Wb/nia/Hezekieli/25

I. Fama'ele'ö nitandrösaigö ba Ndraono Gamoni

1 Ba so niŵa'ö Yehowa khögu, imane: 2 He ono niha, otahögö Ndraono Gamoni ba ama'ele'ö nitandrösaigö khöra.^[1] 3 ömane ba Ndraono Gamoni andrö: Mifondrondrongo li Zo'aya, Yehowa! Da'ö niŵa'ö Zo'aya Yehowa: Me no faha! ami ba ni'amoni'ö andrö khögu, me no mu'o'aya ia, ba ba danö Ndraono Gizeraeli, me no mubali'ö tanö si mate ia, ba ba ma'uwu Yuda, me no mu'oloi'ö ira, 4 ba hiza, ba ube'e okhöta niha tanö ba gatumbukha luo ami, ena'ö lalau hatira ba khömi ba ena'ö lataru'ö nahiara. Ya'ira zi manga bua danö khömi ba ya'ira zamadu susu zaŵi khömi. 5 Ba ubali'ö nikubaloi gondra Raba andrö, ba tanö Ndraono Gamoni, ba ubali'ö föröma mbiri-biri, ena'ö aboto ba dödömi, wa no ya'odo Yehowa. 6 Imane sa So'aya, Yehowa: Me no molau tatawo ami ba me no mibörö danö ba me no mi'ositengagö Ndraono Gizeraeli ba me no a'oi so wa'omuso dödömi ba zi göna ira,^[2] 7 ba hiza, ba u'oro'ö dangagu yaŵami ba ube'e ondra'ua niha baero ami ba uhori ami bakha ba hunö niha bö'ö, taya ami ba danö ube'e; ufakiko ami, ena'ö aboto ba dödömi, wa no ya'odo Yehowa.

II. Fama'ele'ö nitandrösaigö ba Ndraono Moabi

8 Da'ö niŵa'ö Zo'aya, Yehowa: Me no lamane Iraono Moabi ba banua Ze'ira: No tobali si mane niha bö'ö fefu ma'uwu Yuda!^[3] 9 ba hiza, ba ulahoi zanaere tanö andrö, ba Ndraono Moabi, fa lö banua sa'ae, banua andrö mege, ba zi fasui: fa'amoadu danö andrö, Beti Yesimoto ba Ba'ali Meono ba Kiriata'i. 10 Ube'e okhöta niha tanö ba gatumbukha luo, awö danö Ndraono Gamoni, ena'ö lö'ö sa'ae itörö tödö niha bö'ö Ndraono Gamoni andrö. 11 Ba ba Ndraono Moabi, ba ufatörö huku, ena'ö aboto ba dödöra, wa no ya'odo Yehowa.

III. Fama'ele'ö nitandrösaigö ba Ndraono Gedomo

12 Da'ö niŵa'ö Zo'aya, Yehowa: Me no molau balö ba ma'uwu Yuda Ndraono Gedomo, ba me no ebua horö, me no lalau mbalöra khöra,^[4] 13 andrö wa imane So'aya, Yehowa: U'oro'ö sa'ae dangagu yaŵa Ndraono Gedomo, ba uhori ba danö niha, fabaya urifö, ba ubali'ö tanö si mate danö; i'otarai Demana, numalö ba Dedano, ba mate-mate ira ba mbawa zi'öli. 14 Ba folaugu balögu ba Ndraono Gedomo, ba ube'e ba danga mbanuagu Iraono Gizeraeli, ena'ö fönugu ba fa'abao dödögu labe'e dali wolau ba Ndraono Gedomo, ba ena'ö la'ila wolaugu balögu andrö, iŵa'ö So'aya, Yehowa.^[5]

IV. Fama'ele'ö nitandrösaigö ba Ndrawa Wilisiti

15 Da'ö niŵa'ö Zo'aya, Yehowa: Me no molau balö Ndrawa Wilisiti, me no la'ositengagö ami ba me no moroi si'aikö ba dödöra lalau mbalöra khömi, me no famakiko lafa'ua, ba watiusa andrö si lö aetu,^[6] 16 andrö wa imane So'aya, Yehowa: Hiza, u'oro'ö dangagu yaŵa Ndrawa Wilisiti, ba uhori Ndrawa Gereta andrö, ba ufakiko zi tosai sihene asi. 17 Folau balö sabölö-bölö ufatörö khöra, fotu ba wönu, ena'ö aboto ba dödöra, wa no ya'odo Yehowa, na ulau mbalögu khöra.

Famotokhi ba gahe

↑ Yer 49:1 b.t.
↑ Faigi 35:15
↑ Yer 48:1 b.t.
↑ Sin 137:7; Amos 1:11
↑ Yes 11:14
↑ Yer 47:1 b.t. Sef 2:5

Fabaliŵa lala

Olayama Hezekieli: 1 • 2 • 3 • 4 • 5 • 6 • 7 • 8 • 9 • 10 • 11 • 12 • 13 • 14 • 15 • 16 • 17 • 18 • 19 • 20 • 21 • 22 • 23 • 24 • 25 • 26 • 27 • 28 • 29 • 30 • 31 • 32 • 33 • 34 • 35 • 36 • 37 • 38 • 39 • 40 • 41 • 42 • 43 • 44 • 45 • 46 • 47 • 48

Amabu'ulali Siföföna: Moze I • Moze II • Moze III • Moze IV • Moze V • Yosua • Sanguhuku • Ruti • Samueli I • Samueli II • Razo I • Razo II • Nga'ötö I • Nga'ötö II • Esera • Nehemia • Esitera • Yobi • Sinunö • Amaedola Zelomo • Sangombakha • Sinunö Sebua • Yesaya • Yeremia • Ngenu-Ngenu Yeremia • Hezekieli • Danieli • Hosea • Yoeli • Amosi • Obadia • Yona • Mikha • Nakhumi • Habakuki • Sefania • Hagai • Sakharia • Maleakhi

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö

[1] Yer 49:1 b.t.

[2] Faigi 35:15

[3] Yer 48:1 b.t.

[4] Sin 137:7; Amos 1:11

[5] Yes 11:14

[6] Yer 47:1 b.t. Sef 2:5

[1]

[2]

[3]

[4]

[5]

[6]