 123456789101112131415161718192021222324252627282930313233343536373839404142434445464748

Amabu'ulali Siföföna: Moze IMoze IIMoze IIIMoze IVMoze VYosuaSanguhukuRutiSamueli ISamueli IIRazo IRazo IINga'ötö INga'ötö IIEseraNehemiaEsiteraYobiSinunöAmaedola ZelomoSangombakhaSinunö SebuaYesayaYeremiaNgenu-Ngenu YeremiaHezekieliDanieliHoseaYoeliAmosiObadiaYonaMikhaNakhumiHabakukiSefaniaHagaiSakhariaMaleakhi

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö